
लोणावळा परिसरात घरफोडी करणाऱ्या टोळीला स्थानिक गुन्हे शाखेने केले जेरबंद…
पुणे (संदीप कद्रे): लोणावळा परिसरातील पर्यटकांचे तसेच स्थानिकांचे घरात प्रवेश करून घरफोडी करणाऱ्या टोळीला स्थानिक गुन्हे शाखेने जेरबंद केले आहे. शिवाय, दहा गुन्हयांची उकल केली आहे. याबाबतचा पुढील तपास पोलिस करत आहेत.
लोणावळा परीसर हा थंड हवेचे ठिकाण असल्याने परीसरारत मोठया प्रमाणात पर्यटक फिरण्यासाठी, राहण्यासाठी येतात. काही पर्यटकांचे स्वतःची घरे आहेत तर काही पर्यटक भाडेतत्वावर घरे घेवून राहतात. पर्यटकांचे तसेच स्थानिकांचे घरामध्ये चोरी होत असल्याबाबत वारंवार तक्रारी येत असल्याने पोलिस अधीक्षक अंकीत गोयल यांनी स्थानिक गुन्हे शाखेला कारवाई करणेबाबत सुचना केल्या होत्या. त्या अनुषंगाने स्थानिक गुन्हे शाखेचे पोलिस निरीक्षक अविनाश शिळीमकर यांनी मार्गदर्शन लोणावळा विभागाचे उपविभागीय पोलिस अधिकारी सत्यसाई कार्तिक यांच्याशी संपर्क साधून त्यांचे मार्गदर्शनाखाली लोणावळा उप विभागाची गुन्हे आढावा बैठक घेण्यात आली होती. गुन्हे घडले ठिकाण, गुन्हयाची वेळ, गुन्हे करण्याची पद्धत याचा अभ्यास करून घरफोडी चोरीचे गुन्हे उघडकीस आणणेकामी स्थानिक गुन्हे शाखेचे एक पथक तयार करण्यात आले होते.
स्थानिक गुन्हे शाखेच्या पथकाने लोणावळा परिसरात आपला वावर वाढवून सीसीटीव्ही फुटेज तपासले. तसेच गोपनीय बातमीदार आणि तांत्रिक विश्लेषणाचे आधारे तपास सुरू केला. उपलब्ध माहितीचे आधारे सदरचे गुन्हे हे रेकॉर्डवरील गुन्हेगार
१) वसीम सलाऊद्दीन चौधरी वय २७ वर्षे रा. वाकसाई, वरसोली लोणावळा ता. मावळ जि. पुणे हा असल्याची माहिती समोर आली. त्यास तपासकामी ताब्यात घेवून तपास केला असता, त्याने चोरी केल्याचे निष्पन्न झाले. वसीम हा उघडया दरवाजावाटे, स्लायडींग खिडकी द्वारे, घरात प्रवेश करून घरातील रोख रक्कमेसह मौल्यवान वस्तूंची चोरी करत असल्याचे निष्पन्न झाले आहे. चोरीचे काही गुन्हयात त्याचे साथीदार
२ ) सलीम सलाऊद्दीन चौधरी वय २१ वर्षे रा. लोणावळा ता मावळ जि पुणे
३) शहारूख बाबू शेख वय २१ वर्षे रा. लोणावळा ता मावळ जि पुणे यांचा सहभाग असल्याने त्यांना देखील ताब्यात घेण्यात आले आहे.
आरोपींकडून एक ‘तोळा वजनाची सोन्याची चेन, दोन डायमंडच्या अंगठया, एक सोन्याची अंगठी, दोन मोटार सायकल, रोख रक्क्म असा एकूण २,२६,७०० रुपये किंमतीचा मुद्देमाल हस्तगत करण्यात आला आहे. आरोपी वसीम चौधरी हा सध्या पोलिस कस्टडी रिमांड मध्ये असून इतर दोन आरोपींचा मा. न्यायालयाने जामीन मंजूर केला असून आरोपी वसीम चौधरी या आरोपीवर यापुर्वी आठ घरफोडी चोरीचे गुन्हे दाखल असून आरोपींकडून एकूण दहा गुन्हे उघडकीस आले आहेत.
नागरिकांना आवाहन…
लोणावळा परीसरात राहणारे लोक तसेच येणारे पर्यटकांनी रात्रीचे वेळी तसेच फिरण्यासाठी बाहेर पडताना आपआपले घरांचे दरवाजे-खिडक्या व्यवस्थीत लॉक करावेत. दरवाजा खिडकी उघडे ठेवून झोपू नये. तसेच स्लायडींग खिडक्यांना लोखंडी ग्रिल लावावेत. सीसीटीव्ही कॅमेरे लावणेबाबत पुणे ग्रामीण पोलिस अधीक्षक डॉ अंकित गोयल तसेच लोणावळा उप विभागाचे उपविभागीय पोलिस अधिकारी श्री सत्यसाई कार्तिक साो यांनी आवाहन केले आहे.
सदरची कामगिरी पोलिस अधीक्षक अंकित गोयल, अपर पोलिस अधीक्षक मितेश घट्टे पुणे विभाग, उपविभागीय पोलिस अधिकारी सत्यसाई कार्तिक लोणावळा उपविभाग यांचे मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, सपोनि नेताजी गंधारे, पोसई प्रदीप चौधरी, सफौ प्रकाश वाघमारे, पोहवा राजु मोमीण, अतुल डेरे, चंद्रकांत जाधव, तुषार भोईटे, मंगेश थिगळे, पोना बाळासाहेब खडके, अमोल शेडगे, पोकॉ मंगेश भगत, प्राण येवले चासफौ काशिनाथ राजापूरे, पोहवा शकील शेख यांनी केली असून पुढील तपास लोणावळा शहर पो.स्टे. चे पो नि सिताराम डुबल, लोणावळा ग्रामीण पो.स्टे. चे पो नि किशोर धुमाळ हे करत आहेत.
लोणावळा येथे संकल्प नशामुक्ती अंतर्गत नशेखोरांना न्यायालयाने ठोठावला दंड…
लोणावळा येथे पर्यटकांच्या वाहनांच्या काचा फोडून चोरी करणारा ताब्यात…
सत्यसाई कार्तिक: क्रिकेट प्लेयर ते आयपीएस अधिकारी…
बारामतीमध्ये चोरी करण्यासाठी आरोपींनी चक्क ज्योतिषाकडून काढला होता मुहूर्त पण…
पोलिसकाकाच्या बातम्यांसाठी Join करा Whatsapp Group…