वाल्मीकच्या एन्काऊंटरची ऑफर अन् निलंबित पोलिस निरीक्षक रणजीत कासले यांचा खळबळजनक Video... - पोलीसकाका

बीड: वाल्मीक कराड गँगने सरपंच संतोष देशमुख यांचे अपहरण करून त्यांची निर्घृण हत्या केली. याप्रकरणी पोलिसांनी वाल्मीक कराडसह सात ते आठ जणांना अटक केली आहे. बीडच्या सायबर विभागातील निलंबित पोलिस निरीक्षक रणजीत कासले यांनी वाल्मीक कराडच्या एन्काऊंटरबाबत मोठा गौप्यस्फोट केला आहे.

वाल्मीक कराड याच्या एन्काऊंटरची मला ऑफर होती. अजित पवार गटाचे नेते धनंजय मुंडे यांनीच ही ऑफर दिली होती, असा खळबळजनक दावा कासले यांनी केला. रणजीत कासले यांच्या दाव्यानंतर महाराष्ट्राच्या राजकीय वर्तुळात खळबळ उडाली आहे. वाल्मीक कराड याला धनंजय मुंडे यांचे कथित गुन्हेगारी प्रकरण माहीत आहेत. त्यामुळेच धनंजय मुंडे यांना वाल्मीक कराड नको होते, यातूनच त्यांनी वाल्मीकच्या एन्काऊंटरची ऑफर दिली असावी, असा तर्क लावला जात आहे. रणजीत कासले यांचा व्हिडीओ व्हायरल झाल्यानंतर एका जुन्या प्रकरणात कासले विरोधात गुन्हा दाखल करण्यात आला आहे. तेव्हापासून कासले फरार आहे. त्यांनी आपले दोन्ही फोन ठेवले आहे.

कासले यांनी आणखी एक व्हिडीओ शेअर केला आहे. ज्यात त्यांनी व्यवस्थेविरोधात आपण फार काळ लढू शकत नाही, मी लवकरच बीड पोलिसांकडे सरेंडर करणार असल्याचे म्हटले आहे. आपण ज्यांच्यावर आरोप केले, ते भाजपात जाण्याच्या तयारीत आहेत. ते भाजपात गेले तर वॉशिंग मशीनमधून स्वच्छ होतील, मात्र या सगळ्यात माझाच बळी जाणार आहे. कासले यांनी एका जंगल परिसरात उभं राहून हा व्हिडीओ शूट केला आहे.

रणजीत कासले व्हिडीओत म्हणाले की, ‘मी बीड पोलिस आणि महाराष्ट्र पोलिसांना शरण येणार आहे. सिस्टमच्या विरोधात जास्त दिवस लढता येत नाही, हे मला समजलं आहे. या सगळ्यात माझाच बळी जाणार आहे, हेही मला माहीत आहे. मी डिपार्टमेंटचं मीठ खाल्लं आहे. त्यामुळे मी जे जे काही आरोप केले आहेत, ते सर्व आरोप मी सिद्ध करेन.’

‘ आता धनंजय मुंडे भाजपमध्ये ….’ बघा काय म्हणाले Ranjeet Kasle ? | Dhananjay Munde |
निलंबित पोलिस अधिकारी रणजित कासले हे बीड पोलिसांना शरण येणार असल्याचं त्यांनी एका व्हिडिओतून स्पष्ट केलंय. त्याचबरोबर धनंजय मुंडे भाजपमध्ये प्रवेश करणार असल्याचा धक्कादायक दावाही केलाय.#beed… pic.twitter.com/oNKB6xDIbP

— Civicmirrorofficial (@civicmirrorpune) April 16, 2025

एन्काऊंटरची ऑफर! दारुच्या नशेत माणूस खरं बोलतो : करुणा शर्मा

बीडच्या पोलीस अधिकाऱ्याचा वाल्मिक कराड बाबत खळबळजनक दावा…

बीडमध्ये वाल्मिक कराड असलेल्या जेलमध्ये राडा; लगावली कानशिलात…

बीड हादरलं! संतोष देशमुखांनी भावाच्या हत्येचा बदला घेतला, त्याच ठिकाणी संपवलं…

सरपंच संतोष देशमुख हत्या प्रकरण! अंजली दमानिया यांचा गंभीर आरोप…

सरपंच संतोष देशमुख यांची हत्या केल्याचे आरोपींनी केले कबूल; हत्येचे सांगितले कारण…

वाल्मिक कराड याचा आयफोन मधील डेटा रिकव्हर करताच सत्य आलं समोर…

संतापजनक! सरपंच संतोष देशमुख यांना दिल्या नरकयातना; पाठ फोडली, कातडी सोलली…

संतोष देशमुख यांचे फोटो पाहिल्यानंतर बीडमध्ये कडकडीत बंदची हाक; पोलिसांचे जनतेला आवाहन…

संतापाची लाट! क्रौर्याची परिसीमा गाठणारे संतोष देशमुख यांचे व्हिडिओ अन् फोटो…

संतोष देशमुख यांच्या अपहरणाची वेळ आणि तिघांच्या फोनवरील संभाषांची वेळ…

मोठी बातमी! वाल्मिक कराड अडचणीत, मकोका अंतर्गत गुन्हा…