येमेनमध्ये कैद असलेल्या केरळच्या नर्स निमिषा प्रिया हिची फाशी टळली…
येमेन: येमेनमधील कारागृहात कैद असलेली केरळची नर्स निमिषा प्रिया हिच्या फाशीची शिक्षा सध्या पुढे ढकलण्यात आली आहे. निमिषाला बुधवारी १६ जुलै रोजी फाशी देण्यात येणार होती, परंतु तिच्या वकिलांनी पुष्टी केली की येमेनी अधिकाऱ्यांनी शेवटच्या क्षणी फाशीचा निर्णय पुढे ढकलला. यामुळे भारतीयांना सध्या तरी दिलासा मिळाला आहे, जिथे सरकार आणि नागरी संघटना बऱ्याच काळापासून निमिषाला वाचवण्याचा प्रयत्न करत आहेत. नवीन तारीख अद्याप जाहीर झालेली नाही, ज्यामुळे अनिश्चितता कायम आहे.
निमिषा प्रिया ही केरळच्या पलक्कड जिल्ह्यातील कोलेनगोडे येथील रहिवासी आहे. २०१७ मध्ये तिला व्यावसायिक भागीदार तलाल अब्दो मेहदीच्या हत्येप्रकरणी अटक करण्यात आली होती. येमेनी न्यायालयाचे म्हणणे आहे की निमिषाने तलालला भूल देण्याचे इंजेक्शन देऊन त्याची हत्या केली आणि मृतदेहाचे तुकडे करून पाण्याच्या टाकीत फेकून दिले. निमिषाने दावा केला की तलालने तिचा शारीरिक आणि मानसिक छळ केला आणि तिचा पासपोर्ट हिसकावून घेतला, ज्यामुळे तिने स्वसंरक्षणार्थ हे पाऊल उचलले.
२०२० मध्ये, स्थानिक न्यायालयाने तिला मृत्युदंडाची शिक्षा सुनावली, जी २०२३ मध्ये येमेनच्या सर्वोच्च न्यायालयाने कायम ठेवली. फाशी पुढे ढकलल्याची बातमी आल्यानंतर, निमिषाचा पती टॉमी थॉमस आणि आई प्रेमा कुमारी यांनी सुटकेचा नि:श्वास सोडला. प्रेमा कुमारी गेल्या वर्षी एप्रिलपासून येमेनमध्ये आहे. ती तलालच्या कुटुंबाची माफी मागण्याचा प्रयत्न करत आहे. ब्लड मनी म्हणून १० लाख डॉलर्सची ऑफर देण्यात आली होती, परंतु कुटुंबाने ती स्वीकारली नाही. भारत सरकारनेही राजनैतिक पातळीवर हस्तक्षेप केला आणि १४ जुलै रोजी खटल्याच्या सुनावणीदरम्यान सर्वोच्च न्यायालयाने केंद्राला सर्व शक्य पावले उचलण्यास सांगितले होते.
अॅटर्नी जनरल म्हणाले की, ‘फाशी पुढे ढकलण्याचे कारण अद्याप स्पष्ट झालेले नाही, परंतु असे मानले जाते की आंतरराष्ट्रीय दबाव आणि तलालच्या कुटुंबाशी चर्चेची शक्यता यामुळे हा निर्णय घेतला असावा. ही घटना भारतासाठी दिलासा देणारी असली तरी निमिषाची फाशी पूर्णपणे टळली नाही. केवळी ती तारीख पुढे ढकलण्यात आली आहे. त्यामुळे आता भारत सरकार या संधीचा फायदा घेऊन तलालच्या कुटुंबाची माफी मागण्यासाठी चर्चा पुढे नेऊ शकतात.’
प्रियकराला विष घालून ठार मारणाऱ्या प्रेयसीला फाशीची शिक्षा…
अल्पवयीन मुलींवर लैंगिक अत्याचार केल्यास जन्मठेप आणि फाशीची शिक्षा; पाहा कायदे
पाकिस्तानात मुलांचे लैंगिक शोषण करणाऱ्या शिक्षकाला फाशीची शिक्षा…
ऑनर किलिंग! गर्भवती मुलीचा खून करणाऱ्या बापाला जन्मठेप…
मोठी बातमी! बलात्काऱ्यांना 10 दिवसांत फाशी; विधानसभेत विधेयक मंजूर…
