पिंपरी-चिंचवड शहरातील ४७ पोलिस अधिकाऱ्यांच्या बदल्या; पाहा नावे... - पोलीसकाका

पुणे : राज्य पोलिस दलातील १५१२ अधिकाऱ्यांच्या बदल्या झाल्या. त्यामध्ये पिंपरी-चिंचवड शहरातील सहा पोलिस निरीक्षक, नऊ सहायक पोलिस निरीक्षक आणि ३२ पोलिस उपनिरीक्षक अशा ४७ अधिकाऱ्यांचा समावेश आहे.

पोलिसांचे हक्काचे पुस्तक! ‘माझे कर्तव्य, माझे कुटुंब’

राज्याच्या विविध पोलिस घटकांमधून ६८ अधिकारी पिंपरी-चिंचवड शहरात आले असून त्यामध्ये १२ पोलिस निरीक्षक, २२ सहायक पोलिस निरीक्षक आणि ३४ पोलिस उपनिरीक्षकांचा समावेश आहे. याबाबत राज्याचे अपर पोलिस महासंचालक डॉ. सुखविंदर सिंह यांनी मंगळवारी (ता. २७) आदेश दिले आहेत.

वाकडचे वरिष्ठ पोलिस निरीक्षक निवृत्ती कोल्हटकर यांची ठाणे शहर येथे बदली झाली. पोलिस निरीक्षक प्रसाद गोकुळे यांची गुन्हे अन्वेषण विभाग, विश्वजित खुळे यांची पोलिस प्रशिक्षण केंद्र तुरची, देवेंद्र चव्हाण यांची पोलिस प्रशिक्षण केंद्र खंडाळा येथे बदली झाली आहे. पोलिस निरीक्षक सतीश नांदुरकर आणि सुनील पिंजण यांना एक वर्ष मुदतवाढ मिळाली आहे.

पोलिस निरीक्षक महेश पाटील (मुंबई शहर), दत्तात्रय चासकर (राज्य पोलिस नियंत्रण कक्ष, मुंबई), राहुल सोनवणे (वर्धा), राजेंद्र पाटील (सिंधुदुर्ग), जगन्नाथ जानकर (नाशिक शहर), नरेंद्र ठाकरे (बुलढाणा), विजयानंद पाटील (पुणे शहर), संजय नरावाड (पुणे शहर), संजय सोळंके (यवतमाळ), दौलत जाधव (अहिल्यानगर), सुदाम पाचोरकर (एसीबी), महादेव कोळी (मुंबई शहर) यांची पिंपरी-चिंचवड शहरात बदली झाली आहे.

शहर पोलिस दलातील नऊ सहायक पोलिस निरीक्षकांची बदली झाली आहे. तर सहायक निरीक्षक रत्नमाला सावंत, श्रीराम शिंदे यांच्यासह २२ सहायक निरीक्षक शहरात आले आहेत. विविध कारणांमुळे चर्चेत असलेले पोलिस उपनिरीक्षक मिलन कुरकुटे तसेच सोशल मीडियावरील एका गेम मध्ये करोडपती झालेले सोमनाथ झेंडे यांच्यासह ३२ उपनिरीक्षकांची बदली झाली आहे. ३० पोलिस उपनिरीक्षक पिंपरी-चिंचवड शहरात आले आहेत.