पुणे पोर्शे कार अपघात प्रकरणाला नवं वळण; आणखी दोघांना अटक... - पोलीसकाका

पुणे : पुणे शहरातील कल्याणीनगर येथे काही दिवसांपूर्वी अलिशान पोर्शे कारने दिलेल्या धकडेत दुचाकीवर असलेल्या अभियंता युवक आणि युवतीचा जागीच मृत्यू झाला होता. विशेष म्हणजे ही कार एक अल्पवयीन मुलगा चालवत होता. अपघातानंतर अल्पवयीन मुलगा पळून जाण्याच्या प्रयत्नात असताना जमावाने त्याला पकडले होते. या अपघात प्रकरणी आणखी दोघांना अटक करण्यात आली आहे.

पोर्शे ही अलिशान कारएका बिल्डरचा अल्पवयीन मुलगा चालवत होता. या अपघात प्रकरणात केवळ अपघातावर निबंध लिहिण्याची शिक्षा देऊन आरोपीला जामीन मंजूर करण्यात आल्यानंतर वातावरण चांगलंच तापलं होतं. दरम्यान त्यानंतर या अल्पवयीन आरोपीचा जामीन रद्द करून त्याची रवानगी बालसुधारगृहात करण्यात आली. या प्रकरणातील अल्पवयीन आरोपीसोबत त्याच्या कारमध्ये असलेल्या मित्रांचेही रक्ताचे नमुने बदलण्यात आले होते. हे नमुने बदलल्याप्रकरणी आता आणखी दोन जणांना अटक करण्यात आली आहे.

दरम्यान, अल्पवयीन मुलाच्या रक्ताचे नमुने बदलून पुरावा नष्ट केल्याप्रकरणी आरोपींच्या जामीन अर्जावर आज न्यायालय निर्णय घेणार आहे. आरोपींच्या जामीन अर्जावर सरकारी पक्ष आणि बचाव पक्षाने युक्तिवाद पूर्ण केला आहे. अल्पवयीन आरोपीचे वडील विशाल सुरेंद्र अगरवाल, आई शिवानी, ससून रुग्णालयातील न्यायवैद्यक शास्त्र विभागाचा प्रमुख डॉ. अजय तावरे, डॉ. श्रीहरी हाळनोर, अश्फाक मकानदार, अमर गायकवाड यांनी जामीन मिळवण्यासाठी न्यायालयात अर्ज केला होता, यावर आज न्यायालय निर्णय घेणार आहे.

संतोष प्रभू धायबर, संपादक

काही निवडक श्रेणी

टॅग

ताज्या बातम्या

प्रतिक्रिया व्यक्त करा उत्तर रद्द करा.

संबंधित बातम्या

You May Missed