प्रियांका बाबर! पोलिस तपासात हातखंडा असणारी दुर्गा... - पोलीसकाका

(उदय आठल्ये)
इच्छाशक्ती, जिद्द ध्येयापर्यंत पोहचण्याची चिकाटी जर आपल्या अंगी असेल तर आपले ध्येय साध्य झाल्या शिवाय राहत नाही, याची आपल्याला वेळोवेळी उदाहरणे पाहायला मिळतात. याच इच्छा शक्तीच्या जोरावर सातारा जिल्ह्यातील शाहूपुरी पोलिस स्टेशन येथे कार्यरत असणाऱ्या सहाय्यक पोलिस निरीक्षक प्रियांका बाबर यांनी आपल्या यशाला गवसणी घातली आहे….

अल्प परिचय
प्रियांका बाबर यांचा जन्म सोलापूर जिल्ह्यातील बार्शी येथे झाला. आई कुवर बाभळे वडील भगवान बाभळे दाम्पत्याचा पोटी प्रियांका यांचा जन्म मध्यमवर्गीय कुटुंबात झाला.

शिक्षण प्रवास
लहानपणापासून प्रियांका यांचा स्वभाव खुप खोडकर व जिद्दी होता. आपण नेहमी म्हणतो की फक्त मुलगाच आई वडिलांचे स्वप्न पूर्ण करू शकतो, एकदा मुलींना पण संधी देऊन बघा, त्या संधीच सोन केल्याशिवाय मुली पण माघार घेत नाही. हाच भाव मनात ठेवून त्यांचा शिक्षण प्रवास सुरू झाला. प्राथमिक शिक्षण- कन्या शाळा, बार्शी येथे झाले. तर माध्यमिक शिक्षण -सुलाखे हायस्कूल, बार्शी येथे झाले त्यांचे पदवीधर शिक्षण छत्रपती शिवाजी महाराज कॉलेज, बार्शी, येथे झाले त्यांनी बी. ए. इतिहास विषयात केले आहे. गोल्ड मेडलिस्ट आहेत. एम. ए. इतिहास विषयात पुर्ण केले आहे‌. लहानपणापासून मैदानी खेळाची आवड असल्याने होलिबॉल, कब्बडी राज्यस्तरीय स्पर्धा मधून प्राविण्य मिळवले आहे.

वयाच्या 24 व्या वर्षी पोलिस दलात नियुक्ती..
शिक्षण पुर्ण झाल्यावर नोकरीचे वेद सर्वांनाच लागतात. परंतु, कोणता निर्णय घ्ययाचा हाच मोठा प्रश्न उभा होता. सरकारी नोकरी व त्यात पोलिस दलात जावे ही आई वडीलांची प्रामाणिक इच्छा होती. त्यासाठी प्रियांका यांनी स्पर्धा परीक्षा करण्याचा निर्णय घेतला. कारण उच्च शिक्षण खेळाची आवड असल्याने मैदानी चाचणीसाठी काही त्रास होणार नाही. 2010 मध्ये एमपीएससी द्वारे पोलिस उपनिरीक्षक पदाची परीक्षा दिली. त्यामध्ये SBC कास्ट मधून महाराष्ट्रात पहिला क्रमांक मिळवला व ओपन मधून महाराष्ट्रात 49 रँक 530 मध्ये आल्या आहेत. 2011 मध्ये वय वर्षे 24 असताना पोलिस दलात पोलिस उपनिरीक्षक पदावर नियुक्ती झाली.

खाकी वर्दीतील प्रवास सुरू…
पोलिस दलातील प्रशिक्षण पुर्ण करून पोलिस उपनिरीक्षक पदावर मुंबई सारख्या शहरात 8 वर्ष कर्तव्य बजावले. कांदिवली पोलिस स्टेशन, दहिसर पोलिस स्टेशन, चारकोप पोलिस स्टेशन येथे देखील त्यांनी त्या काळात अनेक गुन्हे उघडकीस आणले व अवैध धंद्यांवर कारवाईचा बडगा उगारला होता. सन 2019 साली पोलिस उपनिरीक्षक ते सहाय्यक पोलिस निरीक्षक पदोन्नतीने सांगली जिल्ह्यात नियुक्ती झाली.

