केतनच्या खुनापूर्वी बंगळुरूमध्ये नेऊन त्याचे हात-पाय तोडण्याची योजना होती…
पुणेः केतनचा खून करण्यापूर्वी त्याला बंगळुरूमध्ये नेऊन त्याचे हात-पाय तोडण्याची गुन्हेगारांची योजना होती. तीन आरोपींपैकी एक असलेल्या रितेश हांगे याने बंगळुरूमधील एका मित्राबरोबर या योजनेवर चर्चा केली होती. मात्र, बंगळुरूमधील मित्राने या योजनेला विरोध केला होता, असे या प्रकरणी पोलिसांनी दाखल केलेल्या ५,३०० हून अधिक पानांच्या आरोपपत्रामध्ये म्हटले आहे.
पोलिसांनी बांधकाम व्यावसायिक केतन अग्रवालच्या (वय २५) हत्येप्रकरणी आरोपपत्र दाखल केले आहे. केतनला त्याची वाग्दत्त वधू सिया गोयल आणि तिचा प्रियकर चेतन चौधरी यांनी पुण्यातील लोहगड किल्ल्यावरून दरीत ढकलल्याचा आरोप आहे. पोलिसांनी रितेश हांगे याच्यासह या दोघांना अटक केली आहे.
View this post on Instagram
केतन आणि सिया यांचा फेब्रुवारीमध्ये साखरपुडा झाला होता आणि नोव्हेंबरमध्ये जयपूरमध्ये त्यांचे लग्न होणार होते. आरोपपत्रानुसार, दोन मुख्य आरोपींनी सुरुवातीला केतनचे हातपाय तोडण्याचा कट रचला होता. हांगे याच्या बंगळुरूमधील मित्राने या योजनेला विरोध केल्यानंतर त्यांनी केतनला स्वतःच ठार मारण्याचा निर्णय घेतला आणि हत्येचा कट रचण्यासाठी खुनावर आधारलेले चित्रपट पाहिले व चॅटजीपीटीचाही वापर केला होता. तयारीचा भाग म्हणून पोलिसांच्या नजरेतून कसे सुटावे, यावरील पॉडकास्टदेखील ऐकले.
लग्नापूर्वीच्या फोटोशूटसाठी प्रवास करत असताना, ६ जून रोजी गोयलने कथितरित्या अग्रवालचा पासपोर्ट फाडून एका कॅफेच्या स्वच्छतागृहात फेकून दिला, ज्यामुळे त्यांचा प्रवास होऊ शकला नाही.
तपासात असे उघड झाले आहे की पासपोर्ट फाडण्याची कल्पना चौधरीचीच होती. सिया गोयलने आरोपीच्या ओळखीच्या एका महिलेचा फोटो वापरून ‘माही’ नावाचे बनावट इन्स्टाग्राम खाते तयार करण्याची सूचनाही केली होती. त्या अकाऊंटवरून आलेल्या संदेशांनी केतनला सामील करून वाढदिवसाच्या सरप्राईज योजनेसाठी १८ जून रोजी लोहगड किल्ल्याला भेट देण्यास प्रोत्साहित केले होते. हे बनावट खाते, अग्रवालला किल्ल्यावर आणण्यासाठी हांगेने रचलेल्या योजनेचा एक भाग होता. घटनेनंतर ते खाते बंद करण्यात आले हेते. आरोपपत्रात असेही म्हटले आहे, की सियाला केतनशी लग्न करण्याची इच्छा नाही.
सिया आणि तिच्या एका मैत्रिणीमधील कथित स्नॅपचॅटवरील संभाषणात, ती फ्लाइटचे तिकीट बुक करण्यासाठी तिच्या मैत्रिणीला आधार कार्डची प्रत पाठवायला सांगत असल्याचे दिसत आहे. ‘जे लग्न कधीच होणार नाही, त्याची तिकीटे बुक करण्यासाठी मला तुझे आधार कार्ड पाठव’, असे सिया तिला सांगितले होते.
पोलिसांनी एका प्रत्यक्षदर्शी आणि एका नेल आर्ट आर्टिस्टसह विविध व्यक्तींचे जबाब नोंदवले आहेत. या प्रकरणाचा तपास सुरू आहे. मिळालेल्या वृत्तानुसार, या प्रकरणात ज्येष्ठ वकील उज्ज्वल निकम यांची विशेष सरकारी वकील म्हणून नियुक्ती करण्यात येण्याची शक्यता आहे.
केतन अग्रवाल हत्या प्रकरणी ग्रामीण पोलिसांनी वडगाव मावळ न्यायालयात दोषारोपपत्र सादर…
केतन अग्रवाल मृत्यू प्रकरणी सिया गोयलचा होणार ‘गेम ओव्हर’…
केतन अग्रवाल याच्या आजोबांनी आठवणीने व्याकूळ होत सोडला जीव…
सियाची आई म्हणाली; केतनने मुलापेक्षाही जास्त प्रेम दिलं; दोघांनाही ढकलून द्या…
