सातारा जिल्ह्यात लेकीचाही अपघाती मृत्यू; उदयनराजे यांची भावनिक पोस्ट…
सातारा: यवतेश्वर घाटात कार अपघातात एका युवतीचा मृत्यू झाला असून, चार जण गंभीर जखमी झाले आहेत. गायत्री आहेरराव (वय 21) असे अपघातात मृत्यू झालेल्या मुलीचे नाव आहे. दुर्दैवी बाब म्हणजे काही दिवसांपूर्वी गायत्रीचे वडील दिपक आहेरराव यांचेही अपघातामध्येच निधन झाले होते.
सातारा शहराजवळ असणाऱ्या यवतेश्वर घाट परिसरात शुक्रवारी रात्री क्रेटा आणि होंडा सिटी कारची समोरासमोर धडक झाली. यावेळी झालेल्या अपघातात चार ते पाचजण जखमी झाले. तर गायत्री आहेरराव या युवतीचा मृत्यू झाला. अपघात जखमी झालेल्या सर्वांना साताऱ्यातील खासगी रुग्णालयात दाखल करण्यात आले आहे. अपघात इतका भीषण होता की दोन्ही गाड्यांचा चुराडा झाला आहे. अपघाताची माहिती मिळताच स्थानिकांनी तात्काळ घटनास्थळी धाव घेतली. तसेच जखमींना गाडीतून बाहेर काढत रुग्णालयात उपचारासाठी हलवले.
गायत्री आहेरराव ही मागील दीड वर्षापूर्वी सातारा नगरपालिकेत सेवेत रुजू झाली होती. मात्र, अचानक तिच्यावर काळाने घाला घातला आहे. दुर्देवी बाब म्हणजे सातारा नगरपालिकेचे कर्मचारी असलेले तिचे वडील दिपक आहेरराव हे देखील काही वर्षांपूर्वी अपघातामध्ये मृत पावले होते. वडिलांनंतर लेकीवरही काळाने घाला घातल्याने परिसरात हळहळ व्यक्त केली जात आहे.
खासदार उदयनराजे भोसले यांची भावनिक पोस्ट पुढीलप्रमाणे:
भाजप खासदार छत्रपती उदनयराजे भोसले यांनी एक फेसबूक पोस्ट शेअर केली आहे. त्यांनी गायत्री आहेरराव हिला भावपूर्ण श्रद्धांजली अप्रण केली आहे. यामध्ये त्यांनी आमचे निकटवर्तीय मित्र कै. दीपक आहेरराव यांची सुकन्या कु. गायत्री दिपक आहेरराव हिचा काल दुर्देवी अपघातात मृत्यू झाला. हे समजल्यानंतर मनाला प्रचंड वेदना झाल्या. भूतकाळातील अनेक घटना वेगाने तरळून गेल्या. आहेरराव परिवाराशी आमचा अत्यंत घनिष्ट ऋणानुबंध आहेत. कै. दीपक यांचेही काही वर्षांपूर्वी अपघाती निधन झाले होते आणि आज परत हा दुःखाचा डोंगर आहेरराव कुटुंबियांवर आला आहे.
वहीनी श्रीमती ज्योती आहेरराव यांनी अतिशय कष्टांने आणि जिद्दीने सर्व अडचणींना सामोरे जाऊन मुलांची शिक्षण व सर्व गोष्टींची पूर्तता केली आज त्यांच्यासाठी काय भावना व्यक्त कराव्यात हेच समजत नाही. आम्ही निशब्द आहोत. नुकतीच नगरपरिषदेच्या सेवेत गायत्री रुजू झाली होती, याचे समाधान होते. परंतू, हे समाधान अल्पकालावधीचे ठरले. तिच्या अचानक एक्झीटची सल मनात कायम टोचत राहील. आहेरराव कुटुंबाच्या दुखात आम्ही सहभागी आहोत. कुटुंबियांना, मित्रपरिवाराला या दुःखातून सावरण्याचे बळ मिळो, हीच ईश्वर चरणी प्रार्थना.
पुण्यातून कोकणात फिरायला जाताना कार धरणात बुडाली; युवतीसह तिघांचा मृत्यू
बुलढाण्यात दोन ट्रॅव्हल्सची समोरासमोर धडक; सात ठार; पोलिसांची माणुसकीचे दर्शन…
समृद्धी महामार्गावर २५ होरपळून मृत्यू; चालकाबाबत धक्कादायक माहिती समोर…
पोलिसकाकाच्या बातम्यांसाठी Join करा Whatsapp Group…
