पाकिस्तानच्या लष्कराचं हेलिकॉप्टर कोसळलं, वैमानिकासह 20 सैनिकांचा मृत्यू…
कराची (पाकिस्तान): पाकव्याप्त काश्मीरमधील मुझफ्फराबादमध्ये पाकिस्तानच्या लष्कराचे एमआय-17 (Mi-17) हेलिकॉप्टर कोसळले आहे. हेलिकॉप्टरमधील सर्वांचा मृत्यू झाला आहे. उड्डाण करताना हेलिकॉप्टर कोसळल्याची माहिती मिळाली आहे. हेलिकॉप्टरमध्ये वैमानिकासह 20 सैनिक असल्याची माहिती मिळत आहे.
पाकिस्तानी आर्मी एव्हिएशनचे एमआय-17 हेलिकॉप्टर मुझफ्फराबादजवळ टेक ऑफ करताना तांत्रिक अडचणींमुळे कोसळले. या दुर्घटनेत हेलिकॉप्टरमधील सर्वांचाच मृत्यू झाला आहे. काही तांत्रिक बिघाडामुळे हेलिकॉप्टर पडल्याचे लष्कराने एक निवेदन जारी केले आहे. अपघातानंतर बचाव आणि बचाव पथके तातडीने घटनास्थळी पोहोचली आहेत. हा अपघात पाकव्याप्त काश्मीरमधील नीलम खोऱ्यात झाला. हेलिकॉप्टरमधील सर्व सैनिक ठार झाल्याचे वृत्त आहे. आयएसपीआरने हेलिकॉप्टरमधील सैनिकांची संख्या उघड केली नाही. पाकव्याप्त काश्मीरमधील आंदोलकांच्या हालचालींवर लक्ष ठेवण्यासाठी पाकिस्तानी लष्कराने हेलिकॉप्टर तैनात केले आहेत. हेलिकॉप्टरमध्ये वैमानिकासह 20 सैनिक असल्याची माहिती मिळत आहे. दोन दिवसांपूर्वी बलुचिस्तानमध्येही पाकिस्तानी लष्कराचे एक हेलिकॉप्टर कोसळले होते.
View this post on Instagram
घटनास्थळी मदतकार्य सुरू अपघाताची माहिती मिळताच स्थानिक प्रशासन आणि लष्कराच्या बचाव पथकांनी तातडीने घटनास्थळाकडे धाव घेतली. लष्कराने संपूर्ण परिसराला वेढा घातला असून ढिगारा हटवण्याचे काम युद्धपातळीवर सुरू आहे. हेलिकॉप्टरमधील सर्व 20 जणांचे मृतदेह बाहेर काढण्यात आले असून, अद्याप मृत जवानांची नावे अधिकृतपणे जाहीर करण्यात आलेली नाही. अपघाताच्या कारणांचा शोध घेण्यासाठी पाकिस्तान लष्कराने उच्चस्तरीय चौकशी समिती स्थापन केली आहे. प्राथमिक तपासात तांत्रिक बिघाड हेच अपघाताचे मुख्य कारण असल्याचे सांगितले जात असले, तरी घातपातासह सर्व बाजूंनी या प्रकरणाचा तपास केला जाणार आहे. या दुर्घटनेमुळे पाकिस्तान लष्करामध्ये मोठी खळबळ उडाली आहे.
पाकिस्तानने पकडलेल्या भारतीय जवानाचा केला क्रूरपणे छळ; सतत टॉर्चर…
भारत-पाक बॉर्डर! पाकिस्तानने BSF जवानाला 22 दिवसांनी सोडले…
India Vs Pak War! पाकिस्तानने ऑपरेशनला दिले ‘बुनयान अल मारसूस’ नाव; अर्थ पाहा…
India Pakistan War: पाकिस्तानचे 50 ड्रोन्स पाडले; कुठे-कुठे आपटला तोंडावर पाहा…
पाकिस्तानवर डबल अटॅक! लाहोर विमातनळाजवळ तीन मोठे स्फोट…
