केतन अग्रवाल हत्याप्रकरणात मोठा ट्विस्ट; सिया-चेतनच्या दाव्यांमुळे पोलिसही चक्रावले…
पुणे: केतन अग्रवाल यांच्या हत्या प्रकरणातील दोन मुख्य आरोपी असलेल्या केतनची वाग्दत्त वधू सिया गोयल आणि तिचा कथित प्रियकर चेतन चौधरी यांनी आता एकमेकांवरच हत्येचा ठपका ठेवण्यास सुरुवात केली आहे. केतन अग्रवाल हत्याप्रकरणात मोठा ट्विस्ट आला असून, सिया-चेतनच्या दाव्यांमुळे पोलिसही चक्रावले आहेत.
तपास अधिकाऱ्यांच्या माहितीनुसार चौकशीदरम्यान दोन्ही आरोपी स्वतःची भूमिका कमी दाखवण्याचा प्रयत्न करत असून गुन्ह्याची जबाबदारी दुसऱ्यावर ढकलत आहेत. दोघांनी पोलिसांसमोर घटनाक्रमाबाबत परस्परविरोधी जबाब दिले आहेत. चेतन चौधरी याने पोलिसांना सांगितल्याचा दावा आहे की तो सियासोबत पळून जाऊन नवीन आयुष्य सुरू करू इच्छित होता. मात्र सियानेच केतनचा कायमचा काटा काढण्याचा आग्रह धरला होता. दुसरीकडे सिया गोयलने पोलिसांना सांगितले की, केतनच्या हत्येचा कट चेतननेच रचला होता. 14 जून रोजी केतनला मारण्याचा पहिला प्रयत्न अयशस्वी झाल्यानंतर चेतन रडल्याचा दावाही तिने केला आहे.
View this post on Instagram
पोलिसांच्या माहितीनुसार, लोहगड किल्ल्यावर हत्येच्या दिवशी वापरण्यात येणारा एक पूर्वनियोजित संकेत ठरवण्यात आला होता. सियाने चौकशीत कबूल केले की ती खाली वाकली होती आणि तोच चेतनसाठी संकेत होता. त्यानंतर चेतनने केतनला दरीत ढकलले, असा तिचा दावा आहे. या संकेताबाबत दोघांमध्ये आधीच सहमती झाल्याचेही तपासातून समोर आले आहे. तपासात असेही समोर आले आहे की घटनेपूर्वी अनेक महिन्यांपासून सिया आणि चेतन सातत्याने संपर्कात होते. दोघांमध्ये 2 हजारांहून अधिक फोन कॉल झाले होते आणि त्यांनी एकूण सुमारे 238 तास फोनवर संवाद साधला होता.
दरम्यान, चेतन चौधरीच्या कुटुंबीयांनीही त्याच्यावरील आरोप फेटाळून लावले आहेत. चेतनचे वडील बाबूलाल चौधरी यांनी माध्यमांशी बोलताना सांगितले की, चेतनने आम्हाला स्पष्ट सांगितले आहे की त्याने केतनला ढकलले नाही. तो त्या वेळी केतनपासून दूर उभा होता. मुलगा दरीत पडला तेव्हा त्याच्या जवळ सिया उभी होती. चेतनचे काका उदयराम चौधरी यांनीही चेतन पूर्णपणे निर्दोष असल्याचा दावा केला. त्यांच्या म्हणण्यानुसार चेतनला या प्रकरणात खोटेपणाने गोवण्यात आले आहे.
दरम्यान, पोलिसांच्या मते 18 जून रोजी लोहगड किल्ल्यावर घडलेल्या घटनेत केतन अग्रवाल यांचा मृत्यू हा पूर्वनियोजित कटाचा भाग होता. तपास यंत्रणांचा आरोप आहे की सिया गोयल आणि चेतन चौधरी यांच्यात प्रेमसंबंध होते. याच कारणातून त्यांनी केतनचा काटा काढण्याचा कट रचला. सियाचा विवाह याच वर्षाच्या अखेरीस केतनशी होणार होता. अंतिम घटनेपूर्वीही केतनला मारण्याचे अनेक प्रयत्न करण्यात आल्याचा पोलिसांचा दावा आहे. तपास जसजसा पुढे सरकत आहे तसतसे दोन्ही आरोपींच्या पार्श्वभूमीबाबतही नवीन माहिती समोर येत आहे.
सियाने तिचा वाढदिवस साजरा करण्याच्या निमित्ताने केतनला लोहगड किल्ल्यावर फिरायला जाण्यास प्रवृत्त केले. त्याचवेळी चेतन स्वतंत्रपणे तेथे पोहोचला होता. त्यानंतर दोघांनी मिळून केतनला दरीत ढकलले, असा पोलिसांचा आरोप आहे. मात्र, या प्रकरणाचा तपास अद्याप सुरू असून आरोपींवरील आरोप न्यायालयात सिद्ध होणे बाकी आहे. सध्या पोलिस विविध पुरावे, कॉल रेकॉर्ड, घटनास्थळावरील माहिती आणि आरोपींचे जबाब यांची पडताळणी करत आहेत.
केतन जिवंत असल्याचे पोलिसांनी सांगताच सियाला फुटला घाम…
केतनला संपवण्यासाठी सिया-चेतन महाभयंकर प्लॅन बी होता तयार; पोलिसही चक्रावले…
केतनशी लग्न ठरल्यानंतरही सियाचे अनेक मुलांशी चॅटिंग, CDR मधून हादरवणारी माहिती…
पुणे! केतन अग्रवाल हत्या प्रकरणातील धक्कादायक माहिती; सिया-चेतनचं कसं जुळलं सूत पाहा…
केतनला ढकलून दिल्यानंतर सियाने लिहिली भलीमोठी पोस्ट; म्हणाली तू मला…
पुणे! लग्नासाठी 2 विमानं बूक अन् केतन अग्रवालची खूनी निघाली होणारी बायको…
पुणे! लग्नासाठी 17 कोटींचा पॅलेस बुक, दोन विशेष विमाने; लग्नाआधीच युवकाचा मृत्यू…
