
पत्नीच्या डोक्यात कुऱ्हाड घातली अन् चौकात सोडून पळाला…
छत्रपती संभाजीनगर : नवऱ्याने आपल्या पत्नीच्या डोक्यात कुऱ्हाडीने घाव घालून हत्या केल्यानंतर जखमी अवस्थेतच तिला गावाच्या चौकात आणून सोडून दिले आणि त्यानंतर तो फरार झाला. संतापजनक घटना कारकीन (ता. पैठण) येथे घडली आहे.
पोलिसांनी फरार झालेल्या आरोपी पतीचा शोध घेऊन त्याला बेड्या ठोकल्या आहेत. सोनाली आतिष ताकवाले (वय 25) असे मृत महिलेच नाव असून, आतिष रावसाहेब ताकवाले (वय 30) असे आरोपी पतीचे नाव आहे.
पोलिसांनी दिलेल्या माहितीनुसार, सोनाली आणि आतिष कारकीन गावात आपल्या मुलीसह राहतात. शुक्रवारी (ता. ३) दुपारी साडेतीनच्या सुमारास सोनाली हिने आपल्या मुलीला मारहाण केली. मुलीला मारल्यावरून पत्नी पत्नीमध्ये वाद झाला. सुरवातीला शाब्दिक वाद थेट हाणामारीपर्यंत गेला. आतिष याने घरातील कुऱ्हाडीने सोनालीवर वार केला. सोनालीच्या डोक्यावर कुऱ्हाडीने हल्ला केल्यावर ती जागीच कोसळली आणि रक्ताच्या थारोळ्यात पडून होती. सोनाली गंभीर जखमी झाल्यावर देखील त्याने तिला गावातील रस्त्यावर ओढूत आणले. तसेच पुन्हा तिच्या मानेवर व गळयावर वार करून जागीच ठार केले. त्यानंतर तो मुलीला घेऊन फरार झाला. दरम्यान, याची माहिती मिळताच पैठण एमआयडीसी पोलिसांनी घटनास्थळी धाव घेतली. सोनाली हिचा मृतदेह ताब्यात घेत शवविच्छेदनासाठी शासकीय घाटी रुग्णालयात पाठवला आहे.
दरम्यान, कारकीन गावातील रस्त्यावर एका महिलेचा मृतदेह पडून असल्याची माहिती मिळताच पैठण एमआयडीसी पोलिसांनी घटनास्थळी धाव घेतली. शिवाय, आतिष ताकवाले आणि त्याची मुलगी घरात दिसत नसल्याने पोलिसांना संशय आला. त्यामुळे पोलिसांनी अधिक माहिती घेतली असता आतिषनेच सोनालीची हत्या करून फरार झाला असल्याचे समोर आले. त्यामुळे पोलिसांच्या पथकाने अतिषचा शोध सुरु केला. तसेच त्याचा पाठलाग करून त्याला बेड्या ठोकल्या. यावेळी आपणच पत्नीची हत्या केल्याची कबुली त्याने पोलिसांना दिली आहे. पैठण एमआयडीसी पोलिसांत त्याच्या विरोधात खुनाचा गुन्हा दाखल करण्यात आला असून, पोलिस पुढील तपास करत आहेत.
महिला पोलिसाची प्रेमप्रकरणातून हत्या; नवऱ्याने सांगितले की…
सख्खा भाऊ बनला पक्का वैरी! संतपत्तीवरून दोन बहिणींची केली हत्या…
वहिनी आणि मांत्रिकाचे प्रेमसंबंध; दिर बलात्कार अन् आत्महत्या…
नवविवाहितेने हाताच्या तळव्यावर कारण लिहून केली आत्महत्या…
वडिलांना मारल्याचा वादातून युवकाची सपासप वार करून हत्या…
पोलिसकाका आता Whatsapp Channels वर!