चिवट गुन्ह्यांचा शोध घेणारी “प्रियांका”…
पदोन्नतीने सांगली जिल्ह्यात दाखल झाल्यानंतर मिरज ग्रामीण पोलिस स्टेशनमध्ये पहिली नियुक्ती मिळाली. मुंबई पोलिस दलातील अनुभव त्यांनी सांगली जिल्ह्यात वापरला महिलांच्या होणाऱ्या अत्याचारांबाबत त्यांनी कमालीची जागरुकता दाखवली तसेच अशा आरोपींच्या प्रति दयामाया न दाखवता, आरोपींना कठोर शासन व्हावे यासाठी नेहमी तत्परता दाखवली. प्रियांका यांनी अनेक गुन्ह्यांचा छडा लावला तसेच अनेक गुन्ह्यांचा तपास करून दोषारोपपत्र सादर केले होते. पोक्सो गुन्ह्यात आरोपीस 30 वर्ष शिक्षा लागली ही शिक्षा महाराष्ट्रातील सर्वात मोठी शिक्षा आहे.

योग्य तपासाने आज अखेर मिळालेल्या शिक्षा…
▪️ सन 2021-22 मध्ये मिरज ग्रामीण पोलिस स्टेशनमध्ये कार्यरत असताना किचकट अश्या 3 वेगवेगळ्या पोक्सो केस मध्ये खूप खोलात जाऊन तपास केला, त्या केस मध्ये एका आरोपीला 30 वर्षाची शिक्षा मिळाली..

▪️ दुसऱ्या आरोपीला 17 वर्षाची शिक्षा मिळाली.

▪️ तिसऱ्या आरोपीला 7 वर्षाची शिक्षा मिळाली
आरोपीला शिक्षा व पिडितेला न्याय मिळाल्याची चर्चा त्या काळात जास्त झाली…

▪️ मिरज शहर पोलिस स्टेशन सन 2021 मधील पोक्सो केस मधील आरोपीला 17 सप्टेंबर 2025 रोजी 3 वर्ष सक्तमजुरी ची शिक्षा सुनावण्यात आली.

▪️ सांगली महात्मा गांधी पोलिस स्टेशन येथे सांगली येथील पोक्सो गुन्ह्यात आरोपीस 12 वर्षाची मिळाली शिक्षा.

▪️2022-23 मध्ये अनैतिक मानवी वाहतूक कक्ष, सांगली येथे प्रभारी अधिकारी म्हणून कार्यरत असताना सांगली आणि मिरज येथील लॉज, हॉटेल मध्ये चालणारे वेश्या व्यवसाय, कुंटणखाने उध्दवस्त करून अडकलेल्या महिलांची सुटका केली.

कौतुकास्पद कामगिरीने अनेकांनी केला सन्मान…
▪️ 26 जानेवारी 2024 रोजी प्रजासत्ताक दिनाच्या सोहळ्यात सांगली चे तत्कालीन पालकमंत्री सुरेश भाऊ खाडे यांच्या हस्ते उत्कृष्ट तपास अधिकारी म्हणून प्रशस्तीपत्र देऊन सन्मान

▪️ विशेष पोलिस महानिरीक्षक कोल्हापूर परीक्षेत्र सुनिल फुलारी यांच्याकडून उत्कृष्ट तपास अधिकारी म्हणून प्रशस्तीपत्र देऊन सन्मान

▪️ पोलिस अधीक्षक सांगली यांच्याकडून उत्कृष्ट तपास अधिकारी म्हणून प्रशस्तीपत्र.

अधिक माहिती वाचण्यासाठी पुस्तक जरूर खरेदी करा…

पुस्तकाचे नावः पोलिस अधिकारी व्हायचय?
किंमत – ३०० रुपये
WhatsApp: 93712 69949