Video: महाराष्ट्राचे सुपुत्र IPS विनायक भोसले यांची दंबंग कामगिरी... - पोलीसकाका

पुणेः महाराष्ट्राचे सुपूत्र आणि IPS विनायक भोसले यांनी आग्रा (उत्तर प्रदेश) येथे केलेल्या दबंग कामगिरीचा व्हिडिओ सोशल मीडियावर व्हायरल होत असून, त्यांच्या कामगिरीचे उत्तर प्रदेशसह महाराष्ट्रातून कौतुक होत आहे.

पोलिसांचे हक्काचे पुस्तक! ‘माझे कर्तव्य, माझे कुटुंब’

आग्रा येथील हरी पर्वत पोलिस स्टेशनच्या हद्दीमध्ये असलेल्या सरकारी नर्सिंग होममधील एक टाईल्स तुटली होती. संबंधित टाईल्सवर डॉ. बाबासाहेब आंबेडकर यांचे छायाचित्र होते. यामुळे भीम आर्मीच्या कार्यकर्त्यांनी मोठा गोंधळ घालण्यास सुरवात केली होती. घटनास्थळी पोलिस दाखल झाले होते. IPS विनायक भोसले हे सुद्धा घटनास्थळी दाखल झाले आणि त्यांनी कार्यकर्त्यांना समजावून सांगण्याचा प्रयत्न केला. परंतु, कार्यकर्त्यांनी गोंधळ घालतानाच पोलिस कर्मचाऱ्याची वर्दी फाडली.

पोलिस कर्मचाऱ्याची वर्दी फाडल्याचे लक्षात आल्यानंतर IPS विनायक भोसले यांना राग अनावर झाला. गोंधळ घालणाऱ्या कार्यकर्त्यांना ताब्यात घेण्याचे त्यांनी आदेश दिले. यानंतर अनेकांना ताब्यात घेऊन पोलिस स्टेशनमध्ये त्यांच्यावर गुन्हे दाखल करण्यात आले. शिवाय, डॉ. बाबासाहेब आंबेडकर यांचा अवमान करणाऱ्यांविरोधात कारवाई केली जाईल, असे आश्वासन IPS विनायक भोसले यांनी दिल्यानंतर परिस्थिती शांत झाली.

दरम्यान, एका पोलिस कर्मचाऱ्याच्या पाठिशी IPS विनायक भोसले यांच्यासारखा दबंग अधिकारी उभा राहिल्यानंतर पोलिसदलाबरोबरच उत्तर प्रदेश आणि महाराष्ट्रातून IPS विनायक भोसले यांच्या कामाचे कौतुक केले जात आहे. शिवाय, IPS विनायक भोसले हे आपल्या कामातून सर्वसामान्य नागरिकांना न्याय मिळवून देत असल्यामुळे काही दिवसांतच ते चर्चेत आले आहेत.