Video: जवानांना सेल्यूट! पुढंच आईस्क्रीम लाहोरमध्येच खाणार अन् रस पिऊ... - पोलीसकाका

नवी दिल्ली: भारताच्या जम्मू-काश्मीरमधील पहलगामच्या दहशतवादी हल्ल्यात बळी पडलेल्या निष्पाप पर्यटकांचा बदला घेण्यासाठी आणि दहशतवाद्यांना अद्दल घडवण्यासाठी भारताने ऑपरेशन सिंदूर राबवत पीओके आणि पाकमधील 9 दहशतवादी तळांवर हल्ला करत 100 दहशतवाद्यांना ठार केले. भारत-पाकमधील तणाव वाढला असून, दोन्ही बाजूंनी जोरदार हल्ले सुरू आहेत. भारत-पाकिस्तानमध्ये जोरदार चकमक सुरू असून, भारताने पाकिस्तानचे हल्ले हाणून पाडले आहेत.

फक्त पोलिसांसाठी! ‘सेवानिवृत्तीनंतर पण मस्त चाललंय आमचं!’

भारतीय सेनेच्या या कामगिरीचं सर्वत्र कौतुक होताना दिसत आहे. सगळेजण सोशल मीडियाच्या माध्यमातून भारतीय जवानांचे कौतुक करत आहेत आणि त्यांना पाठिंबा देताना दिसत आहेत. इंटरनेटवर आपल्या सैनिकांच्या कामगिरीने केवळ मने जिंकत नाहीत तर राष्ट्रीय एकतेची भावना बळकट करण्यासही हातभार लावत आहेत.

भारत-पाकच्या लढाईवर निघालेल्या जवानाचा व्हिडिओ सोशल मीडियावर व्हायरल होत आहे. ते सांगत आहेत की त्यांची 45 दिवसांची रजा रद्द करण्यात आली आहे आणि तो थोड्याच वेळात सैन्यात परतणार आहे. भारत-पाकमध्ये जो तणाव सुरु असून, कर्तव्यावर ते जाणार आहेत. त्यांनी म्हटलं की, “युद्ध नुकतेच सुरू झाले आहे. आम्ही 45 दिवसांच्या रजेसाठी आलो होतो. आम्हाला फोन आला, परत या म्हणून’. आम्ही अर्ध्यातूनच निघून आलो, आता घरी जाण्याची गरज नाही. आता आम्ही तिथून परत येऊ की नाही माहिती नाही, पण भारताचं काहीही बिघडू देणार नाही याची हमी देतो. जेव्हा तुम्हाला भारताने पाकिस्तानवर हल्ला केल्याचे ऐकायला मिळेल, तेव्हा तुम्ही खात्री करू शकता की तुम्हाला लाहोरमधून ही घोषणा ऐकायला मिळेल. आम्ही तुम्हाला तिथेच भेटू”. जवानाच्या या वाक्यामुळे भारतीयांच्या हृदयाला भावून जाणारी होती.

संभाषणादरम्यान, मुलाखत घेणाऱ्याने जवान आईस्क्रीम खात असल्याने मिश्किलपणे म्हटलं की,”तुम्ही पुढचं आईस्क्रीम लाहोरमध्ये खाणार का?” त्यावर त्या शूर जवानाने हसत उत्तर दिले, होय, पुढंच आईस्क्रीम लाहोरमध्येच, आपण तिथेच जाणून आता रस पिऊ.” जवानाने आत्मविश्वासाने जे म्हटले त्यामुळे सर्वांच्या मनात आपल्या भारतीय सैन्याबद्दलचा आदर आणि अभिमान नक्कीच उंचावला. संबंधित व्हिडीओ व्हायरल झाल्यानंतर नेटिझन्सनी या जवानाच्या आत्मविश्वासाला सेल्यूट केला आहे आणि आपल्या भारतीय लष्कराला पाठिंबा देत त्यांच्या रक्षणासाठी प्रार्थना केली आहे.