नाशिक! महिला IPS अधिकारी स्मिती चौधरी यांचे निधन... - पोलीसकाका

नाशिक: हरियाणा केडरच्या IPS अधिकारी स्मिती चौधरी (वय ४८) यांचे निधन झाले आहे. प्रकृती चांगली नसल्याने त्या सुट्टीवर होत्या. सप्टेंबर २०२३ पासून त्या हरियाणा एसीबीच्या पोलीस अधिक्षक पदावर कार्यतर होत्या. ३१ ऑगस्ट २०३६ रोजी निवृत्त होणार होत्या. स्मिती चौधरी यांचे पती राजेश कुमार हे महाराष्ट्र केडरचे IPS अधिकारी आहेत.

स्मिती यांच्यावर उपचार सुरु होते. त्यांचे पती राजेश कुमार हे सध्या नाशिकमध्ये महाराष्ट्र पोलीस अकादमीचे संचालक आहेत. स्मिती यांचा 1998 मध्ये राजेश कुमार यांच्यासोबत विवाह झाला होता. स्मिती या माजी आयएएस अधिकारी जयवंती शेओकंद यांच्या कन्या होत्या. नाशिकमध्ये उपचार सुरु असताना शुक्रवारी त्यांची तब्येत अचानक बिघडली, यामुळे त्यांना तातडीने हॉस्पिटलमध्ये हलविण्यात आले असता स्मिती यांचे निधन झाले.

स्मिती चौधरी २००४ मध्ये पोलीस विभागात डीएसपी म्हणून रुजू झाल्या होत्या. पंचकुला येथेही डीएसपी म्हणून काम केले. यासोबतच त्यांनी विविध जिल्ह्यांत काम केले आहे. हरियाणाच्या जिंद जिल्ह्यातील डुमराखान कलान गावात त्यांचा जन्म झाला होता. त्यांचे आजोबा चौधरी बसंत सिंग श्योकंद यांच्या कुटुंबात ११ हून अधिक सदस्य आयएएस, आयपीएस, कर्नल आणि इतर उच्च पदांवर होते.

राज्यातील वरिष्ठ पोलीस अधिकार्यांच्या बदल्या, पाहा नावे…

अमरावतीमध्ये पोलिस अधिकाऱ्याची क्रूरपणे हत्या; आरोपींना ठोकल्या बेड्या…