IPS सत्य साई कार्तिक! पोलिस दलाच्या माध्यमातून देश सेवा करणारा अधिकारी!

(संतोष धायबर, santosh.dhaybar@gmail.com)
महाराष्ट्र पोलिस दलात पोलिस अधिकारी म्हणून सत्य साई कार्तिक हे कार्यरत आहेत. आयपीएस अधिकारी होण्यापूर्वी हातामध्ये तीन वेगवेगळ्या क्षेत्रातील संधी त्यांना खुणावत होत्या. क्रिकेटच्या माध्यमातून रणजीपर्यंत मजल मारली. बी. टेक (कॉम्प्यटर सायन्स) होऊन आयटी क्षेत्र खुणावत होते. परदेशात जाऊन एमएस करायचे होते. पण, लहानपणापासून लष्करात दाखल होऊन देशसेवा करण्याचे पाहिलेले स्वप्न आयपीएस अधिकारी झाल्यानंतर पोलिस दलाच्या माध्यमातून करत आहेत. सत्य साई कार्तिक यांचा अतिशय प्रेरणादायी प्रवासाबद्दल थोडक्यात…

सत्य साई कार्तिक हे मुळचे हैद्राबादचे. मध्यमवर्गीय कुटुंबातील जन्म. आई-वडील आणि एक बहिण असे छोटे कुटंब. वडील बँकेत तर आई गृहीणीची जबाबदारी पार पाडत असतानाच छोट्या व्यवसायाच्या माध्यमातून कुटुंबाला हातभार लावण्याचे काम पाहात असे. सत्य साई कार्तिक यांना लहान पणापासून क्रिकेटची आवड. अभ्यास आणि खेळामुळे शालेय जिवनापासून व्यस्त अशी जीवनशैली. पहाटे पाच वाजता सुरू झालेला दिवस रात्री दहा वाजता संपे. तरुण वयात १५-१७ तास प्रचंड मेहनत घेतल्यामुळे यशाचे शिखर त्यांना गाठता आले आहे.

Happy Birthday! रियल लाईफ दबंग अधिकारी IPS सत्यसाई कार्तिक!

मध्यमवर्गीय कुटुंबातील जन्म…
सत्य साई कार्तिक यांचा हैद्राबादमधील मध्यमवर्गीय एकत्र कुटुंबातील जन्म. एकत्र कुटुंब असल्यामुळे वडिलांवर मोठी आर्थिक जबाबदारी होती. वडील स्टेट बँक ऑफ इंडियामध्ये नोकरी करत तर आई कुटुंब सांभळतानाच छोटा व्यवसाय सांभाळत असत. पुढे विभक्त कुटुंब झाले. कुटुंबावर कर्जाचा डोंगर होताच. विभक्त कुटुंब झाल्यानंतर दोन छोट्या खोल्यांमध्ये राहून दिवस काढले. यामुळे सत्य साई कार्तिक यांना लहानपणापासून गरिबीची जाणीव आहे. शिवाय, आई-वडिलांनी कुटुंबाची आर्थिक बाजू सांभाळतानाच मुलांवर संस्कार घडवले. शिवाय, उच्च शिक्षण दिले. हैद्राबाद येथील ऑल सेन्ट्स हायस्कूलमध्ये प्राथमिक शिक्षण तर जेएनटीयू विद्यापीठातून त्यांनी पदवी घेतली.

क्रिकेटचा वारसा…
सत्य साई कार्तिक यांच्या वडिलांना आणि काकांना क्रिकेटची आवड होती. पण, ते स्थानिक पातळीवरच क्रिकेट खेळले. वडिल आणि काकांच्या क्रिकेटच्या आवडीमुळे सत्य साई कार्तिक यांनाही क्रिकेट आवडू लागले. सत्य साई कार्तिक यांना सुरवातीला वजन कमी करण्यासाठी मैदानावर आणले. पण, त्याचा परिणाम असा झाला की ते मैदानावरच जास्त वेळ रमू लागले. पहाटे लवकर उठून मैदानावर तासन तास वेळ घालवत. मैदानावरून शाळेत आणि शाळा सुटल्यानंतर पुन्हा मैदानावर. पहाटे पाच वाजता सुरू झालेला दिवस रात्री दहा वाजता संपे. या वेळमध्ये मैदान, शाळा आणि अभ्यास चालायचा. लहान पाणापासूनच त्यांना प्रचंड मेहनतीची आवड निर्माण झाली होती. मैदानी खेळ आणि क्रिकेटमुळे ध्येय, जिद्द आणि एकाग्रतेसाठी मोठा फायदा झाला आहे, असे सत्य साई कार्तिक सांगतात.

सत्यसाई कार्तिक: क्रिकेट प्लेयर ते आयपीएस अधिकारी…

बी. टेक (कॉम्प्यटर सायन्स) पदवी…
लहान पणापासून खेळाची आवड असली तरी शिक्षणामध्येही ते हुषार होते. क्रिकेट आणि अभ्यासावरच त्यांचा प्रामुख्याने फोकस होता. यामुळे दोन्ही क्षेत्रात त्यांनी मोठी प्रगती केली होती. दहावी आणि बारावीच्या परिक्षेत त्यांनी ९० टक्क्यांपेक्षा जास्त गुण मिळवून यश प्राप्त केले होते. बारावीनंतर त्यांनी बी.टेक (कॉम्प्यटर सायन्स) ही पदवी प्राप्त केली.

