मनोरमा खेडकरने हॉटेलमध्ये खोट्या नावाने रूम केली बुक; पाहा खोटे नाव... - पोलीसकाका

रायगडः वादग्रस्त आयएएस प्रशिक्षणार्थी अधिकारी पूजा खेडकर या गेल्या काही दिवसांपासून जोरदार चर्चेत आहेत. राज्य सरकारने पूजा खेडकर यांचे प्रशिक्षण थांबवले आहे. पूजा खेडकर यांची आई मनोरमा खेडकर हिला पुणे ग्रामीण पोलिसांनी महाड येथील एका हॉटेलमधून ताब्यात घेतले आहे. हॉटेलमध्ये खोट्या नावाने रूम बुक केल्याचा प्रताप पुढे आला आहे.

मनोरमा खेडकरल गुरुवारी (ता. १८) पहाटे सहा वाजता महाडमध्ये अटक करण्यात आली. हिरकरणीवाडीमधील पार्वती निवास हॉटेलमध्ये त्यांना बेड्या ठोकल्या. लॉजवर त्यांनी खोट्या नावाने रूम बुक केली. इंदू ज्ञानदेव ढाकणे नाव सांगत आई आणि मुलासाठी रूम घेतली होती. ड्रायव्हरला त्यांनी आपला मुलगा दाखवले होते. पोलिसांनाा त्यांच्या ठिकाणाची खबर लागली, रातोरात त्यांच्या मागावर असलेले पोलीस महाडमध्ये पोहोचले.

‘Crime Reporting’ Online अभ्यासक्रम अन् ‘कमवा आणि शिका’ची संधी!

मनोरमा खेडकरचे काही दिवसांपुर्वी स्थानिक शेतकऱ्यांना धमकावतानाचे फोटो आणि व्हिडिओ सोशल मिडीयावर व्हायरल झाले होते. त्यांनी शेतकऱ्यांना पिस्तुल दाखवून धमकावले होते. पुणे पोलिसांशी देखील हुज्जत घातली होती. गेल्या काही दिवसांपासून मनोरमा खेडकरचा तपास पुणे ग्रामीण पोलिस करत होते. अखेर पोलिसांनी मनोरमा खेडकरला महाड मधील हॉटेल मधून अटक केली आहे.

पोलिसांची तीन पथके त्या ठिकाणी शोध घेत होते. पूजा खेडकरच्या बाणेर येथील बंगल्यावर जाऊन पोलिसांनी मनोरमा खेडकर असल्याची पाहणी केली होती. त्यावेळी तिने पोलिसांना दाद दिली नव्हती. नंतर घराच्या गेटवरती कुलूप लावल्याचे निर्दशनास आले होते. शिवाय, फोन देखील बंद करण्यात आला होता. अखेर पुणे ग्रामीण पोलिसांनी मनोरमा खेडकरला अटक केली आहे.