विनय नरवाल अन् हिमांशीचा बैसरन व्हॅलीतील शेवटचा Video... - पोलीसकाका

श्रीनगर (जम्मू-काश्मीर): पहलगाम येथील बैसरन खोऱ्यात पाकिस्तानी दहशतवाद्यांनी केलेल्या भ्याड हल्ल्यात 26 नागरिकांचा बळी गेला आहे. या हल्ल्यात भारतीय नौदलाच लेफ्टनंट पदावर असलेल्या विनय नरवाल यांचाही समावेश होता.

विनय नरवाल आणि त्यांची पत्नी हिमांशी नरवाल यांचे अवघ्या आठवडाभरापूर्वी लग्न झाले होते. त्यानंतर हे दोघेही हनिमुनसाठी पहलगाल येथे आले होते. मात्र, दहशतवाद्यांनी विनय नरवाल यांना गोळी घालून ठार केले. या हल्ल्यापूर्वी काही क्षण आधी विनय नरवाल आणि हिमांशी हे दोघेही जण बैसरन व्हॅलीत आनंद लुटत होते. या दोघांनी फिल्मी स्टाईलमध्ये एक व्हिडीओ चित्रीत केला होता. यामध्ये विनय नरवाल बॉलीवूड किंग शाहरुख खान याची सिग्नेचर पोझ देताना दिसत आहे. दहशतवादी हल्ल्यापूर्वीचा या दोघांचा हा रोमँटिक व्हिडीओ सध्या सोशल मीडियावर तुफान व्हायरल होत आहे.

नेवी ऑफिसर लेफ्टिनेंट विनय नरवाल की मौत से पहले का आखिरी वीडियो😔 pic.twitter.com/MxjH9rdWyz

— Vaishali Poddar (@PoddarVaishali) April 23, 2025

दरम्यान, लेफ्टनंट विनय नरवाल यांच्या पार्थिवाला बुधवारी दिल्ली विमानतळावर भारतीय नौदलाकडून मानवंदना देण्यात आली. यावेळी हिमांशी नरवाल यांनीही आपल्या पतीला रडत मानवंदना दिली होती. यानंतर विनय नरवाल यांच्या पार्थिवाला त्यांची बहीण आणि वडिलांनी मुखाग्नी दिला. त्यावेळीही स्मशानभूमीत भावूक वातावरण पाहायला मिळाले. पहलगाम दहशतवादी हल्ल्यानंतर लेफ्टनंट विनय नरवाल यांच्या मृतदेहाशेजारी सुन्न होऊन बसलेल्या हिमांशी नरवाल यांचा फोटो सोशल मीडियावर प्रचंड व्हायरल झाला होता.

विनय नरवाल हे लग्न झाल्यानंतर फिरण्यासाठी युरोपला जाणार होते. पण, शेवटच्या क्षणी व्हिसा मिळाला नाही. त्यामुळे ते जम्मू आणि काश्मीरला गेले. 21 एप्रिल रोजी दोघेही जम्मू आणि काश्मीरला रवाना झाले. 22 एप्रिल रोजी ते पहलगाममधील एका हॉटेलमध्ये थांबले होते. जेवण केल्यानंतर, ते फिरण्यासाठी गेले. त्यावेळी बैसरन खोऱ्यात दहशतवाद्यांनी विनय नरवाल यांना गोळ्या झाडून ठार केले होते. लेफ्टनंट विनय यांचा वाढदिवस 8 दिवसांनी 1 मे रोजी होता. लग्नानंतरच्या पहिल्या वाढदिवसासाठी कुटुंबाने पार्टी आयोजित केली होती. 2 मे रोजी त्यांना पत्नीसह ड्युटीसाठी कोचीला परतावे लागणार होते.

लेफ्टिनेंट विनय नरवाल को बहन और पिता ने दी मुखाग्नि….

#PahalgamTerroristAttack pic.twitter.com/WPfAgAtAyh

— Amandeep Pillania (@APillania) April 23, 2025