स्टेडिअमध्ये 80 हजार जणांच्या समोर दिली मुलाच्या हातात दिली बंदूक अन् धाड-धाड…
काबूल : अफगाणिस्तानातील खोस्त प्रांतातील एका स्टेडियममध्ये 80 हजार नागरिकांसमोर एका गुन्हेगाराची 13 वर्षांच्या मुलाने गोळ्या घालून हत्या केली. मुलाच्या कुटुंबातील 13 सदस्यांची हत्या केल्याचा आरोप होता. गोळ्या झाडण्यापूर्वी मुलाला विचारले की तो आरोपीला माफ करू इच्छितो का. मुलाने नकार दिल्यानंतर अधिकाऱ्याने त्याला बंदूक दिली आणि समोर उभ्या असलेल्या व्यक्तीला गोळी घालण्याची सूचना केली.
तालिबानच्या सर्वोच्च न्यायालयाच्या म्हणण्यानुसार, मंगल खान याची सर्वांसमोर गोळ्या घालून हत्या करण्यात आली. त्याने अब्दुल रहमान नावाच्या माणसाची हत्या केली होती. खोस्त पोलिस प्रवक्ते मुस्तगफिर गोरबाज यांच्या मते, मृत आणि मारेकरी दोघेही नातेवाईक होते. या प्रकरणात आणखी दोन दोषींना मृत्युदंडाची शिक्षा सुनावण्यात आली आहे, परंतु मृत्यूमुखी पडलेल्यांचे वारस त्यावेळी उपस्थित नसल्याने त्यांना फाशी देण्यात आली नाही. एक दिवस आधी, तालिबानने जनतेला फाशीचे साक्षीदार होण्यासाठी आमंत्रित करणारी नोटीस जारी केली होती. त्यांना खोस्तच्या सेंट्रल स्टेडियममध्ये जमण्यास सांगण्यात आले होते.
मंगल खानला मृत्युदंड सुनावल्यानंतर, तालिबानच्या सर्वोच्च न्यायालयाने घटनेची माहिती देणारी एक प्रेस रिलीज जारी केली. त्यात म्हटले होते की, किसास (हत्येच्या बदल्यात हत्या) शिक्षेच्या स्वरूपात एका खुन्याला सार्वजनिकरित्या फाशी देण्यात आली. मंगल खान खोस्तमध्ये राहत होता. त्याने खोस्तमधील अब्दुल रहमान, सबित आणि अली खान यांची हत्या केली होती. या प्रकरणाची तीन तालिबानी न्यायालयांनी (प्राथमिक, अपीलीय आणि न्यायाधिकरण) सखोल चौकशी केली. तिन्ही न्यायालयांनी एकमताने किसास आदेशाला मान्यता दिली. अंतिम आदेश मौलवी हिबतुल्लाह अखुंदजादा (तालिबानचा सर्वोच्च नेता) यांनाही पाठवण्यात आला, ज्यांनी त्याला मान्यता दिली. हत्येवेळी स्टेडियममध्ये सर्वोच्च न्यायालयाचे सरन्यायाधीश, खोस्तचे राज्यपाल, खोस्त अपील न्यायालयाचे प्रमुख आणि इतर सरकारी अधिकारी मोठ्या संख्येने लोक उपस्थित होते.
The Taliban carried out a public execution of a man in a stadium before 80,000 spectators in Khost province!
What’s even more alarming is that @AmuTelevision reports the executioner was a 13-year-old boy who pulled the trigger !!
This should Trigger a warning to the world.… pic.twitter.com/qbRpEPjPpn— Nilofar Ayoubi 🇦🇫 (@NilofarAyoubi) December 2, 2025
दरम्यान, 15 ऑगस्ट 2021 रोजी तालिबानने अफगाणिस्तानात पुन्हा सत्ता काबीज केल्यापासून एखाद्या व्यक्तीला मृत्युदंडाची शिक्षा देण्याची ही 11 वी वेळ आहे. गेल्या चार वर्षांत तालिबान सर्वोच्च न्यायालयाने 176 जणांना मृत्युदंडाची शिक्षा सुनावली आहे. तालिबान कायद्यानुसार, खून, व्यभिचार आणि चोरी यासारख्या गुन्ह्यांसाठी मृत्युदंड, शिरच्छेद किंवा चाबकाने मारण्याची शिक्षा दिली जाऊ शकते.
