
पुणे दहशतवादी प्रकरण : भूलतज्ञ डॉक्टर युवकांना ओढायचा ISISच्या जाळ्यात अन्…
पुणे : इसिसमध्ये तरुणांना भरती करण्याची जबाबदारी असलेल्या डॉक्टरला एनआयएच्या अधिकाऱ्यांनी कोंढवा परिसरातून अटक केली आहे. राष्ट्रीय तपास संस्थेने (NIA) ISIS महाराष्ट्र मॉड्यूल प्रकरणात ही कारवाई केली आहे. डॉ. अदनान अली असे या डॉक्टरचे नाव आहे. कोंढवा परिसरात तो भूलतज्ञ होता. युवकांना ISISची माहिती देऊन त्यांना ISISच्या जाळ्यात अडकवण्याचे काम करत होता.
इसिसच्या महाराष्ट्र मॅाड्युलमध्ये राष्ट्रीय सुरक्षा यंत्रणा अर्थात एनआयएने कोंढव्यातून डॉ. अदनान अली सरकारला इसिसच्या दहशतवादी विचाराचा प्रसार केल्याचा आरोपांखाली अटक केल्याने मोठी खळबळ उडाली आहे. इसिसच्या महाराष्ट्र मॅाड्युलचा उलगडा करत महिन्याभरापूर्वी एनआयएने मुंबईत गुन्हा दाखल करून तीन आरोपीना अटक केली होती. त्यापैकी जूबेर शेख नावाचा संशयित आरोपीही एनआयएने अटक केला होता. या आरोपीकडे केलेल्या चौकशीत पुण्यातील प्रसिध्द भूलतज्ज्ञ डॅा. अदनान अली सरकार यांचे नाव समोर आले होते. त्यानंतर एनआयएने डॉ. अदनान अली सरकारची तीन दिवस कसून चौकशी केली आणि अखेर त्याला अटक केली.
डॉ. अदनान अली सरकार हा पुण्यातल्या अनेक नामांकित रूग्णालयात भूलतज्ज्ञ म्हणून काम करत होता. डॉ. अली हा बी जे शासकीय वैद्यकीय महाविद्यालयातून उत्तम क्रमांकाने उत्तीर्ण झाला होता. त्यामुळे सरकारच्या अटकेनंतर अनेकांना धक्का बसला आहे. अली सरकार हा इसिसच्या महाराष्ट्र मॉड्यूलसाठी युवकां ब्रेन वॉशिंग करून त्यांना इसिससाठी काम करावे म्हणून प्रेरित करता होता.
एनआयएने अटक केलेले अदनान अली सरकार हा मूळचा बोहरी मुस्लिम होता. त्याच्या वडिलांचे बोहरी आळीत नट बोल्टचे दुकान होते. मात्र, अदनान अली सरकार याने डॉक्टर झाल्यानंतर सुन्नी पंथ स्वीकारला. त्यानंतर धार्मिक व्याख्याने देऊ लागला. काही धार्मिक पुस्तके त्याने लिहिली आहेत. एनआयएने याच प्रकरणात कोंढव्यातून अटक केलेला जुबेर नुर मोहम्मद शेख हा सरकार याच्या लहान भावाचा मेहूणा आहे.
पुण्यातील संशयित दहशवादी प्रकरणात आणखी एक ताब्यात; युवती रडारवर…
पुण्यात स्फोट करण्याचा कट; तिसऱ्या आरोपीला गोंदियातून अटक…
पुण्यात सापडलेल्या दहशतवाद्यांबाबत एटीएसची धक्कादायक माहिती…