Video: शौचालय साफ करायला लावल्याप्रकरणी खासदारावर गुन्हा दाखल…
नांदेड : नांदेडच्या शासकीय रुग्णालयातील रुग्णांच्या मृत्यूनंतर खासदार हेमंत पाटील यांनी डीन डॉ. एस. आर. वाकोडे यांना शौचालय साफ करायला लावले होते. वाकोडे यांनी हेमंत पाटील यांच्या विरोधात गुन्हा दाखल केला आहे.
नांदेडच्या शासकीय रुग्णालयातील रुग्णांच्या मृत्यूनंतर शिवसेनेचे (शिंदे गट) खासदार हेमंत पाटील यांनी रुग्णालयाला भेट दिली होती. यावेळी रुग्णालयातील अस्वच्छता पाहून संतापलेल्या हेमंत पाटील यांनी थेट रुग्णालयाच्या डीनलाच स्वच्छतागृह साफ करायला लावले. संबंधित व्हिडिओ सोशल मीडियावर व्हायरल झाला होता. या प्रकारानंतर विरोधकांनी टीका करत थेट राजीनाम्याची मागणी केली होती. अखेर खासदार हेमंत पाटील यांच्यावर नांदेडच्या ग्रामीण पोलिस ठाण्यात रात्री उशीरा गुन्हा दाखल करण्यात आला आहे. स्वतः डीन डॉ. एस. आर. वाकोडे यांनी तक्रार दाखल केली. ग्रामीण पोलिस ठाण्याचे पोलिस निरीक्षक जगदीश भांडारवाड यांनी ही माहिती दिली.
डॉ. शंकरराव चव्हाण शासकीय वैद्यकीय महाविद्यालय नांदेडच्या अधिष्ठातांबरोबर खासदार हेमंत पाटील यांनी केलेल्या गैरवर्तवणुकीसंदर्भात सेंन्ट्रल मार्ड आक्रमक झाले आहेत. खासदार हेमंत पाटील यांनी झालेल्या प्रकाराबद्दल माफी मागावी, अन्यथा डॉक्टर्स महाराष्ट्रभर आंदोलन करण्याचा इशारा दिला आहे. घडलेल्या प्रकारामुळे फक्त अधिष्ठाता यांचे मानसिक खच्चीकरण झालेले नाही तर संपूर्ण डॉक्टरांसाठी अपमानास्पद गोष्ट आहे. हेमंत पाटील यांनी माफी न मागितल्यास आंदोलनाचा इशारा मार्डकडून देण्यात आला आहे. सोबतच राज्यातील आरोग्य व्यवस्था कोलमडल्यास सरकार जबाबदार राहणार, अशी भूमिका सेंट्र्ल मार्डने घेतली आहे.
हेमंत पाटील पुढे म्हणाले, ‘रुग्णालयात 260 कर्मचारी स्वच्छतेसाठी आहेत. 36 रुग्ण दगावल्यानंतरही अधिकारी स्वतः चेंबरमधून बाहेर येत नाही आणि यामुळे प्रचंड अनास्था या रुग्णालयात पाहायला मिळत आहे. रुग्णालयातील अनास्थेच्या चिडीपोटी मी हे कृत्य केले आहे आणि त्यांनीच नाहीतर मी स्वतः देखील सफाई केलेली आहे.’
आमदार संतोष बांगर यांच्या विरोधात गुन्हा दाखल…
राष्ट्रवादी काँग्रेसच्या ZP सदस्याला अटक; सरकारलाच गंडवले…
आमदारपुत्राची दादागिरी; बंदुकीच्या धाकाने व्यावसायिकाचे अपहरण…
किरीट सोमय्या व्हिडीओ प्रकरणी वृत्तवाहिनीच्या संपादकावर गुन्हा दाखल…
उद्धव ठाकरे यांच्या खंद्या शिलेदाराने रुळावर झोपून संपवलं आयुष्य…
