
अरविंद माने: अनुभवातून घडला कर्तव्यदक्ष अधिकारी!
पुणे (संतोष धायबर): ईश्वरी प्रकाशनने प्रकाशित केलेल्या आणि www.policekaka.comने तयार केलेल्या पोलिसकाका विशेषांकामध्ये पोलिस अधिकाऱयांच्या सविस्तर मुलाखती घेण्यात आल्या आहेत. खडतर परिस्थितीतून अनेकजण यशस्वी झाले आहेत. मुलाखत घेत असताना अनेकांना अश्रू अनावर होत होते. पोलिस दलात येत असलेल्या अथवा MPSC, UPSC चा अभ्यास करणाऱयासाठी हे पुस्तक नक्कीच प्रेरणादायी आहे.
पोलिसकाका विशेषांकामध्ये पोलिस अधिकाऱयांच्या सविस्तर मुलाखतींबरोबरच डॉक्टरांचेही आरोग्याविषयी लेख आहेत. थोडक्यात, विशेषांकामध्ये पोलिस अधिकाऱयांचे आत्मचरीत्र आहे. संबंधित पुस्तकाचे मुख्यमंत्री एकनाथ शिंदे यांच्या हस्ते प्रकाशन झाले आहे. पुस्तकाबद्दल त्यांनी गौरवोद्गार काढले आहेत. प्रेरणादायी असे पुस्तक जरूर वाचा….
अरविंद माने: अनुभवातून घडला कर्तव्यदक्ष अधिकारी!
वरिष्ठ पोलिस निरीक्षक अरविंद माने हे महाराष्ट्र पोलिस दलामध्ये २६ वर्षांपासून कार्यरत आहेत. मुंबईमध्ये तब्बल २२ वर्षे काम केल्यामुळे दांडगा अनुभव पाठीशी. पोलिस दलात काम करत असताना विविध गुन्हे उघडकीस आणले आहेत. शिवाय, मोठ-मोठ्या जबाबदाऱ्या पार पाडत असताना पासपोर्टसारख्या व्हेरिफिकेशन विषयामध्येही नियोजनाचे मोठे काम केले आहे. त्यांच्याविषयी थोडक्यात…
अरविंद माने यांचे गाव शिरूर तालुक्यातील शिरसगाव काटा. सधन शेतकरी कुटुंबातील जन्म. शिवाय, एकत्रित मोठे कुटुंब. गावामध्येच पाचवीपर्यंत शिक्षण झाले. पण, पुढे गावात शिक्षणाची सुविधा नसल्यामुळे लोणी भापकर (बारामती) येथे नातेवाईकांकडे राहून दहावीपर्यंतचे शिक्षण पूर्ण केले. मुलाने गावाबाहेर जाऊन शिक्षण घेऊन मोठे अधिकारी व्हावे, ही वडिलांची इच्छा होती. दहावी झाल्यानंतर अकरावीसाठी पुण्यात यायचे त्यांनी ठरवले.
पुणे शहरात शिक्षण…
पुणे शहरातील गरवारे कॉलेजमध्ये प्रवेश घेतला. महाविद्यालयाच्या होस्टेलमध्ये राहायची व्यवस्था झाली. खरंतर होस्टेल लाईफमध्ये खूप काही शिकायला मिळाले आणि प्रगतीची वाटचाल सुरू झाली. एक-एक वर्ग पास होत होते. कुटुंबाची आर्थिक परिस्थती सुद्धा बदलत चालली होती. पण, काहीतरी करण्याचे हा ध्यास तर मनात होताच. दरम्यानच्याच काळात त्यांच्या भावाचा मित्र पोलिस अधिकारी झाला होता. आपणही पोलिस अधिकारी व्हावे, असा विचार त्यांच्या मनात आला. त्यादृष्टीने विचार करायला सुरवात केली. त्यासाठी काय करायला हवे, याबद्दलची माहिती गोळा करायला सुरवात केली. एमपीएससी उत्तीर्ण झाल्यानंतर अधिकारी होता येते, हे समजले.
नाशिकमध्ये राहून केला जोमाने अभ्यास…
गरवारे कॉलेजमधून पदवी मिळवल्यानंतर एमपीएससीच्या पुढील शिक्षणासाठी नाशिकला जाण्याचे त्यांनी ठरवले. नाशिकला गेल्यानंतर खडतर परिस्थितीमध्ये राहून अभ्यास करू लागले. जगणे म्हणजे काय असते, हे त्या काळात शिकायला मिळाले. पहाटे उठून हातपंपाखाली आंघोळ करणे, पत्र्याच्या शेडमध्ये राहणे, असे खूप काही शिकले. दुसरीकडे अभ्यास सुरू होता. पहिल्यांदा एमपीएससीची परीक्षा दिली. पण, निकाल हाती आल्यानंतर थोडक्यात नापास झाले होते. पण, पुढच्या वेळी नक्की पास होऊ ही जिद्द त्यांच्या मनात होती. परत, जोमाने अभ्यास करायला सुरवात केली. दुसऱ्या प्रयत्नात म्हणजे १९९३ मध्ये एमपीएससी पास झाले आणि त्यांच्यासह कुटुंबियांना मोठा आनंद झाला. कारण, पोलिस अधिकारी होणार होते.
सविस्तर मुलाखत वाचण्यासाठी पुस्तक जरूर खरेदी करा…
‘पोलिसकाका विशेषांक’
किंमतः २०० रुपये
गुगल पेः 9881242616
अधिक माहितीसाठी संपर्कः
संदीप कद्रेः 98508 39153
editor@policekaka.com