यवतमाळ जिल्ह्यातील पोलिस अधिकाऱ्यांच्या बदल्या... - पोलीसकाका

घाटंजी, यवतमाळ (अयनुद्दीन सोलंकी) : यवतमाळ जिल्हा पोलिस आस्थापना मंडळाच्या बैठकीत एकमताने घेतलेल्या निर्णयानुसार, महाराष्ट्र पोलिस कायदा – १९५१ मधील कलम २२ (न) नुसार, यवतमाळ जिल्हा पोलिस दलातील पोलिस निरीक्षक यांच्या प्रशासकीय कारणास्तव तात्पुरत्या बदल्या व नेमणूका जिल्हा पोलिस अधीक्षक कुमार चिंता यांनी केल्या आहे.

पोलिसांचे हक्काचे पुस्तक! ‘माझे कर्तव्य, माझे कुटुंब’

पोलिस निरीक्षक अनिल बहेराणी यवतमाळ विशेष शाखेतून नेर ठाणेदार म्हणून नेमणूक करण्यात आली आहे. पोलिस निरीक्षक प्रशांत कावरे यवतमाळ ग्रामीण पोलिस स्टेशन मधून जिल्हा विशेष शाखेत बदली करण्यात आली आहे. आर्णी पोलिस स्टेशनचे ठाणेदार सुनील नाईक यांची बदली यवतमाळ ग्रामीण पोलिस स्टेशन मध्ये करण्यात आली आहे. घाटंजीचे ठाणेदार निलेश सुरडकर यांची बदली आर्णी पोलिस स्टेशनला करण्यात आली आहे. तर आर्णीचे ठाणेदार केशव ठाकरे यांची बदली घाटंजी पोलिस स्टेशनला करण्यात आली आहे.

बदली व नेमणूक झालेल्या ठिकाणी संबंधित पोलिस निरीक्षक तात्काळ हजर होऊन अनुपालन अहवाल सादर करावा. तसेच प्रलंबित असलेले गुन्हे, तपास, अकस्मात मृत्यू, अर्ज चौकशी इत्यादी प्रकरणाची कागदपत्रे केस डायरी सह संबंधित पोलिस निरीक्षक यांच्या कडे हस्तांतरित करण्याची दक्षता व खबरदारी घ्यावे, असे आदेश जिल्हा पोलिस अधीक्षक कुमार चिंता यांनी दिले आहे.