पंजाबमधील अंमली पदार्थविरोधी कार्यकर्त्याची गोळ्या झाडून हत्या करणाऱ्या औषध विक्रेत्याला राजस्थानात अटक…

मानसाः पंजाबच्या मानसा जिल्ह्यात दिवसाढवळ्या अंमली पदार्थविरोधी कार्यकर्ते परविंदर सिंग झोटा यांची गोळ्या झाडून हत्या करणाऱ्या औषध विक्रेता दुकानदाराला, दुसऱ्याच दिवशी, राजस्थानातून अटक करण्यात आली आहे. या हत्येतील तो मुख्य आरोपी आहे.

बुधवारी सूत्रांनी दिलेल्या माहितीनुसार, झोटावर गोळीबार केल्याचा आरोप असलेला औषध विक्रेता अश्वनी कुमार याला राजस्थानातील सालासर येथून ताब्यात घेण्यात आले आहे. पंजाब आणि राजस्थान पोलिसांच्या संयुक्त कारवाईत ही अटक करण्यात आली आहे.

हत्येनंतर अश्वनी कुमारला पळून जाण्यास मदत केल्याचा आरोप असलेल्या एका साथीदाराला पोलिसांनी अटक केल्यानंतर, दुसऱ्याच दिवशी त्याला संयुक्त कारवाईत अटक करण्यात आली.

एका वृद्ध व्यक्तीला अंमली पदार्थ विकल्याच्या आरोपावरून अश्वनी कुमार यांना जाब विचारल्यानंतर, त्यांनी गेल्या मंगळवारी झोटा यांची गोळ्या घालून हत्या केली होती. ही घटना घडत असताना परविंदर सिंग यांचे कार्यकर्ते या घटनेचे फेसबुकवर लाईव्ह सेशन करत होते. सूत्रांनुसार, गोळीबार केल्यानंतर अश्वनी कुमार फरार झाला. पोलिसांनी त्याचा शोध घेण्यासाठी ताबडतोब मोहीम सुरू केली.

परविंदर सिंग झोटा हे मानसा आणि आसपासच्या परिसरात औषध दुकानांमधून, व्यसनाधीन बनविणाऱ्या औषधांच्या अवैध विक्रीचा पर्दाफाश करणारे म्हणून ओळखले जात होते. फेसबुक लाईव्ह सत्रादरम्यान, ते औषध विक्रीच्या आरोपांवरून एका केमिस्टला त्याच्या दुकानाबाहेर जाब विचारताना दिसले.

पाच मिनिटांच्या व्हीडिओमध्ये, झोटा एका वृद्ध व्यक्तीच्या बाजूला उभा राहिला आणि त्याने दावा केला, की त्या व्यक्तीने दुकानातून ड्रग्ज खरेदी केले होते. व्हीडिओमध्ये पिस्तुल रोखताना दिसलेल्या दुकानदारासोबत झोटामध्ये जोरदार वादविवाद सुरू झाला. सुमारे चार मिनिटे वाद चालल्यानंतर दुकानदाराने गोळीबार केला, त्यात झोटा ठार झाले.

झोटा हे गेल्या अनेक वर्षांपासून अंमली पदार्थांच्या गैरवापराविरोधात आणि काही विशिष्ट औषध दुकानांतून होणाऱ्या अंमली पदार्थांच्या बेकायदा विक्रीविरोधात सक्रियपणे आवाज उठवत होते. फेसबुकवर २४ हजारहून अधिक फॉलोअर्स असलेल्या झोटाला, त्याच्या हस्तक्षेपांच्या व्हिडिओंमुळे प्रसिद्धी मिळाली, जे सोशल मीडियावर मोठ्या प्रमाणावर प्रसारित झाले.