अल्पवयीन मुलाचे अपहरण करून ३० लाखांची मागणी; अडीच तासात ताब्यात…
पुणे (महेश बुलाख): एका १४ वर्षाच्या अल्पवयीन मुलाचे अपहरण करणाऱ्या तीन आरोपींना ‘गुन्हे शाखा युनिट-४ पिंपरी चिंचवड’ने फक्त अडीच तासात बेड्या ठोकल्या आहेत. धारधार शस्त्र जप्त करुन अपहरण ग्रस्त मुलाची सुटका केली आहे. पोलिस पुढील तपास करत आहेत.
आज (मंगळवार) सुमारे ०७:०० वा. हिंजवडी पोलिस ठाणे हद्दितील ताथवडे येथील एका भंगार व्यवसायिकाच्या १४ वर्षाचे मुलाचे झेन गाडी मधून आलेल्या तीन जणांनी अपहरण केले असले बाबत पोहवा/मोहम्मद गौस नदाफ यांना माहिती मिळाल्याने व सदरचा प्रकार हा गंभीर स्वरुपाचा असल्याने पोलिस आयुक्त विनयकुमार चौबे व आम्ही स्वतः गुन्हे शाखा, युनिट-४ चे वरिष्ठ पोलिस निरीक्षक शंकर आवताडे आणि सर्व अधिकारी व पोलिस अंमलदार यांना तात्काळ घटनास्थळी जावून तपास करण्याचे आदेश दिले होते.
गुन्हे शाखा युनिट-४ चे सर्व पोलिस अधिकारी व अंमलदार यांनी मुलाचे अपहरण केलेल्या ठिकाणाचे सी.सी.टी.व्ही फुटेजची पाहणी केली असता त्यात तीन जण हे एका निळया रंगाचे झेन गाडी मध्ये अपहरण केलेल्या मुलास घेवून जात असल्याचे दिसत होते. त्याच दरम्यान गुन्हे शाखा युनिट-४ ने अपहरण केलेल्या मुलाचे काका यास ताब्यात घेवून त्याचे कडे चौकशी करुन त्याचे कडून माहिती काढण्यास सांगितले होते. त्याच दरम्यान सदर अपहरण झालेल्या मुलाच्या काकास वेगवेगळ्या मोबाईल क्रमांका वरुन फोन करुन एकाने ‘३० लाख रुपयाची खंडणी दे नाही तर तुमच्या मुलाचे हात-पाय तोडून त्यास मारुन टाकतो” अशा प्रकारचा खंडणीचा फोन करत होते.
अपहरण करणाऱ्यांबाबत मिळालेल्या बातमीदारा कडून व पोशि/ प्रशांत सैद यांनी केलेल्या तांत्रिकविश्लेषणा वरुन अपहरण करणारे हे सासवड परिसरात असल्याबाबत माहिती प्राप्त झाली. सपोनि देशमुख, दरोडा विरोधी पथक व पोउपनि रायकर, गुन्हे शाखा युनिट-४ यांची दोन वेगवेगळी पथके तयार करुन सदर ठिकाणी रवाना केली. तसेच त्यादरम्यान आम्ही वपोनि शंकर आवताडे यांनी पोलिस उप-अधिक्षक बरडे, स्थानिक गुन्हे शाखा, पुणे यांचे पोनि अविनाश शिळीमकर, सासवड पो ठाण्याचे पोनि जाधव, राजगड पो ठाण्याचे पोनि आण्णा घोलप यांना देखील संपर्क करुन त्यांना सविस्तर प्रकार सांगुन आरोपींचे वर्णन सांगून तात्काळ नाकाबंदी लावण्यास सांगितले. त्यांनतर गुन्हे शाखेच्या दोन्ही पथक, स्थानिक गुन्हे शाखा, पुणे व सासवड पोलिस ठाणे यांनी योग्य तोसमन्वय साधुन तात्काळ प्रतिसाद दिल्याने आवघ्या अडीच तासात सापळा लावून आरोपी
१) तेजस ज्ञानोबा लोखंडे, वय-२१ वर्षे, रा-दत्त मंदिर शेजारी, मारुंजीगाव, पुणे
२) अर्जुन सुरेश राठोड, वय-१९ वर्षे, रा-दत्त मंदिर शेजारी, मारुंजीगाव, पुणे
३) विकास संजय मस्के, वय-२२ वर्षे, रा- शिवार वस्ती, भुमकर चौक, पुणे. या खंडणीखोर तीन आरोपींना शिताफीने झेन गाडीसह ताब्यात घेवून त्यांचे तावडीतून अपहरण झालेल्या मुलाची सुटका करण्यात यश मिळाले आहे.
