
पुणे जिल्ह्यात खून केल्यानंतर किन्नर बनून राहणाऱ्यास युनिट १ ने केले जेरबंद…
पुणे (महेश बुलाख): पुणे जिल्ह्यातील म्हाळुंगे पोलिस ठाणे हद्दीत खून करून मुंबईत किन्नर बनून राहणा-या आरोपीस गुन्हे शाखा युनिट १ ने जेरबंद केले आहे. पोलिसांनी खुनाच्या गुन्हयाचा उलगडा केला असून, दोन आरोपींना गजाआड केले आहे.
म्हाळुंगे पोलिस ठाणे हद्दीतील कुरुळी परिसरातून सचिन हरिराम यादव (वय १९, रा. पुणे-नाशिक रोड कुरुळी ता. खेड जि. पुणे) हा २४.०८.२०२३ वा १४.०० घरातून कामानिमित्त गेला व परत आला नाही. सर्वत्र शोध घेवुनही तो मिळून न आल्याने वडील हरिराम यादव यांनी २८/०८/२०२३ रोजी म्हाळुंगे पोलिस ठाणे मनुष्य मिसिंग क्र १३३ / २०२३ अन्वये तक्रार दाखल केली होती. एक तरुण मुलगा घरात कोणास काही एक न सांगता अचानक गायब झाल्याने पोलिस आयुक्त विनयकुमार चौबे, पोलिस उपआयुक्त (गुन्हे) स्वप्ना गोरे यांनी सदर प्रकरणाचा समांतर तपास करणेकामी गुन्हे शाखा युनिट १ चे वरीष्ठ पोलिस निरीक्षक संतोष पाटील यांना आदेश दिले होते.
वरिष्ठ पोलिस निरीक्षक संतोष पाटील यांनी पोलिस उपनिरीक्षक इम्रान शेख, पो. हवा. फारुक मुल्ला, पो. हवा. प्रमोद हिरळकर, पो. हवा. अमित खानविलकर, पो. हवा. सचिन मोरे. पो. शि. विशाल भोईर, पो.शि. प्रमोद गर्जे, पो. शि. स्वप्निल महाले, पो. शि. नितेश बिच्चेवार असे पथक नेमुन सदर प्रकरणाचा समांतर तपास सुरु केला होता. सदर प्रकरणाचा समांतर तपास करीत असताना नमुद पथकाने सदर मिसींग मुलगा याचे त्या दिवसभरात त्याने भेटी दिलेल्या प्रत्येक ठिकाणी जावुन त्याठिकाणावरील माहिती संकलित केली. तसेच त्या त्या ठिकाणवरील सीसीटीव्ही फुटेजेस मिळविले. तसेच सर्व तांत्रिक माहिती संकलित केली. सदर माहितीचे विश्लेषण करुन मिसींग मुलगा एम. आय. डी. सी. खेड परिसरात दोन अनोळखींबरोबर असल्याचे दिसून आले. त्यातील एक हा रोहीत नागवसे हा मिसींग मुलाचे चाळीत भाडयाने राहात असल्याची माहीती मिळाली. सदर दिवसापासून तो सुध्दा गायब असल्याची माहिती मिळाली.
सदरबाबत पोहवा/फारुक मुल्ला यांना त्यादिवशी मिसींग मुलासोबत असलेला दुसरा आरोपी हा केज (जि. बीड) येथे असल्याबाबत माहिती प्राप्त झाली. त्यानुसार पोउनि इम्रान शेख यांचे नेतृत्वात पथकाने त्याठिकाणी जावून त्यास ओळखुन विचारपुस केली असता, त्याचे नाव गोरख जनार्धन फल्ले (वय ३२ वर्षे, रा कानडी रोड, केज, बिड) असल्याचे सांगितले. त्याच्याकडे केलेल्या चौकशीत त्याने त्यादिवशी पुण्यात त्याचे मामेभाऊ रोहित नागवसे याच्यासोबत मिसींग मुलासोबत निमगाव परीसरात देवदर्शनासाठी जावून त्या परीसरातील जंगलात मिसींग मुलास दारु पाजून त्याच्या डोक्यात दगडाने मारहाण करुन त्याचा खून केल्याची माहिती दिली व त्याने रोहित नागवसे यास किन्नर / तृतीयपंथी बनण्यासाठी एका किन्नरकडे पाठवल्याचे सांगीतले.
