मोठा आरोप! वाल्मीक कराड याला जेलमध्ये व्हीआयपी ट्रिटमेंट? स्पेशल चहा, झोपायला... - पोलीसकाका

बीड: बीड जिल्ह्यातील मस्साजोग गावचे सरपंच संतोष देशमुख हत्या प्रकरणातील आरोपी वाल्मीक कराड याला बीडच्या कारागृहात व्हीआयपी ट्रिटमेंट मिळत असल्याचा दावा बडतर्फ पोलिस अधिकारी रणजीत कासले याने व्हिडिओद्वारे केला आहे. संबंधित व्हिडिओ शेअर केला आहे. संबंधित व्हिडीओ समोर आल्यानंतर पुन्हा एकदा वाल्मीक कराडला तुरुंगात मिळणाऱ्या व्हीआयपी ट्रीटमेंटची चर्चा सुरू झाली आहे.

बडतर्फ पोलिस अधिकारी रणजीत कासले याला आठवडाभरापूर्वी जामीन मिळाला होता. जामीन मिळाल्यानंतर त्याने सोशल मीडियावर व्हिडिओ शेअर करत त्याने आपले आरोप सत्र सुरू ठेवले आहे. आरोपी वाल्मीक कराड याला बीडच्या कारागृहात व्हीआयपी ट्रीटमेंट मिळत असल्याचे या व्हिडिओत म्हटले आहे. कराडला जेलमध्ये स्पेशल चहा दिला जात असून जेवणात त्याला चांगल्या चपात्या देखील दिल्या जात आहेत. शिवाय, स्वतःसह इतर कैद्यांच्या नावावर तो 25000 ची खरेदी कारागृहातील कॅन्टीन मधून करत आहे. इतर कैद्यांना पांघरण्यासाठी कपडे दिले जातात तर कराडला सहा ब्लॅंकेट दिले असून त्याचा वापर तो गादीसारखा करत आहे, अशी माहिती देखील कासलेने आपल्या व्हिडीओमध्ये दिली आहे.

कारागृहातील इतर कैद्यांना कँटीनमधून खरेदीचा नियम लावला जातो. मात्र कराड हा स्वतः 10 हजार तर इतर कैद्यांच्या नावावरही 10 ते 15 हजार अशी सुमारे 25 हजारांची खरेदी करतो. मी कारागृहात राहून कराडला मिळणारी व्हीआयपी वागणूक समोर आणेल या भीतीपोटी मला सुरक्षेचे कारण देत छत्रपती संभाजी नगरला हलवण्यात आले होते. कराडला इतरत्र हलवण्याची मागणी आपणच कारागृहातून अर्जाद्वारे केली होती, असे कासले याने व्हिडिओत म्हटले आहे.

दरम्यान, साबयर पोलिस ठाण्यात कार्यरत असताना गुजरातमध्ये जाऊन आरोपींशी आर्थिक तडजोड केल्याच्या आरोपामुळे कासलेला निलंबित करण्यात आले होते. नंतर त्याच्यावर बडतर्फीची कारवाई करण्यात आली. गेल्या काही दिवसांमध्ये त्याने आपल्या व्हिडीओच्या माध्यमातून त्याला आठवडाभरापूर्वी जामीन मिळाला. जामीन मिळाल्यानंतर काल (शनिवारी) त्याने व्हिडिओ शेअर करत आरोपसत्र सुरुच ठेवले आहे.