राजधानी हादरली! IRS अधिकाऱ्याच्या मुलीवर लैंगिक अत्याचार करून केली हत्या…

नवी दिल्ली : राजधानी दिल्लीतील उच्चभ्रू परिसर असलेल्या अमर कॉलनीत एका आयआरएस अधिकाऱ्याचे घर असून, अधिकाऱ्याच्या 22 वर्षीय मुलीवर लैंगिक अत्याचार तिच्याच घरात निर्घृणपणे हत्या करण्यात आल्याची धक्कादायक घटना घडली आहे. या घटनेमुळे खळबळ उडाली असून, पोलिस पुढील तपास करत आहेत.

1997 च्या बॅचचे अधिकारी दिनेश गुप्ता आणि त्यांची पत्नी जिममध्ये गेले होते. या हत्येतील आरोपी राहुल मीना हा घरातील माजी नोकर असून, त्याला महिनाभरापूर्वीच कामावरून काढून टाकण्यात आले होते. आरोपी नोकराची ओळख राहुल म्हणून पटली आहे. मंगळवारी (ता. २१) तो सकाळी सातच्या सुमारास त्यांच्या घरी आला होता. डोक्याला गंभीर दुखापत झालेल्या आणि बेशुद्ध अवस्थेत असलेल्या मुलीला कुटुंबीयांनी रुग्णालयात नेले. मुलीच्या चेहऱ्यावर लैंगिक अत्याचाराच्या खुणा आणि अनेक खोल व्रण दिसून आले. या हत्येसाठी त्यांची माजी नोकर जबाबदार असल्याचा कुटुंबीयांना संशय आहे.

दिल्ली पोलिसांच्या तपासात असे उघड झाले आहे की, आरोपी राहुलने हा गुन्हा नियोजनबद्ध केला आहे. घरात कोणत्या वेळी कोण उपस्थित आहे हे त्याला माहित होते. सीसीटीव्ही फुटेजनुसार, तो सकाळी 6 वाजता इमारतीजवळ आला आणि आई-वडिलांच्या बाहेर जाण्याची वाट पाहत सुमारे अर्धा तास जिन्यावर लपून बसला होता. घर रिकामे होताच, आरोपीने घरात प्रवेश करून गुन्हा केला.

दिल्ली पोलिसांचे पथक आरोपी राहुलच्या अलवर येथील घरी पोहोचले, तेव्हा त्यांना समजले की तो यापूर्वीही एका विनयभंगाच्या घटनेत सामील होता. तो आदल्या रात्रीच अलवरहून दिल्लीला परतला होता. राहुल थेट दक्षिण-पूर्व दिल्लीतील कैलास हिल्स येथील त्याच्या घरी गेला असावा असा संशय आहे. घरात जबरदस्तीने प्रवेश केल्याच्या कोणत्याही खुणा आढळल्या नाहीत. घरगुती नोकरांकडून वापरली जाणारी एक अतिरिक्त चावी सहसा बाहेर ठेवली जात असे आणि राहुलला तिचे ठिकाण माहित होते. घरात प्रवेश करण्यासाठी त्याने त्याच चावीचा वापर केला असावा.

राहुलला सुमारे महिनाभरापूर्वी घरातून बाहेर काढण्यात आले होते. त्याच्यावर चोरी आणि आर्थिक गैरव्यवहाराचा आरोप होता. जेव्हा अधिकाऱ्याने त्याला कामावरून काढून टाकले होते. प्राथमिक अहवालानुसार, आरोपीने पीडितेवर केवळ लैंगिक अत्याचारच केला नाही, तर मोबाईल चार्जर केबलने तिचा गळा दाबून निर्घृणपणे तिची हत्याही केली. घटनास्थळी झटापटीच्या खुणा आढळल्या आहेत. पीडितेने स्वतःला वाचवण्यासाठी सर्वतोपरी प्रयत्न केले होते.

प्रसिद्ध अभिनेत्रीचे विद्यार्थ्यासोबतचे अश्लिल चॅट व्हायरल, विवस्त्र व्हिडीओ कॉल…

महिला क्रिकेटरने मुंबईतील उद्योगपतीला अडकवलं सेक्सटॉर्शनच्या जाळ्यात अन्…

राजधानीत अल्पवयीन मुली बेपत्ता होण्याच्या घटनांमध्ये होतेय वाढ…

राजधानीत ऐन दिवाळीत चार गुंडांचं पोलिसांकडून एन्काऊंटर; पाहा नावे…