गर्लफ्रेंन्डला इंप्रेस करण्यासाठी चोरले तब्बल १५ मोबाईल अन्…
पुणे (संदीप कद्रे): गर्लफ्रेंन्डला इंप्रेस करण्यासाठी १५ मोबाईल फोन चोरणाऱ्या दोन आरोपींना भारती विद्यापीठ पोलिसांनी अटक केली आहे. मुद्देमाल जप्त केला असून, पोलिस पुढील तपास करत आहेत.
भारती विद्यापीठ पोलिस स्टेशनकडील तपास पथकाचे अधिकारी व अंमलदार वरीष्ठांचे मार्गदर्शन व सुचनांप्रमाणे पोलिस स्टेशन हद्दीत २५/१०/२०२३ रोजी पेट्रोलींग करीत होते. पोलिस अंमलदार मंगेश पवार व निलेश खैरमोडे यांना त्यांचे बातमीदारामार्फेतीने बातमी मिळाली की, कात्रज तलाव येथे दोन जण चोरीचे मोबाईल फोन विक्री करता आले आहेत. त्यानुसार भारती विद्यापीठ पोलिस स्टेशनकडील तपास पथकाचे अधिकारी व अंमलदार यांनी कायज्ञ तलाव येथे जावून पाहिले असता त्यांना १. अर्जुन महादेव शेलार (वय १८ वर्षे, ६ महिने, रा. मु.पो भिवरी, ता. पुरंदर, जि.पुणे), २. प्रेम राजु शेलार (वय २० वर्षे, रा. मु.पो भिवरी, ता. पुरंदर, जि. पुणे) हे त्यांचे ताब्यातील बॅगेमध्ये १५ मोबाईल फोनसह मिळून आले. त्या मोबाईल फोनबाबत आरोपींकडे तपास करता त्यांनी सदरचे मोबाईल फोन हे कात्रज, गोकुळनर, कोंढवा भागातून चोरी केले असून ते विक्री करता आलो असल्याचे सांगितले आहे.
आरोपींच्या ताब्यातील मोबाईल फोनची तपासणी केली असता त्यामधील विवो कंपनीचा मोबाईल फोन हा भारती विद्यापीठ पोलिस स्टेशन गुन्हा रजि नंबर ६९७ / २०२३, भादंवि कलम ३७९ या गुन्हयातील असल्याचे निष्पन्न झाले. आरोपींना नमुद गुन्हयामध्ये अटक करुन त्यांचेकडून एकुण ०२,०२,००० /- रुपये किंमतीचे १५ मोबाईल फोन जप्त करण्यात आले आहे. आरोपीतांचे ताब्यात मिळुन आलेल्या उर्वरीत १४ मोबाईल फोनबाबत तपास चालू आहे. आरोपींकडे केलेल्या तपासामध्ये त्यांनी त्यांचे गर्लफ्रेंन्डला प्रत्येक वेळी वेगवेगळे मोबाईल फोन दाखवून त्यांना इंप्रेस करण्यासाठी चोरी केली असल्याचे सांगितले आहे.
सदरची कामगिरी पोलिस आयुक्त रितेशकुमार, पोलिस सह आयुक्त संदीप कर्णिक, प्रविणकुमार पाटील, अपर पोलिस आयुक्त, पश्चिम प्रादेशीक विभाग, पुणे, स्मार्तना पाटील पोलिस उप आयुक्त परिमंडळ २, नारायण शिरगावकर सहाय्यक पोलिस आयुक्त स्वारगेट विभाग, पुणे यांचे मार्गदर्शनाखाली भारती विदयापीठ पोलिस स्टेशनकडील वरिष्ठ पोलिस निरीक्षक विनायक गायकवाड, तसेच पोलिस निरीक्षक (गुन्हे) विजय पुराणिक, गिरीश दिघावकर, सहाय्यक पोलिस निरीक्षक अमोल रसाळ, पोलिस उपनिरीक्षक धिरज गुप्ता, पोलिस अंमलदार मंगेश पवार, निलेश खैरमोडे, सचिन सरपाले, शैलेश साठे, चेतन गोरे, महेश बारावकर, निलेश ढमढेरे, अवधतु जमदाडे, अभिजीत जाधव, आशिष गायकवाड, अभिनय चौधरी, राहुल तांबे, विक्रम सावंत, हर्षल शिंदे यांच्या पथकाने केली आहे.
भारती विद्यापीठ पोलिसांनी सराईत वाहन चोरास शिताफीने केली अटक…
पुणे शहरात सोनसाखळया चोरी करणारा सराईत गुन्हेगार जेरबंद…
पुणे स्टेशनवर मोबाईल चोरणारा आला अन् सापळ्यात अडकला…
मोबाईलवर बनावट स्क्रीनशॉट दाखवून बंटी-बबली करायचे फसवणूक…
हडपसर पोलिसांकडून परप्रांतीय टोळी गजाआड, लाखो रुपयांचे मोबाईल जप्त…
पोलिसकाकाच्या बातम्यांसाठी Join करा Whatsapp Group…
पोलिसकाका आता Whatsapp Channels वर!
