पुणे पोलिसांवरील ताण हलका होणार! मोठी पोलिस भरती…
पुणे: पुणे शहराचा विस्तार आणि वाढती लोकसंख्या लक्षात घेता, पुणे पोलिस दलातील मनुष्यबळाची कमतरता भरून काढण्यासाठी आणि गेल्या अनेक दिवसांपासून रिक्त असलेल्या पदांसाठी लवकरच पोलिस भरती प्रक्रिया राबवली जाणार आहे.
पुणे शहराची सध्याची लोकसंख्या पाहता, पोलिस दलात किमान २० ते २१ हजार कर्मचाऱ्यांची आवश्यकता आहे. मात्र, सध्या केवळ १० हजार अधिकारी आणि कर्मचारी कार्यरत आहेत. निम्म्या मनुष्यबळावर कामाचा ताण असल्याने पोलिसांना अनेकदा २४-२४ तास ‘ऑन ड्युटी’ राहावे लागते. याचा थेट परिणाम पोलिसांच्या मानसिक आरोग्यावर आणि कौटुंबिक जीवनावर होत आहे. गेल्या वर्षी शहरात पाच नवीन पोलिस ठाणी सुरू झाल्याने या मनुष्यबळाची चणचण अधिकच भासत आहे.
वरिष्ठ पोलिस अधिकाऱ्यांनी दिलेल्या माहितीनुसार, पोलिस भरतीसाठीची मैदानी चाचणी अंदाजे १० ते १५ फेब्रुवारी दरम्यान सुरू होण्याची शक्यता आहे. या शारीरिक चाचणीसाठी राज्यभरातून हजारो युवक पुण्यात येण्याची शक्यता असून, पोलिस प्रशासनाने त्या दृष्टीने नियोजनाला सुरुवात केली आहे.
पुणे जिल्ह्यात पोलिस भरतीसाठी आलेल्या युवकाने घेतला जगाचा निरोप…
पिंपरी-चिंचवड पोलिस दलात निघाली 322 पदांची भरती, अर्ज भरण्याची शेवटची तारीख…
राज्यात १५,६३१ पोलिसांची भरती; घ्या अधिक माहिती जाणून…
मोठी बातमी! पोलिस भरतीसाठी वयोमर्यादा ओलांडलेल्या उमेदवारांनाही मिळणार संधी…
