धक्कादायक! खासगी बसमध्ये पोटच्या मुलांसमोर आईवर सामूहिक बलात्कार…
बंगळूरू: कर्नाटकातील दावणगेरे जिल्ह्यात एका खासगी बसमध्ये महिलेवर तिच्या मुलांसमोर सामूहिक बलात्कार झाल्याची घटना समोर आली आहे. याप्रकरणी पोलिसांनी तिन्ही आरोपींना अटक केली आहे. या घटनेमुळे खळबळ उडाली असून, पोलिस पुढील तपास करत आहेत.
दावणगेरे येथील हरपनहल्ली येथील उच्छंगीदुर्गा मंदिरात दर्शन घेतल्यानंतर पीडित महिला आपल्या मुलांसह बसने घरी परतत असताना ही घटना घडली आहे. पीडित महिला 31 मार्च रोजी आपल्या दोन मुलांसह उच्छंगीदुर्गा मंदिरात गेली होती. संध्याकाळी मंदिरापासून दावणगेरेला जाणारी शेवटची बस पकडली. बसमध्ये सात-आठ प्रवासी होते. सर्व प्रवासी उतरल्यावर आरोपींनी महिलेवर बलात्कार केला. ड्रायव्हरने बस चन्नापुराजवळ एका निर्जन ठिकाणी नेली आणि पीडित महिलेच्या मुलांच्या तोंडात कापडाचा बोळा कोंबून हातपाय बांधले. मुलांचे हात बांधून त्यांच्या आईवर त्यांच्यासमोर सामूहिक बलात्कार केला. काही वेळाने शेतात काम करणाऱ्या शेतकऱ्यांनी येऊन महिलेला वाचवले. त्यांनी चालक प्रकाश माडीवालारा, कंडक्टर सुरेश आणि हेल्पर राजशेखर यांना पकडून अरसिकरे पोलिसांच्या ताब्यात दिले. एका आरोपीवर यापूर्वी सात गुन्हे दाखल आहेत.
दरम्यान, पोलिसांनी सुरुवातीला गुन्हा नोंदवला नाही, असा आरोप पीडित महिलेने केला आहे. त्याने एका कोऱ्या कागदावर पीडितेची स्वाक्षरी घेतली. पोलिसांनी दोन हजार रुपये दिले आणि नवीन कपडे घेण्यास सांगितले. महिलेचे जगणे कठीण होईल, असे सांगत पोलिसांनी महिलेला गुन्हा नोंदवू नका, असा सल्ला दिला. त्यानंतर पोलिसांनी पुन्हा उच्छंगीदुर्गा मंदिरात सोडले. पोलिसांनी गरज पडेल तेव्हा फोन करून बोलवतो असे सांगत घरी जाण्यास सांगितले. पीडित महिलेने आपल्या मुलांसोबत मंदिरातच रात्र काढली. पोलिसांनी आरोपींना सोडून दिले. काही दिवसांनी एक महिला आपल्या दोन मुलांसह अनेक दिवस मंदिरात राहत असल्याचे स्थानिक नेत्यांना समजले तेव्हा त्यांनी तिच्याशी संपर्क साधला. यानंतर नेत्यांनी विजयनगरचे एसपी श्रीहरी बाबू यांना घटनेची माहिती दिली. घटनेची माहिती मिळताच एसपी अरासिकेरे पोलिस ठाण्यात पोहोचले आणि त्यांनी पीडितेचे जबाब नोंदवले. यानंतर आरोपींना अटक करण्यात आली आहे.
पुणे शहरात चिमुकलीवर लॉजवर बलात्कार; आरोपीसह लॉज मालकही अटकेत…
स्तन पकडणे किंवा पायजाम्याची नाडी तोडणे बलात्कार नाही…
पुणे! विद्येच्या माहेरघरात युवतीवर केला बलात्कार…
सहा विद्यार्थ्यांचा महाविद्यालयीन विद्यार्थिनीवर बलात्कार; व्हिडिओ बनवला अन्…
माजी मंत्र्याच्या पुतण्यावर गुन्हा दाखल; बलात्कार अन् गर्भपात…