रोहित नागवसे हा वसई विरार परिसरात असल्याची माहिती प्राप्त केली. एका घरात किन्नर कडे चौकशी केली असता तिने तिचे नाव गायत्री असे सांगीतले. सदरबाबत संशय आल्याने अधिक सखोल चौकशी केली असता सदर किन्नर हि पाहिजे संशयित रोहित नागवसे असल्याचे निष्पन्न झाले. पोलिसांना गुंगारा देण्यासाठी व स्वतःचे अस्तित्व लपवण्यासाठी रोहित नागवसे हा गुन्हा घडल्यापासुन मुंबई / ठाणे परिसरात किन्नरच्या वेशात राहून पोलिसांची दिशाभुल करीत होता. रोहित व गोरख दोघेही कर्जबाजारी झाल्याने पैशांसाठी यादव कुटुंबियास लुटण्याचा कट केला होता. त्याप्रमाणे दि २४/०८/२०२३ रोजी सचिन यादव यास एम.आय.डी.सी. खेड परिसरातील जंगलात नेवुन दारु पाजुन त्याच्या डोक्यात दगड घालुन खुन केल्याचे सांगीतले.
म्हाळुंगे पोलिस ठाणे मनुष्य मिसिंग क्र १३३ / २०२३ मधील मिसिंग मुलगा सचिन हरिराम यादव (वय १९ वर्षे रा. पुणे-नाशिक रोड कुरुळी ता. खेड जि. पुणे) याचा खून झाल्याचे निष्पन्न झाल्याने सदर दोन्ही आरोपी १. गोरख जनार्धन फल्ले (वय – ३२ वर्षे, रा कानडी रोड, केज, बिड), २. रोहित शिवाजी नागवसे (वय २२ वर्षे, रा जवळबंद, ता केज, जि बिड) यांना पुढील कारवाई कामी म्हाळुंगे पोलिस ठाणेच्या ताब्यात देण्यात आले.
सदरची कारवाई पोलिस आयुक्त विनयकुमार चौबे, सह पोलिस आयुक्त संजय शिंदे, अप्पर पोलिस आयुक्त वसंत परदेशी, पोलिस उप आयुक्त (गुन्हे) स्वप्ना गोरे, सहाय्यक पोलिस आयुक्त (गुन्हे) सतिश यांचे मार्गदर्शनाखाली वरिष्ठ पोलिस निरीक्षक संतोष पाटील, पो. उपनि इम्रान शेख, स.पो. फौ. शिवाजी कानडे, पो.हवा. फारुक मुल्ला, पो. हवा. प्रमोद हिरळकर, पो. हवा. अमित खानविलकर, पो. हवा. सचिन मोरे. पो.हवा. उमाकांत सरवदे, पो. हवा. बाळु कोकाटे, पो.हवा. महादेव जावळे, पो. हवा. सोमनाथ बो-हाडे, पो.हवा. मनोज कमले, पो. शि. विशाल भोईर, पो. शि. प्रमोद गर्जे, पो. शि. स्वप्निल महाले, पो. शि. अजित रुपनवर, पो.शि. मारोती जायभाये, पो. शि. तानाजी पानसरे, पो. हवा. नागेश माळी ( टी. ए. डब्ल्यु), पो. शि. नितेश बिच्चेवार (सायबर क्राईम) यांनी केली आहे.
पिंपरीमध्ये दोघांच्या डोक्यावरून ट्रकचे चाक गेल्याने चिरडले अन्…
पिंपरी-चिंचवडमध्ये लॉजवरील सेक्स रॅकेटचा पर्दाफाश…
पिंपरी-चिंचवडमध्ये फिल्मी स्टाईलने भरदिवसा खून; दोघांना अटक…
पिंपरी-चिंचवड परिसरात कोयत्याचा धाक दाखवून चोरी करणारी टोळी जेरबंद…
पिंपरी-चिंचवडमधील पोलिसकाकांचे अपघाती निधन…
पोलिसकाकाच्या बातम्यांसाठी Join करा Whatsapp Group…