सदर आरोपींकडे मिळून आलेल्या गाडीची पाहणी केली असता त्यात तीन मोबाईल फोन, ०१ छऱ्याचे पिस्टल, ०१ अडीच फुट लांबीचा कोयता, ०१ सुरा, छन्नी, हातोडा, ०२ मास्क असा मुद्देमाल जप्त केला आहे. त्यांच्याकडे प्राथमिक चौकशी केली असता सदर आरोपी यांनी अपहरण केलेल्या मुलाचे वडीलांबाबत माहिती काढली होती की त्याचा भंगाराचा व्यवसाय असुन त्याचे कडे खुप पैसे आहेत. मुलाचे अपहरण केले तर खुप पैसे मिळू शकतात. त्यासाठी त्यांनी पाच दिवस सदर मुलाचे अपहरण करण्यासाठी रेखी केल्याचे तपासात निष्पन्न झाले आहे. तसेच त्यांना हॉटेलचा व्यवसाय सुरु करण्यासाठी पैशाची आवश्यकता असल्याने त्यांनी सदर मुलाचे अपहरण केले असल्याचे तपासात निष्पन्न होत आहे. सदर आरोपींनी खंडणी मागण्याकरीता वापरलेले मोबाईल फोन हे भुमकर चौक व मारुंजी परिसरातुन चोरी केल्याचे तपासात निष्पन्न झाले आहे. सदर आरोपींना पुढील तपासकामी हिंजवडी पोलिस ठाणे, गु.र.नंबर-१०६६/२०२३ भा.दं.वि.कलम-३६४ (अ) या गुन्हयाचे तपासकामी ताब्यात देण्यात आले आहे.
सदरची कारवाई पिंपरी चिंचवडचे पोलिस आयुक्त विनयकुमार चौबे, सह पोलिस आयुक्त डॉ. संजय शिंदे, अपर पोलिस आयुक्त वसंत परदेशी, पोलिस उप-आयुक्त, काकासाहेब डोळे, पोलिस उप-आयुक्त, गुन्हे, स्वप्ना गोरे, सहा. पोलिस आयुक्त, गुन्हे सतिष माने, सहा. पोलिसआयुक्त, मा. श्री. हिरे यांचे मार्गदर्शनाखालील गुन्हे शाखा, युनिट-४, वरिष्ठ पोलिस निरीक्षक शंकर आवताडे, दरोडाविरोधी पथक, वरिष्ठ पोलिस निरीक्षक दिपक शिंदे, सपोनि, अंबरिष देशमुख, दरोडा विरोधी पथक, सपोनि सिद्धनाथबाबर, पोउपनि गणेश रायकर, सहा.पो.उप.नि. नारायण जाधव, संजय गवारे, दादा पवार, पोहवा/ प्रविण दळे, तुषार शेटे, मोहम्मद गौस नदाफ, रोहिदास आडे, पोना/ वासुदेव मुंडे, सुरेश जायभाये, पोशि/ प्रशांत सैद, सुखदेव गावंडे तांत्रिकविश्लेषण विभाग गुन्हे शाखा चे वरिष्ठ पोलिस निरीक्षक संजय तुंगार, स.पो.नि. सागर पानमंद, पोहवा/नागेश माळी,पोपट हुलगे यांनी केली आहे.
कॉलेजमधील मित्राने जबरदस्तीने अपहरण करून केला बलात्कार…
नवविवाहितेच्या अपहरण प्रकरणाला लागले वेगळे वळण…
आमदारपुत्राची दादागिरी; बंदुकीच्या धाकाने व्यावसायिकाचे अपहरण…
पुणे शहरातून अपहरण झालेल्या युवकाचा फिल्मी स्टाईलने केला पोलिसांनी तपास अन्…
धक्कादायक! मोठ्या भावाने घेतले उसने पैसे अन् खून झाला छोट्या भावाचा…
पोलिसकाकाच्या बातम्यांसाठी Join करा Whatsapp Group…
