पुणे शहरातील ज्येष्ठ नागरिकाला नेहाने घातला गंडा…
पुणे : डेटिंग साइटवर ओळख झालेल्या महिलेने एका ज्येष्ठ नागरिकाची तब्बल 20 लाख 53 हजार रुपयांची फसवणूक केल्याची घटना घडली आहे. यामुळे ज्येष्ठ नागिरकाला मनस्तापाला सामोरे जावे लागले आहे.
फसवणूकीचा हा प्रकार 9 जानेवारी 2024 ते 22 मार्च 2024 या कालावधीत त्रिमुर्ती कोर्ट कोरेगाव पार्क येथे घडला आहे. याबाबत कोरेगाव पार्क पोलीस ठाण्यात तक्रार दाखल झाली आहे.
पोलिस अधिकारी व्हायचंय?; Police, MPSC, UPSC स्पर्धा परिक्षेसाठी उपयुक्त पुस्तक!
पोलिसांनी दिलेल्या माहितीनुसार, फिर्यादी यांची नेहा शर्मा हिच्यासोबत एका डेटिंग साइटवर ओळख झाली होती. पुढे दोघे एकमेकांसोबत बोलू लागले होते. एकदा नेहा हिने फिर्यादींना गुंतवणुकीबद्दल माहिती देऊन कॅपिटल गोल्डमध्ये गुंतवणूक करण्यास सांगितले. फिर्यादी यांनी सुरुवातीला 50 हजार गुंतवले. त्याचा नफा दिसून येत होता म्हणून नेहाने वेळोवेळी पैसे गुंतवण्यास भाग पाडून फिर्यादी कडून एकूण 20 लाख 53 हजार रुपये उकळले.
फिर्यादी यांनी पैसे काढण्याचा प्रयत्न केला. मात्र, पैसे काढता येत नव्हते म्हणून नेहा हिला विचारणा केली. त्यावेळी तिने आणखी पैसे भरण्यास सांगितले. आपली फसवणूक होत असल्याचे लक्षात आल्यानंतर फिर्यादी यांनी पोलिस ठाण्यात तक्रार दाखल केली. याप्रकरणी आयटी अॅक्ट सह फसवणुकीचा गुन्हा दाखल करण्यात आला आहे. पोलिस पुढील तपास करत आहेत.
IPS महिला अधिकाऱ्याची फसवणूक; लग्नानंतर खरी माहिती उघड…
आयटी युवतीची लाखो रुपयांची ऑनलाइन फसवणूक; पण परत मिळाले पैसे…
महिलेला फोन आला आणि क्षणात लाखो रुपये गायब; कसे पाहा…
सायबर गुन्हेगाराने खासदाराला घातला लाखो रुपयांचा गंडा…
युवतीची फसणवूक करणाऱ्यास सायबर पोलिसांनी घातल्या बेड्या…
पोलिसकाकाच्या बातम्यांसाठी Join करा Whatsapp Group…
