हृदयद्रावक! नवविवाहित मयुरीने वाढदिवसाच्या दुसऱ्याच दिवशी घेतला गळफास…
जळगाव: जळगाव शहरातील सुंदरमोती नगर परिसरात राहणाऱ्या विवाहितेनं लग्नानंतर अवघ्या चारच महिन्यात आणि वाढदिवसाच्या दुसऱ्याच दिवशी गळफास घेऊन आत्महत्या केली आहे. पतीसह सासरच्यांकडून हुंड्यासाठी होणाऱ्या छळातून तरुणीने हे टोकाचं पाऊल उचलले आहे. या प्रकरणी पोलीस ठाण्यात पतीसह चार जणांविरोधात गुन्हा दाखल करण्यात आला आहे.
मयुरी गौरव ठोसर (वय २३) असे आत्महत्या करणाऱ्या विवाहितेचे नाव आहे. तिने जळगाव शहरातील सुंदरमोती नगर येथील सासरच्या घरात गळफास घेऊन आत्महत्या केली आहे. मेडिकल टाकण्यासाठी दहा लाख रुपये आणावेत, म्हणून मयुरीचा छळ सुरू असल्याची धक्कादायक माहिती आता समोर आली आहे. १० मे रोजी बुलढाणा जिल्ह्यातील पडाळी येथील मयुरीचा विवाह गौरव ठोसरसोबत झाला होता. गौरव बी फार्मसी पदवीधर असून, त्याला स्वतःचे मेडिकल सुरू करायचे होते. यासाठी त्याने आणि त्याच्या कुटुंबीयांनी मयुरीकडे माहेरून दहा लाख रुपये आणावेत, असा दबाव टाकण्यास सुरुवात केली. पैशासाठी मयुरीवर सतत मानसिक आणि शारीरिक छळ केला जात होता, असा आरोप तिच्या नातेवाईकांनी केला आहे.
मयुरीचा वाढदिवस ९ सप्टेंबरला साजरा करण्यात आला होता. मात्र दुसऱ्याच दिवशी, १० सप्टेंबर रोजी, घरात कोणी नसताना तिने गळफास घेतला. मयुरीचे वडील भगवान बुडूकले आणि तिचे कुटुंबीयांनी पती गौरव ठोसर, सासू, सासरे, दीर आणि नणंद यांच्या विरोधात कठोर कारवाईची मागणी करत गुन्हा दाखल केला आहे. या प्रकरणात पोलिसांनी गौरव ठोसर व त्याच्या भावाला अटक केली आहे, तर एकूण चार जणांविरुद्ध गुन्हा दाखल करण्यात आला आहे.
दरम्यान, मयुरीचे नातेवाईकांनी गुन्हा दाखल होत नाही, तोपर्यंत मृतदेह ताब्यात न घेण्याचा निर्णय घेतला होता. परंतु पोलिसांनी गुन्हा दाखल करून तत्काळ आरोपींना अटक केल्यामुळे सायंकाळी मयुरीचा मृतदेह नातेवाईकांनी गावाकडे नेला. त्यानंतर जिल्हा रुग्णालयात निर्माण झालेला तणाव निवळला. पोलिस पुढील तपास करत आहेत.
हृदयद्रावक! माझ्या जिवलग मित्रांनो, माझी जाण्याची वेळ आली आहे…
हृदयद्रावक! आईसह मुलीचा अन् पोटातील बाळाचा मृत्यू…
हृदयद्रावक! मुलाच्या मृत्यूचा धक्का सहन न झाल्याने आईचाही मृत्यू…
हृदयद्रावक! पत्नीच्या मृत्यूचा विरह सहन न झाल्याने पतीचाही मृत्यू…
हृदयद्रावक! आजोबांच्या मृत्यूनंतर नवविवाहित नातीचाही हृदयविकाराने मृत्यू…
