मिरा भाईंदर पोलिस आयुक्त मधुकर पांडे यांची उचलबांगडी... - पोलीसकाका

मुंबई : मिरा भाईंदर पोलिस आयुक्त मधुकर पांडे यांची उचलबांगडी करण्यात आली असून, त्यांच्या जागी IPS अधिकारी निकेत कौशिक यांची मिरा भाईंदर- वसई विरार पोलिस आयुक्तपदी वर्णी लावण्यात आलेली आहे.

मिरा भाईंदरमध्ये मराठी अमराठी वाद पेटलेला असताना व्यापाऱ्यांच्या मोर्चाला प्रत्युत्तर म्हणून मराठी मोर्चा काढण्याचे ठरलेले होते. मात्र मनसे, शिवसेना आणि मराठी एकीकरण समितीच्या मोर्चाला मिरा भाईंदरचे पोलिस आयुक्त मधुकर पांडे यांनी परवानगी नाकारली होती. राज्य शासनानेच मराठी मोर्चाला परवानगी नाकारल्याचा आरोप विरोधकांनी केला. यावरून फडणवीस सरकारवर जोरदार टीका झाली. मराठी मोर्चाला परवानगी नाकारल्याने राज्य शासनाची प्रतिमा खराब झाल्याने मुख्यमंत्री फडणवीस यांनी मोठा निर्णय घेत मिरा भाईंदरचे पोलिस आयुक्त मधुकर पांडे यांची तडकाफडकी बदली करण्याचा निर्णय घेतला. मिरा भाईंदर पोलिस आयुक्त मधुकर पांडे यांची उचलबांगडी करण्यात आलेली आहे. त्यांच्या जागी आयपीएश अधिकारी निकेत कौशिक यांची मिरा भाईंदर- वसई विरार पोलिस आयुक्तपदी वर्णी लावण्यात आलेली आहे.

पुणे गणपती मंडळांसाठी स्वतंत्र पुरवणी आणि ई-पेपरची सुविधा!

मनसे आणि शिवसेनेच्या मोर्चाला परवानगी न दिल्याने मुख्यमंत्री फडणवीस यांनी जाहीर नाराजी व्यक्त केली होती. मोर्चाला परवानगी नाकारून सरकारला बदनाम करण्याचे षडयंत्र आहे का? असा प्रश्न उपस्थित करीत चौकशीचे आदेशही मुख्यमंत्र्यांनी काल दिले होते. चौकशीचे आदेश दिल्यानंतर २४ तासांतच पोलिस आयुक्त मधुकर पांडे यांची उचलबांगडी करण्यात आली आहे.

महाराष्ट्र शासनाच्या गृह विभागामार्फत ९ जुलै २०२५ रोजी जारी करण्यात आलेल्या शासन आदेशानुसार, भारतीय पोलिस सेवेतील (भा.पो.से.) दोन अधिकाऱ्यांच्या बदल्या आणि पदस्थापना करण्यात आल्या आहेत. महाराष्ट्र पोलिस अधिनियम, १९५१ च्या कलम २२न मधील तरतुदींनुसार हे बदल करण्यात आले आहेत. निकेत कौशिक हे जे यापूर्वी अपर पोलिस महासंचालक, लाचलुचपत प्रतिबंधक विभाग, महाराष्ट्र राज्य, मुंबई येथे कार्यरत होते, त्यांची आता पोलिस आयुक्त, मिरा-भाईंदर-वसई-विरार म्हणून बदलीने पदस्थापना करण्यात आली आहे.

त्याचप्रमाणे, मधुकर पांडे, जे मिरा-भाईंदर-वसई-विरारचे पोलिस आयुक्त म्हणून कार्यरत होते, त्यांची बदली करून त्यांना अपर पोलिस महासंचालक (प्रशासन), महाराष्ट्र राज्य, मुंबई या पदावर नियुक्त करण्यात आले आहे.

महाराष्ट्र पोलिस दलात खांदेपालट; २२ वरिष्ठ अधिकाऱ्यांच्या बदल्या…

राज्यातील वरिष्ठ पोलीस अधिकार्यांच्या बदल्या, पाहा नावे…