जुगाराच्या नादात झालेले कर्ज फेडण्यासाठी पोलिस अधिकारीच बनला चोर... - पोलीसकाका

बीड: ड्रीम 11, रमी ॲपमध्ये पैसे बुडाल्यामुळं लोकांकडून घेतलेले कर्ज फेडण्यासाठी पोलिस कर्मचाऱ्याने चोरी केली आहे. यापूर्वी देखील या पोलिसाने थेट पोलिस अधीक्षक कार्यालयातूनच 58 बॅटऱ्यांची चोरी केली होती. अमित मधुकर सुतार असे पोलिस अधिकाऱ्याचे नाव असून ते बीडच्या पोलिस दलात सहाय्यक पोलिस उपनिरीक्षक म्हणून कार्यरत होते.

2024 मध्ये इन्वर्टरसाठी लागणाऱ्या 10 बॅटऱ्या चोरल्याप्रकरणी त्याच्या विरोधात बीड शहर पोलिस ठाण्यात गुन्हा दाखल झाला होता. या घटनेला वर्ष उलटत नाही, तोच सुतार याने आणखी एक कारनामा करत दोन साथीदारांसह सात दुचाकींची चोरी केली आहे. याप्रकरणी पोलिस ठाण्यात गुन्हा दाखल असून, या पोलिसाला जेरबंद करण्यात आले आहे.

पोलिस अधीक्षक कार्यालयातून बॅटरींची चोरी केल्यानंतर पोलिस अधीक्षक नवनीत कॉवत यांनी अमित सुतार याचे निलंबन केले होते. तो सध्या जामिनावर बाहेर होता. परंतु, अमित सुतार याला ऑनलाइन जुगार, दारु, गेम खेळण्याचा छंद होता. यात त्याने हजारो रुपये गुंतवले होते. अनेकांकडून कर्जही घेतले हे पैसे परत करण्यासाठी अखेर चोरीचा मार्ग अवलंबवा होता. दरम्यान, पोलिस अधिकारीच चोर बनल्याने या प्रकाराची चर्चा सुरु आहे.

पोलिसांनीच केला धूम ठोकलेल्या पोलिस अधिकाऱ्याचा सिनेस्टाईल पाठलाग…

पुणे! महिला पोलिस अधिकाऱ्याचा भाजपच्या नेत्याने केला विनयभंग…

महाराष्ट्र पोलिस दलात खांदेपालट; २२ वरिष्ठ अधिकाऱ्यांच्या बदल्या…