IAS पूजा खेडकर आणि कुटुंबीयांचा पाय आणखी खोलात... - पोलीसकाका

पुणे : प्रशिक्षणार्थी आयएएस पूजा खेडकर आणि कुटुंबीयांचा पाय दिवसेंदिवस खोलात जाताना दिसत आहे. पूजा खेडकर यांनी खाजगी गाडीवर लावलेला लाल दिवा आणि त्यानंतर आई मनोरमा खेडकर यांनी पिस्तुल हातात घेत, शेतकऱ्यांवर केलेली दादागिरी यांसह समोर आलेल्या अनेक प्रकरणांमुळे आता पूजा खेडकर आणि त्यांच्या कुटुंबीयाच्या अडचणींत आणखी वाढ होणार आहे. या प्रकरणाचा अहवाल राज्याच्या पोलिस महासंचालक रश्मी शुक्ला यांनी मागवला आहे.

पूजा खेडकर प्रकरणाचा अहवाल राज्याच्या पोलिस महासंचालक रश्मी शुक्ला यांनी मागवला आहे. खाजगी गाडीवर अंबर दिव्याच्या वापर करणं, तसेच पुजा खेडकर यांच्या आई मनोरमा खेडकर यांनी पिस्तूलाचा धाक दाखवून शेतकऱ्यांना धमकावणं यांसह पुजा खेडकर त्यांच्या प्रशिक्षण कालावधीत कुठल्या कुठल्या कार्यालयात गेल्या होत्या, याचा अहवाल रश्मी शुक्ला यांनी स्थानिक पोलिसांकडून मागवला आहे. दुसरीकडे केंद्र सरकारच्या वतीने अतिरिक्त सचिव दर्जाचे अधिकारी या प्रकरणाचा तपास करणार आहेत.

‘Crime Reporting’ Online अभ्यासक्रम अन् ‘कमवा आणि शिका’ची संधी!

स्थानिक पोलिस पूजा खेडकर यांच्या घरी, बंददाराआड साडेतीन तास चौकशी वादग्रस्त आयएएस पूजा खेडकर यांची पोलिसांनी सोमवारी रात्री उशिरा शासकीय निवासस्थानी भेट घेतली. वाशिमच्या शासकीय विश्रामगृहात पोलिसांनी खेडकरांची भेट घेतली. खेडकरांची पोलिसांनी बंद दाराआड साडेतीन तास माहिती घेतली. वाशिम जिल्हाधिकारी यांच्या परवानगीने खुद्द पूजा खेडकर यांनी पोलिसांना काही माहिती देण्याची इच्छा व्यक्त केली होती. उपविभागीय महिला पोलिस अधिकारी नीलिमा आरज यांच्यासह दोन महिला पोलिस अधिकाऱ्यांनी वाशिमच्या विश्रामगृह येथे पोहोचून पूजा खेडकर यांच्याकडून आरोपांसंदर्भात माहिती घेतली.

दरम्यान, पत्रकारांशी संवाद साधताना पूजा खेडकर यांनी आपल्यावरील आरोपांचे ‘मीडिया ट्रायल’ असे वर्णन केले आहे. त्यांनी माध्यमांशी बोलताना सांगितलं की, लोक बघत आहेत आणि लवकरच सत्य बाहेर येईल. भारतीय संविधानानुसार आरोप सिद्ध होईपर्यंत कोणत्याही व्यक्तीला दोषी मानले जाऊ शकत नाही, असेही त्या म्हणाल्या. “मला जे काही म्हणायचंय, ते मी समितीसमोर बोलेन आणि जो निर्णय घेतला जाईल, तो मी स्वीकारेन.”, असे पूजा खेडकर म्हणाल्या आहेत.