प्रियकर दिराने महिलेला जाळण्याआधी काय-काय केलं? पोलिस तपासात धक्कादायक माहिती उघड…
सोलापूर: पाटखळ (मंगळवेढा) येथे एका युवकाने आपल्या चुलत वहिनीसोबत असलेल्या प्रेमसंबंधामुळे एका मनोरुग्ण महिलेला जाळून वहिनीच्या आत्महत्येचा बनाव रचल्याची धक्कादायक घटना नुकतीच उघडकीस आली. निशांत सावंत (वय २०) असे आरोपीचे नाव असून, त्याने किरण सावंत (वय २३) या वहिनीसोबत संगनमत करून हा गुन्हा केला. निशांत आणि किरण सध्या पोलिस कोठडीत असून पोलिस तपासात रोज नवनवी माहिती उघड होत आहे.
पोलिसांकडून मिळालेल्या माहितीनुसार, बारावीपर्यंत शिक्षण झालेला निशांत हा सातारा जिल्ह्यातील कराड येथील एका ज्वेलरी शॉपमध्ये कामाला होता. मात्र त्याचे वहिनी किरणसोबत प्रेमसंबंध सुरू होते. त्यामुळे 20 दिवसांपूर्वी तो किरणला कायमचेच घेऊन जायचे म्हणून गावी आला होता. त्या दोघांनीही कुटुंबासह पोलिसांना चकवा देण्यासाठी कट रचला होता.
किरणच्या आई-वडिलांनी तिचा विवाह धुमधडाक्यात लावला होता. किरणला छोटी मुलगी आहे. दीर असलेल्या निशांतने किरणसोबत जवळकी साधली आणि ती त्याच्या प्रेमात पडली. काही महिन्यांनंतर त्यांनी पळून जाऊन एकत्र राहण्याचा डाव आखला. निशांतने पंढरपूर हद्दीतून एक अनोळखी मनोरुग्ण महिलेला हेरून गावी आणले होते आणि नंतर निशांतने मनोरुग्ण महिलेला आणून गळा आवळला आणि तिचा मृतदेह घराजवळील कडब्याच्या गंजीत टाकला. तत्पूर्वी, त्याने किरणला सांगली जिल्ह्यातील खानापूर येथे सोडले. तेथून ओळखीच्या मित्राला सांगून किरणला कराडला न्यायला सांगितले आणि तो परत घरी आला.
खानापूरहून काही तासात परतलेल्या निशांतने गंज पेटवून दिली आणि आरडाओरड सुरू केली. किरणने आत्महत्या केल्याचीही अफवा पसरवली. पोलिसांना मात्र या घटनेबद्दल संशय होता. जळालेला मृतदेह आणि तिच्या अंगावरील मोबाईल पाहून पोलिसांना ती आत्महत्या नसल्याची खात्री झाली. पोलिसांनी किरणच्या मोबाईलचा सायबर टीमकडून ‘सीडीआर’ काढला. त्यानंतर निशांतच्या मोबाईलमधील किरणचे फोटो पाहून खात्री झाली आणि सत्य समोर आले. निशांत आणि किरण यांनी मिळून किरणच्या सासरच्या लोकांना या गुन्ह्यात अडकवण्याचा डाव रचला होता. मात्र पोलिसांनी कुशलतेने केलेल्या तपासामुळे आरोपी दीर-वहिनीचे बिंग फुटले आणि या गुन्ह्याचा उलगडा झाला.
दरम्यान, घटनेच्या दिवशी दीड-दोन तासांनी किरण सतत निशांतच्या मोबाईलवर कॉल करत होती. त्यावेळी ‘ही कोण’ असा प्रश्न पोलिसांनी केला आणि निशांतने मैत्रीण असल्याचे सांगितले होते. किरण माहेरी लाडकी होती. त्यामुळे आपण दिरासोबत पळून गेलो अशी बातमी पसरल्याने समाजात माहेरच्या कुटुंबाची बदनामी होऊ नये, यासाठी तिने निशांतसोबत मिळून हा कट रचला. पण, यामध्ये एका निरपराध महिलेचा जीव गेला. पोलिस पुढील तपास करत आहेत.
प्रेम! फिल्मी स्टाईल मृत्यूची थरारक घटना पोलिसांनी केली उघड…
पत्नीला जाळल्याचा संशयावरून पतीला अटक; पण प्रियकरासोबत सापडली ‘जिवंत’…
साखरपुडा पार पडल्यानंतर घरी निघालेल्या युवतीचे रस्त्यातच अपहरण…
मुंबईतील अल्पवयीन विद्यार्थ्यावर लैंगिक अत्याचार प्रकरणी शिक्षिकेचा दावा…
सांगली! प्रेयसीने लव्ह स्टोरीचा केला वाईट पद्धतीने शेवट…
पुणे! प्रेमीयुगुलाची विष प्राशन करून खडकवासला धरणाजवळ आत्महत्या…
सातारा! विवाहितेच्या मृत्यूमागचं गुढ उकललं; प्रेमविवाह अन् पुन्हा प्रेम…
