हिंजवडी पोलिस स्टेशन हद्दीतून बेपत्ता व्यक्तीचा खून अनैतिक संबंधातून…
पुणे (सुनिल सांबारे): पिपंरी चिचंवड पोलिस आयुक्तालयाच्या हिंजवडी पोलिस स्टेशन हद्दीतून बेपत्ता असलेल्या व्यक्तीचा अनैतिक संबंधातून खून केल्याप्रकरणी पोलिसांनी तपास करत एकाला अटक केली आहे. याबाबतचा पुढील तपास पोलिस करत आहेत.
हिंजवडी पोलिस ठाणे हद्दीत २५/०९/२०२३ रोजी रेणुका किशोर पवार (वय ३०) हिने खबर दिली की, तिचा पती किशोर प्रल्हाद पवार (वय ३५ रा. सुसगाव ता. मुळशी जि. पुणे) हा २४/०९/२०२३ रोजी सायंकाळी ०४/०० वा. पासून घरातून कोणास काही एक न सांगता निघून गेला आहे. त्याप्रमाणे हरविल्याची तक्रार दाखल आहे. सदर मनुष्य मिसिंगचा तपास सहा. पो. फौजदार हरीभाऊ रणपिसे हे करीत असताना प्रकार हा संशयास्पद असल्याने सर्व शक्यता गृहीत धरुन वरिष्ठ पोलिस निरीक्षक डॉ. विवेक मुगळीकर यांनी हिंजवडी पो.स्टे गुन्हे शोध पथकातील स.पो.नि. सागर काटे, स.पो.नि. राम गोमारे व गुन्हे पथकातील अंमलदार यांना मार्गदर्शन करून समांतर तपास करणेबाबत आदेशित केले.
गुन्हे पथकातील अधिकारी व अंमलदार हे समांतर तपास करीत असताना मिसिंग व्यक्ती किशोर प्रल्हाद पवार हा २४/०९/२०२३ रोजी सायंकाळी १७/३० वा. चे सुमारास त्याचा मित्र अक्षय भास्कर खिल्लारे (वय २१ रा. दसरा चौक बालेवाडी पुणे मुळ गांव मु.पो. आसेगांव ता. वसमत जि. हिंगोली) याच्या मोटरसायकल वरुन कोठेतरी गेला असल्याची माहिती समोर आली होती. त्यावरुन अक्षय खिल्लारे यास ताबेत घेवून कसून विचारपूस केली.
अक्षय भास्कर खिल्लारे याने सांगितले की, किशोर पवार याची पत्नी रेणुका पवार हिच्याशी त्याचे अनैतिक संबंध आले. याबाबत किशोर याला माहिती झाल्यामुळे तो त्या दोघांवर संशय घेवू लागला त्यामुळे अक्षय खिल्लारे याने दिनांक २४/०९/२०२३ रोजी किशोर पवार याचा खून करण्याचे उददेशाने कमरेला विळा अडकावून किशोर पवार याला फोन वरुन ‘माझ्या एका मित्राचा अपघात झाला आहे माझेसोबत चल’ असे खोटे सांगून सायंकाळी १७/३० वा. त्याचे राहते घरातुन सुसगांव (ता. मुळशी जि. पुणे) येथून मोटरसायकलवरुन वारक या गावातील मुळशी डॅमचे धरणाचे (ता. मुळशी जि. पुणे) पाण्याजवळ चे जवळ घेवून जावून लघवी करण्याचा बहाणा करून पाठीमागून विळ्याने त्याचे मानेवर व चेहऱ्यावर वार केले. त्यास जिवे मारुन कोणाला सापडू नये यासाठी त्याचे कपडयाने त्याचे हात पाय बांधून वारक या गावातील मुळशी डॅमचे धरणाचे पाण्यात टाकले असे सांगितले. त्याचे सांगणेप्रमाणे यातील मिसिंग व्यक्तीचे प्रेत त्याने दाखविलेल्या घटनास्थळी मिळून आल्याने त्यास अटक केली आहे.
हिंजवडी पोलिसांनी सदर प्रकरणी गु.र.नं. १११८/२०२३ भा.द.वि. कलम ३६४, ३०२, २०१ प्रमाणे आरोपी अक्षय भास्कर खिल्लारे (वय २१ रा. दसरा चौक बालेवाडी पुणे मुळ गांव- मु.पो. आसेगांव ता. वसमत जि. हिंगोली) याचेवर | गुन्हा दाखल करुन त्यास सदर गुन्हयात ०३/१०/२०२३ रोजी ००/५० वा. अटक करण्यात आली आहे. हिंजवडी पोलिसांनी बेपत्ता व्यक्तीचा तपासात खुनाचा गुन्हा उघडकीस आणुन उत्कृष्ट कामगिरी केली आहे. सदर गुन्हयाचा पुढील तपास अजितकुमार खटाळ सहायक पोलिस निरीक्षक हे करीत आहेत.
सदरची कामगीरी पोलिस आयुक्त विनयकुमार चौबे, डॉ. संजय शिंदे, सह पोलिस आयुक्त पिंपरी चिंचवड, डॉ. वसंत परदेशी, अपर पोलिस आयुक्त पिं. चिंचवड, काकासाहेब डोळे पोलिस उप आयुक्त परिमंडळ २ पिंपरी चिंचवड पोलिस आयुक्तालय, डॉ. विशाल हिरे सहा. पोलिस आयुक्त वाकड विभाग पिंपरी चिंचवड पोलिस आयुक्तालय, डॉ. विवेक मुगळीकर वरिष्ठ पोलिस निरीक्षक हिंजवडी पोलिस ठाणे, सुनिल दहिफळे, सोन्याबापु देशमुख पोलिस निरीक्षक (गुन्हे) हिंजवडी पोलिस नरळे, ठाणे, पिंपरी चिंचवड पोलिस आयुक्तालय यांचे मार्गदर्शनाखाली हिंजवडी पोलिस ठाणेकडील तपास पथकातील सागर काटे, राम गोमारे, अजितकुमार खटाळ, सहा. पोलिस निरीक्षक, बंडु मारणे, बापुसाहेब धुमाळ, बाळकृष्ण शिंदे, सहा. पोलिस उप निरीक्षक पो हवा., कैलास केंगले, विक्रम कुदळ, योगेश शिंदे, कुणाल शिंदे, सुनिल डामसे, सुरेश बलसाने पोलिस नाईक रितेश कोळी, श्रीकांत चव्हाण, चंद्रकांत गडदे, पोलिस शिपाई अमर राणे, कारभारी पालवे, ओमप्रकाश कांबळे व दत्तात्रय शिंदे, सागर पंडीत यांनी केली आहे.
पिंपरीमध्ये दोघांच्या डोक्यावरून ट्रकचे चाक गेल्याने चिरडले अन्…
पिंपरी-चिंचवडमध्ये लॉजवरील सेक्स रॅकेटचा पर्दाफाश…
पिंपरी-चिंचवडमध्ये फिल्मी स्टाईलने भरदिवसा खून; दोघांना अटक…
पिंपरी-चिंचवडमधील पोलिसकाकांचे अपघाती निधन…
पोलिसकाकाच्या बातम्यांसाठी Join करा Whatsapp Group…
