शोएब मलिक तिसऱ्यांदा लग्नासाठी ‘खुला’; सानिया मिर्झा म्हणाली…
कराची (पाकिस्तान): पाकिस्तानचा माजी कर्णधार शोएब मलिक (वय ४१) याने तिसऱ्या लग्नाचे फोटो सोशल मीडियावर शेअर केले आहेत. शोएब मलिकने सना जावेद हिच्या सोबतच्या लग्नाचे फोटो शेअर केल्यानंतर शोएबपासून सानियाच्या घटस्फोटाची अफवा खरी ठरली आहे. शिवाय, सानियाच्या कुटुंबीयांनी या प्रकरणावर मौन सोडले आहे.
सानिया हिने शोएबला त्याच्या पुढील वाटचालीसाठी शुभेच्छा दिल्या आहेत. निवेदनात सानियाची टीम आणि तिच्या कुटुंबीयांनी प्रतिक्रिया दिली आहे. त्यामध्ये म्हटले आहे की, ‘सानियाने तिचे वैयक्तिक आयुष्य नेहमीच लोकांच्या नजरेपासून दूर ठेवले आहे. तथापि, आज शोएब आणि तिचा घटस्फोट होऊन काही महिने झाले आहेत, हे तिला सांगण्याची गरज निर्माण झाली आहे. शोएबला त्याच्या पुढील वाटचालीसाठी शुभेच्छा!
सानियाच्या या संवेदनशील काळात आम्ही सर्व चाहत्यांना आणि हितचिंतकांना विनंती करू इच्छितो की, त्यांनी कोणत्याही प्रकारची अंदाज व्यक्त करण्यापासून दूर राहावे आणि तिच्या गोपनीयतेच्या गरजेचा आदर करावा. दुसरीकडे, सानियाचे वडील इम्रान मिर्झा यांनी पीटीआयला सांगितले की ही ‘खुला’ होती. जी मुस्लिम महिलेच्या तिच्या पतीला एकतर्फी घटस्फोट घेण्याच्या अधिकाराचा संदर्भ देते. शोएब आणि सानिया यांच्यातील मतभेदांबद्दल 2022 पासून जोरदार अफवा होत्या. गेल्या काही वर्षांत ते क्वचितच एकत्र दिसले होते. काही दिवसांपूर्वी शोएब मलिक याने सानियाला इंस्टाग्रामवर अनफॉलो केले होते. शोएब आणि सानियाने एप्रिल 2010 मध्ये हैदराबादमध्ये लग्न केले होते. त्यांना एक मुलगा आहे.
शोएब मलिक याने अभिनेत्री सना जावेदसोबत तिसरे लग्न केल्याची घोषणा शनिवारी (ता. 20) केली. या घोषणेनंतर लगेचच सना जावेद हिने तिचे इंस्टाग्राम बायो बदलून ‘सना शोएब मलिक’ असे केले. दरम्यान, मलिकचे व्यवस्थापक अर्सलान शाह यांनीही X ला या वृत्ताला दुजोरा दिला. शाह यांनी लिहिले की, आमचा लाडका सुपरस्टार शोएब मलिकने सना जाविदसोबत लग्न केले आहे. आम्ही नवीन जोडप्याला आनंद आणि आनंदाने परिपूर्ण आयुष्यासाठी शुभेच्छा देतो.
शोएबच्या कुटुंबातील एकही सदस्य या लग्नसोहळ्याला उपस्थित नव्हता. सानियासोबत ब्रेकअप झाल्याने नाराज असल्याचे सूत्रांनी सांगितले. मलिकचा मेहुणा इम्रान जफर म्हणाला की, सोशल मीडियाच्या माध्यमातून लग्नाची माहिती मिळाली. सनाच्या लग्नाला शोएबच्या कुटुंबातील कोणीही हजेरी लावली नाही. शोएबचे कुटुंब घटस्फोटाच्या बाजूने नसल्यामुळे वैवाहिक समस्या सोडवण्यासाठी 2022 च्या अखेरीस दोन्ही खेळाडूंचे कुटुंब दुबईला गेले होते. घटस्फोटानंतर शोएब मलिकचे कुटुंब खूप दुःखी होते आणि त्यांनी क्रिकेटरला त्यांच्या नात्यावर काम करण्यास सांगितले होते. शोएब आणि सना दोघेही बऱ्याच दिवसांपासून रिलेशनशिपमध्ये होते. असे असूनही, क्रिकेटरने अनेकवेळा अफवांचे खंडन केले होते.’
