बीड! मस्साजोगमधील आवादा कंपनीच्या कामगाराचा संशयास्पद मृत्यू... - पोलीसकाका

केज (बीड) : दोन कोटींच्या खंडणी प्रकरणाने संपूर्ण राज्यात आलेल्या केज तालुक्यातील मस्साजोगमधील आवादा कंपनीच्या एका कामगाराचा संशयास्पद मृत्यू झाला आहे. वाल्मिक कराड आणि सुदर्शन घुलेसह त्याच्या अन्य साथीदारांची खंडणी प्रकरणात चौकशी सुरू असताना कामगाराचा मृत्यू झाल्याने परिसरात उलट सुलट चर्चा सुरू झाल्या आहेत.

रचपाल हमीद मसीह या कर्मचाऱ्याचा मृतदेह आढळला असून, पोलिस पुढील तपास करत आहेत. आवादा प्रकल्प खंडणी आणि देशमुख खून प्रकरण राज्याच्या केंद्रस्थानी आहे. वाल्मिक कराड आणि त्याच्या टोळीने नव्या प्रकल्पांकडून खंडणी घेतल्याशिवाय त्यांना काम सुरू करण्याची मुभा देत नव्हती. असाच प्रकार आवादा कंपनीसोबतही दोन कोटींच्या खंडणी अनुषंगाने घडला. आता त्याच कंपनीच्या प्रकल्पातील एका कामगाराचा संशयास्पद मृत्यू झाल्याने विविध प्रश्न उपस्थित होत आहेत.

पंजाबमधील रचपाल हमीद मसीह हा आवादा कंपनीच्या मस्साजोग प्रकल्पात मजूर म्हणून काम करीत होता. रचपाल हा मूळचा पंजाबमधील गुरुदासपूर येथील रहिवासी आहे. गेल्या अनेक महिन्यांपासून तो प्रिमियर हेवी लिफ्ट असे नाव असलेल्या कंत्राटदाराकडे कामाला होता. केज शहरातील केज-अंबाजोगाई रोडवर असलेल्या एका बारसमोर त्याचा मृतदेह रस्त्यावर पडल्याचे पोलिसांना आढळून आले. पोलिसांनी त्याचा चेहऱ्यावरून आणि खिशातील ओळखपत्रावरून अधिक चौकशी केली असता तो मस्साजोगच्या आवादा कंपनीत काम करीत असल्याची माहिती त्यांना मिळाली. त्याचा मृत्यू कोणत्या कारणामुळे झाला, याची माहिती अद्याप मिळालेली नाही.

केज पोलिसांनी त्याचा मृतदेह शवविच्छेदनासाठी नेला आहे. शवविच्छेदन अहवालातून त्याच्या मृत्येचे नेमके कारण समोर येईल. शवविच्छेदन अहवाल आल्यानंतर पोलिस तपासाला अधिक गती मिळेल, असे सांगण्यात आले.

बीड जिल्ह्यात किरकोळ कारणावरून दोन सख्ख्या भावांची धारदार शस्त्राने हत्या…

वाल्मिक कराड याला 7 दिवसांची पोलिस कोठडी…

संतोष देशमुख यांच्या अपहरणाची वेळ आणि तिघांच्या फोनवरील संभाषांची वेळ…

मोठी बातमी! वाल्मिक कराड अडचणीत, मकोका अंतर्गत गुन्हा…

संतोष देशमुख हत्या प्रकरण! बीडच्या जिल्हाधिकाऱ्यांचा महत्त्वाचा निर्णय…

धनंजय देशमुख यांचे पाण्याच्या टाकीवर चढून आंदोलन सुरू; काही झालं तरी…

वाल्मिक कराड याचा आणखी एक कारनामा समोर, शेतकऱ्यांना लुटले…

सरपंच संतोष देशमुख हत्या प्रकरणातील सातही आरोपींवर मोक्का…

वाल्मिक कराडनंतर मुलगाही अडचणीत; पिस्तूलाचा धाक दाखवत…

वाल्मिक कराड याच्या कारवाईचा आवळला फास; नेते चौकशीच्या रडारवर…

वाल्मीक कराड याचा आणखी एक कारनामा समोर…

बीड जिल्ह्यात 2024 मध्ये 40 खूनाचे तर 191 खुनाचे प्रयत्न…