ललित पाटील प्रकरण! नाशिकमध्ये नदीतून मध्यरात्री कोट्यवधींचा ड्रग्ज साठा जप्त... - पोलीसकाका

नाशिक: ड्रग्ज माफिया ललित पाटील ड्रग्ज प्रकरणात मुंबई पोलिसांनी सोमवारी (ता. २३) मध्यरात्री मोठी कारवाई केली आहे. नाशिकच्या देवळा तालुक्यातील लोहणेर ठेंगोडा गावा दरम्यान असणाऱ्या गिरणा नदीच्या पात्रातील ड्रग्जचा मोठा साठा मुंबई पोलिसांना आढळून आला आहे. ललित पाटीलचा ड्रायव्हर सचिन वाघच्या चौकशीतून ही माहिती समोर आली त्यानंतर ही कारवाई करण्यात आली आहे.

ललित पाटील याचा साथीदार सचिन वाघ याने नाशिक कारखानामध्ये बनविलेले ड्रग्ज नष्ट करण्याच्या हेतूने गिरणा नदीपात्रात फेकून दिले होते. सचिन वाघ याच्या तपासात ही माहिती उघडकीस आल्यानंतर मुबंई पोलिस सचिन वाघ याच्यासह नाशिकमध्ये दाखल झाले आहेत. सोमवारी मध्यरात्री अडीच वाजता देवळा तालुक्यातील ठेंगोडा गावाजवळील नदीपात्रात शोध मोहीम सुरू केली. पोलिसांच्या मदतीला रायगडमधील प्रशिक्षित स्कुबा डायव्हिंगचे पथक दाखल झाले आहे. मध्यरात्रीपासून सुरू झालेले शोधकार्य आतापर्यंत सुरू आहे.

दोन गोण्या सुमारे 50 किलो ड्रग्ज नदी पात्रात फेकल्याच सचिन वाघ याने पोलिसांना तपासादरम्यान सांगितल्याची माहिती आहे. कॅमेराच्या माध्यमातून ड्रग्जचा शोध घेण्यात आला, मात्र पाणी साधारण 15 ते 20 फूट खोल असल्याने ड्रग्जचा साठा अद्याप बाहेर काढण्याच काम सुरू आहे. सरस्वतीवाडी भागातून 15 किलो md ड्रग्ज हस्तगत करण्यात पोलिसांना यश आले आहे.

दरम्यान, ललित पाटील आणि सचिन वाघ या दोघांना 27 ऑक्टोबरपर्यंत पोलिस कोठडीत आहे. ललित पाटीलला ससून रुग्णालयातून पळून जाण्यासाठी साथीदार ड्रायव्हर सचिन वाघ याने मदत केली होती. ललित पाटील यांच्या सांगण्यावरून सचिन वाघने ड्रग्ज लपवले किंवा त्याचे विल्हेवाट लावली आहे, असा पोलिसांना संशय आहे. पोलिस पुढील तपास करत आहेत.

ड्रग्ज माफिया ललित पाटीलचा कधीही एन्काऊंटर होऊ शकतो…

ड्रग्ज माफिया ललित पाटील प्रकरणी अनेकांचे दणाणले धाबे…

ड्रग्ज माफिया ललित पाटील याला देशभर फिरवणाऱ्या चालकाला बेड्या…

ड्रग्ज माफिया ललित पाटील याच्या चौकशीत धक्कादायक खुलासे…

ड्रग माफिया ललित पाटील याच्या दोन मैत्रिणींना अटक; कारण…

ड्रग्ज माफिया ललित पाटील याला पकडण्यात पोलिसांना यश; कसा अडकला पाहा…

ससून ड्रग्ज प्रकरणात आणखी सात आरोपी निष्पन्न; ललित पाटील आणि सोने…

ललित पाटील याच्या मुसक्या आवळण्याची जबाबदारी वरिष्ठ पोलिस अधिकाऱ्याकडे…

ललित पाटील नेमका पळाला कसा? याची होणार चौकशी…

ललित पाटील ड्रग्ज प्रकरणी दोघांना कोठडी; न्यायाधीशांनी खडसावले…

ललित पाटील याला ससूनमध्ये दाखल करण्यासाठी मंत्र्याचा फोन…

ललित पाटील प्रकरणानंतर ससून रुग्णालयातून १२ कैदी पुन्हा येरवडा जेलमध्ये…