भारताची टेनिस स्टार सानिया मिर्झाचा पती पाकिस्तानचा माजी क्रिकेटर शोएब मलिक तिसऱ्यांदा विवाह बंधनात अडकला आहे. गेल्या काही दिवसांपासून शोएब मलिक आणि सानिया मिर्झा यांचा घटस्फोट होणार अशा चर्चा सुरू होत्या. दरम्यान, घटस्फोटाबाबत स्पष्ट काही माहिती समोर आली नसताना आता शोएब मलिकने तिसरं लग्न केल्याने सर्वांच्याच भुवया उंचावल्या आहेत. शोएब मलिकच्या लग्नानंतर सानिया मिर्झाचे वडील इमरान मिर्जा यांनी यावर प्रतिक्रिया दिली आहे.
दरम्यान, शोएब मलिक याचे हे तिसरे लग्न असून त्याच पहिले लग्न 2002 मध्ये आयशा सिद्दीकी हिच्या सोबत झाले होते. परंतु, दोघांनी लग्नाच्या 8 वर्षानंतर विभक्त होण्याचा निर्णय घेतला आणि त्यांचा 2010 मध्ये घटस्फोट झाला होता. शोएबने सानिया मिर्झा सोबत 2010 रोजी विवाह केला. गेल्या वर्षीपासून दोघे एकमेकांपासून वेगळे राहत असल्याच्या बातम्या आल्या होत्या. तसेच दोघे घटस्फोट घेणार असल्याचे देखील बोलले जात होते. मात्र याबाबत दोघांनी देखील स्पष्टता दिली नव्हती. शोएब मलिकने तिसरे लग्न केल्यावर सानिया मिर्झाचे वडील इमरान मिर्जा यांनी पीटीआयला माहिती देताना म्हंटले की, ‘हा एक खुला होता’. सध्या इमरान यांची ही प्रतिक्रिया व्हायरल होत आहे.
खुला म्हणजे काय?
तलाक आणि खुला यांच्यात जास्त फरक नाही. पती पासून वेगळं होण्याचा निर्णय जेव्हा एक महिला घेते तेव्हा त्याला ‘खुला’ असे म्हणतात. तसेच असा निर्णय जेव्हा पुरुष घेतो त्याला ‘तलाक’ असे म्हटले जाते. तलाक झाल्यानंतर देखील महिला सलग तीन महिने आपल्या पतीच्या घरी राहते. कुरान आणि हदीसमध्ये देखील याचा उल्लेख आहे. सानियाच्या वडिलांनी दिलेल्या प्रतिक्रीयेनुसार हे स्पष्ट होते की सानियाने शोएब पासून वेगळं होण्याचा निर्णय घेतला होता. शोएबच्या तिसऱ्या लग्नानंतर सानियाचे वडील इम्रान मिर्झा यांनी पीटीआयला सांगितले की, ही ‘खुला’ होती, जी मुस्लिम महिलेच्या तिच्या पतीला एकतर्फी घटस्फोट घेण्याच्या अधिकाराचा संदर्भ देते.
इराणचा पाकिस्तानवर सर्जिकल स्ट्राइक…
पाकिस्तानमध्ये गेलेली अंजू भारतात परतली; मुलांना भेटणार अन्…
पाकिस्तानमध्ये अल्पवयीन मुलीने बलात्कार करणाऱ्या बापाला जागेवरच संपवलं…
पाकिस्तानमध्ये मुख्याध्यापकाचा तब्बल 45 महिलांवर बलात्कार…
Video: पाकिस्तानमधील गरिबी; गाढवाला काय करावं लागतंय पाहा…
