दहशतवाद्यांच्या घरात सापडली बॉम्ब बनविण्याबाबतची चिठ्ठी…
पुणे: पुणे शहरात पकडण्यात आलेल्या दहशतवाद्यांच्या घरातील फॅनमध्ये एक कागद सापडला आहे आणि या लपवलेल्या कागदात बॉम्ब बनवण्याची प्रक्रिया हाताने लिहिलेली आहे. ॲल्युमिनीअम पाईप, बल्बच्या फिलॅमेंटस आणि दोन बंदुकीच्या गोळ्या देखील या ठिकाणी सापडल्या. या दोघांनी सातारा, कोल्हापूर या जिल्ह्यांच्या जंगलांमध्ये जाऊन बॉम्बस्फोट घडवण्याची चाचणी केल्याचे देखील समोर आले आहे.
कोथरुड भागात 18 जुलै रोजी दुचाकी चोरत असताना दोघे जण सापडले होते. दोघेही मागील दीड वर्षांपासून मोस्ट वॉन्टेड होते. NIA ने यांना पकडण्यासाठी 5 लाख रुपयांचे बक्षिस घोषित केले होते. कोथरुड पोलिसांनी दुचाकी चोर म्हणून पडकडल्यानंतर ते दहशतवादी संघटनेचे काम करत असल्याचे समोर आले होते. त्यांनी पहिल्यांदा वेगळी नावे सांगितली होती. मात्र ट्रू कॉलरवर त्यांची नावे वेगळी आल्याने पोलिसांचा संशय आणखी वाढला आणि त्यांनी पुन्हा सखोल चौकशीला सुरुवात केली होती. त्यावेळी ते दोघे राहत असलेल्या कोंढव्यातील घरात पोलिसांनी झाडाझडती घेतली होती. त्यावेळी त्यांच्याकडे बॉम्ब तयार करण्याची पावडरही सापडली होती. आता त्यांच्याकडे थेट बॉम्ब कसा बनवायचा?, याची माहिती असलेली चिठ्ठी किंवा कागद सापडल्याने या प्रकरणात धक्कादायक खुलासे होण्याची शक्यता आहे.
मोहम्मद इम्रान मोहम्मद युसूफ खान आणि मोहम्मद युनूस मोहम्मद याकू साकी यांच्याकडून एटीएसने बनावट आधारकार्ड, ड्रोनचे साहित्य, काडतूस, पांढऱ्या रंगाच्या गोळ्या, पिस्तूल ठेवण्याचे चामडी पाकीट, इलेक्ट्रॉनिक वजन काटा असा मुद्देमाल जप्त केला आहे. आता बॉम्ब बनवण्याची प्रक्रिया असलेली चिठ्ठीदेखील सापडली आहे.
पुणे पोलिसांनी पकडलेल्या इसिसच्या दोन दहशतवाद्यांनी (NIA) पुणे, सातारा आणि कोल्हापूर जिल्ह्यातील जंगलांमध्ये जाऊन बॉम्बस्फोटाचा सराव केल्याच समोर आले आहे. त्यासाठी हे दहशतवादी जंगलात तंबू ठोकून काही दिवस राहिले देखील होते. पानशेत जवळच्या दाट झाडींमध्ये, त्याचबरोबर सातारा शहराच्या जवळ असलेल्या झाडींमध्ये तर कोल्हापूर जिल्ह्यातील आंबोलीच्या जंगलात या दहशतवाद्यांनी हा सराव केल्याचे समोर आले आहे. त्यासाठी हे दहशतवादी महाराष्ट्र-बेळगाव सीमाभागातील निपाणी आणि संकेश्वरमध्ये काही दिवस मुक्कामाला देखील होते, अशी धक्कादायक माहिती समोर आली आहे. ते राज्यात विघातक कृत्य करण्याच्या तयारीत असल्याचा संशय आहे.
पुणे दहशतवादी प्रकरण : भूलतज्ञ डॉक्टर युवकांना ओढायचा ISISच्या जाळ्यात अन्…
पुण्यातील संशयित दहशवादी प्रकरणात आणखी एक ताब्यात; युवती रडारवर…
पुण्यात स्फोट करण्याचा कट; तिसऱ्या आरोपीला गोंदियातून अटक…
पुण्यात सापडलेल्या दहशतवाद्यांबाबत एटीएसची धक्कादायक माहिती…
