IAS पूजा खेडकर यांना UPSC चा दणका; गुन्हा दाखल... - पोलीसकाका

पुणे : वादग्रस्त प्रशिक्षणार्थी आयएएस अधिकारी पूजा खेडकर यांच्यावर गुन्हा दाखल करण्यात आला आहे. तसेच डॉ. पूजा खेडकर यांचे आयएएस केडर रद्द करणे आणि सर्व परीक्षांसाठी बाद करण्यासाठी त्यांना कारणे दाखवा नोटीस बजावली आहे, अशी माहिती केंद्रीय लोकसेवा आयोग अर्थात यूपीएससीने प्रसिद्धीपत्रक जारी करून दिली आहे.

पूजा खेडकर यांनी यूपीएससी परीक्षा देण्यासाठी जी प्रमाणपत्र सादर केली आहेत, ती बोगस असल्याचे एव्हाना सिद्ध झाली आहे, त्यानंतर हा यूपीएससीने हा निर्णय घेतला आहे. पूजा खेडकर 2018 पर्यंत सामान्य विद्यार्थिनी म्हणून परीक्षा देत होत्या. मात्र 2018 नंतर त्यांनी नाव बदलले, खोटी ओळख निर्माण केली, दिव्यांग असल्याची खोटी कागदपत्रे सादर केली. ही खोटी कागदपत्रे मिळवताना त्यांनी माहिती लपवली. जेव्हा त्यांची वैदकीय चाचणी घेण्याचा निर्णय घेतला तेव्हा त्या वैद्यकीय चाचणीला उपस्थित राहिल्या नाहीत. त्यानंतर अनेक गंभीर प्रकार लक्षात आले आणि त्यानंतर युपीएससीने हे पाऊल उचललेले आहे.

‘Crime Reporting’ Online अभ्यासक्रम अन् ‘कमवा आणि शिका’ची संधी!

युपीएससीने पूजा खेडकर प्रकरणात सखोल तपास केला आहे, तपासाअंती युपीएससीनं जे निष्कर्ष काढले आहेत ते पुढील प्रमाणे आहेत.
पूजा खेडकर यांनी जास्त वेळा परीक्षा दिल्या आहेत.
युपीएससी परीक्षा नियम डावलून परीक्षा दिली
पूजा खेडकर यांनी अनेकवेळा परीक्षा दिली. त्या युपीएससीच्या नियमात बसत नाही
ओळखपत्र बदलून आणि आई वडीलांचे आणि स्वतःचे नाव बदलून परीक्षा दिल्या
ई मेल आयडी, पत्ता, मोबाईल नंबर आणि सही सुद्धा बदलली.
त्यामुळे आता पूजा खेडकर यांच्या अडचणीत आणखी वाढ होण्याची शक्या आहे.

पूजा खेडकर यांचे फक्त आयएएस पद्द रद्द करणे नाही तर आयएएस पद मिळवण्यासाठी जी कृत्ये केली आहेत ती अतिशय गंभीर आहे किंवा गुन्ह्याच्या स्वरूपाची आहेत. हे लक्षात घेऊन त्यांच्यावर गुन्हा दाखल करायचे ठरवले आहे. मात्र प्रश्न हा आहे की फक्त या पूजा खेडकर यांच्यावरतीच कारवाई होणार का की त्यांना वरपासून खालपर्यंत ज्यांनी वेळोवेळी पाठिंबा दिला तिथेपर्यंत देखील चौकशी पोहोचणार त्यांच्यावर देखील कारवाई होणार का हे पाहणे महत्त्वाचे ठरणार आहे.

दरम्यान, दुसरीकडे वादग्रस्त ट्रेनी आयएएस पूजा खेडकर यांनी पुण्याचे जिल्हाधिकारी दिवसे यांच्यावर गंभीर आरोप केले होते. त्यावर आता दिवसे यांची पहिली प्रतिक्रिया समोर आली आहे. ‘पुजा खेडकर यांनी माझ्यावर केलेल्या आरोपांसंदर्भात मला अद्याप कोणतीही नोटीस मिळालेली नाही, माझ्यापर्यंत तक्रार आल्यानंतर योग्यवेळी योग्य ठिकाणी माझी बाजू मांडेन असे दिवसे यांनी म्हटले आहे.