रणजी पर्यंत मजल…
क्रिकेट आवडीचा खेळ. भारतीय क्रिकेटपटू अझरुद्दीन जेथे घडले होते. तिथेच सत्य साई कार्तिक यांनी क्रिकेटचे धडे घेतले होते. शालेय जिवनात असतानाच क्रिकेटमधून नाव कमावले होते. शाळेकडून १३, १४, १६ आणि १९व्या वर्षी क्रिकेट खेळले होते. शिवाय, संघाचे नेतृत्वही केले होते. क्रिकेटमधील प्रगती पाहता ते देशाकडून खेळतील असा अंदाज वर्तविला जात होता. रणजी पर्यंत त्यांनी मजल मारली होती. पण, काही कारणास्तव भारतीय क्रिकेट संघामध्ये नियुक्ती होऊ शकली नाही. पण, वाईट वाटून न घेता आजही त्यांनी छंद जोपासला आहे. क्रिकेटची आवड असणारा आणि आयपीएस अधिकारी झाल्यानंतर त्यांच्या फॅन फॉलोअसची संख्या दिवसेंदिवस वाढताना दिसत आहे. शिवाय, अनेकांच्या गळ्यातील ते ताईत बनले आहेत.

आयटी कंपनीत नोकरी…
बी. टेक (कॉम्प्यटर सायन्स) पदवी हातात असल्यामुळे आयटी कंपनीमध्ये त्यांना नोकरी मिळाली होती. आयटी कंपनीत नोकरी लागल्यानंतर इतरांप्रमाणेच सत्य साई कार्तिक यांनाही आनंद झाला होता. पण, मैदानावर तासन तास वेळ घालवणाऱ्या खेळाडूला आयटी कंपनीमध्ये एका जागेवर बसने थोडे आवघड वाटू लागले होते. फार फार तर परदेशात जाऊन पैसे मिळवू, असे वाटत होते. पण, क्रिकेटच्या माध्यमातून देशाची सेवा करता येईल, असे कुटुंबियांनी सांगितले होते. किंवा लष्करात जाऊन देशसेवा करायची हा त्यांचा ध्यास होता. यामुळे नोकरीमध्ये त्यांचे मन काही रमत नव्हते. सहा महिने नोकरी केल्यानंतर त्यांनी राजीनामा दिला. आयटी कंपनी सोडून स्पर्धा परिक्षा देण्याचा निर्णय घेतला. कारण, देशसेवा करण्याचे लहानपणापासून पाहिलेले स्वप्न पूर्ण करायचे होते.

पोलिसांचे हक्काचे पुस्तक! ‘माझे कर्तव्य, माझे कुटुंब’

UPSC परिक्षा देण्याचा निर्णय…
क्रिकेट आणि बी. टेक (कॉम्प्यटर सायन्स) पदवी घेतल्यानंतर परदेशात जाऊन एमएस करण्याचा विचार सुरू होता. पण, वडिलांनी स्पर्धा परिक्षा देण्याचा सल्ला दिला. क्रिकेट, बी. टेक आणि एमएस या तीन संधी हातात असताना UPSC परिक्षा देण्याचा निर्णय घेतला. स्पर्धा परिक्षा देण्यापूर्वी तीन संधी हातात असल्यामुळे पूर्ण लक्ष स्पर्धा परिक्षेवर केंद्रीत केले. कारण, स्पर्धा परिक्षेत यश मिळाले नाही तर आयुष्यात पुढे काय करायचे? हा प्रश्न कधीच मिटलेला होता. एमएस साठी परदेशात जाण्याचा निर्णय रद्द करून स्पर्धा परिक्षा देण्याचा निर्णय कायम ठेवला.

हैद्राबाद ते दिल्ली प्रवास…
सत्य साई कार्तिक यांनी UPSC परिक्षा देण्याचा निर्णय घेतल्यामुळे हैद्राबाद वरून दिल्ली गाठले. हैद्राबादमध्ये असताना बहुतांश वेळ हा मैदानावर जाई. पण, दिल्लीला गेल्यानंतर पूर्ण बदल झाला. UPSC परिक्षेबद्दलही जास्त काही माहित नव्हते. जीवन प्रवासात एकदम ३६० अंशामध्ये बदल झाला होता. पण, जिद्द होती. क्रिकेटने खूप काही शिकवले होते. दिल्लीत दाखल झाल्यानंतर रात्रं-दिवस अभ्यास सुरू केला. सुरवातीला अवघड जात होते. पण, हळूहळू गाडी रुळावर येऊ लागली होती. हाताने नोट्स काढायला सुरवात केली. हाताखालून गेल्यामुळे उजाळणी होत होती. लिखाण एवढे केले की खोली अक्षरशः गठ्ठ्यांनी भरून गेली होती. अभ्यास आणि फक्त अभ्यास एवढा एकच ध्यास होता. काही करून यश मिळवायचे, ही जिद्द होती.

अधिक माहिती वाचण्यासाठी पुस्तक जरूर खरेदी करा…

पुस्तकाचे नावः पोलिस अधिकारी व्हायचय?
किंमत – ३०० रुपये
WhatsApp: 93712 69949