
मुंढवा पोलिस ठाणेचा अगळावेगळा पर्यावरण पुरक उपक्रम…
पुणे (संदीप कद्रे): पुणे शहर पोलिस आयुक्तालय अंतर्गत नागरिकांची सुरक्षितता व पोलिसांचे आरोग्य या करीता मुंढवा पोलिस ठाणेचा अगळावेगळा पर्यावरण पुरक उपक्रम शनिवारी (ता. २३) आयोजित करण्यात आला होता.
मुंढवा पोलिस ठाणे येथे नागरिकांची सुरक्षितता व पोलिसांचे आरोग्य या करीता मुंढवा पोलिस ठाणेचे वरिष्ठ पोलिस निरीक्षक विष्णू ताम्हाणे यांचे संकल्पनेतून पोलिस आयुक्त व पोलिस सह आयुक्त यांचे मार्गदर्शनाखाली अपर पोलिस आयुक्त, रंजनकुमार शर्मा, पूर्व प्रादेशिक विभाग, पुणे शहर, पोलिस उपआयुक्त, विक्रांत देशमुख, सहा. पोलिस आयुक्त, अश्विनी राख, हडपसर विभाग, पुणे शहर, स्थानिक उद्योजक व नगरसेवक उमेश गायकवाड व इतर नागरिक तसेच लोणी काळभोर, हडपसर, वानवडी पोलिस ठाणेंचे वरिष्ठ पोलिस निरीक्षक, मुंढवा पोलिस ठाणेस असे उपस्थित असून सदरचा कार्यक्रम मुंढवा पोलिस ठाणेस आयोजीत करण्यात आला होता.
कार्यक्रमाचे प्रास्ताविक मुंढवा पोलिस ठाणेचे वरिष्ठ पोलिस निरीक्षक विष्णु ताम्हाणे यांनी केले. त्यावेळी त्यांनी आपल्या प्रास्ताविकमध्ये पोलिस आयुक्त यांनी पोलिस स्टाफचे शारिरीक तंदुरूस्तीकडे व गुन्ह्यांना प्रतिबंध करून नागरीकांमध्ये सुरक्षिततेची भावना निर्माण करणेबाबत सुचना दिल्या होत्या. पोलिस आयुक्तांनी दिलेल्या सुचनातून आम्हाला पोलिस ठाणे हद्दीत सायकल पेट्रोलींग करणे बाबतची संकल्पना सुचली. त्यांनी सायकल पेट्रोलिंगची कल्पना पोलिस ठाणेचे अधिकारी व अंमलदार यांना सांगितली व चर्चा करून सायकल पेट्रोलिंगबाबत सकारात्मक प्रतिसाद मिळाला. प्रास्ताविकनंतर कार्यक्रमाचे प्रमुख पाहुणे अपर पोलिस आयुक्त, रंजनकुमार शर्मा यांचे हस्ते सायकल पेट्रोलिंग शुभारंभ उद्घाटन कार्यक्रम पार पडला आहे. सदर कार्यक्रम आयोजन मुंढवा पोलिस ठाणेकडील पोलिस अंमलदार निलेश पालवे, स्वप्निल शिवरकर, तानाजी देशमुख व इतर पोलिस ठाणे स्टाफ करवी करण्यात आले होते.
पोलिस ठाण्याच्या हद्दीत अनेक ठिकाणी अरुंद रस्ते, गल्लीबोळाचे रस्ते असतात. त्यामुळे गस्त घालताना पोलिसांच्या वाहनांना मर्यादा येतात. या पाश्र्वभूमीवर सायकलवरून गस्त घालणे सोपे होणार आहे. गस्तीच्या निमित्ताने प्रत्येक पोलिसाकडून काही अंतर सायकल चालविली जाणार आहे. परिणामी पोलिसाचे आरोग्य चांगले राहण्यास देखील मदत होणार आहे. शहरातील मुंढवा पोलिस ठाण्याच्या हद्दीत अरुंद रस्ते वाहतूक कोंडीचे अनुषंगाने पोलिस ठाणे हद्दीत गल्ली बोळात सायकल गस्त (पेट्रोलिंग) घालणार आहेत. यामुळे पोलिसांच्या शारिरीक तंदरुस्तीबरोबरच नागरिकांसोबत अधिकाधिक संपर्क आल्यामुळे त्यांच्यात सुरक्षेची भावना वाढण्यास मदत होईल, असा विश्वास व्यक्त करण्यात येत आहे. तसेच सायकल पेट्रोलींग हे पर्यावरण पुरक असल्याने वाहनांमुळे होणारे प्रदूषण टाळले जाईल. या उपक्रमाकडे नागरिकांनी देखील कुतूहलाने पाहून नागरिक देखील सायकलिंग करणे करीता प्रेरित होतील.
पुणे शहरात मोबाईल चोरांना पकडण्यात मुंढवा पोलिसांना यश…
कौतुकास्पद! मुंढवा पोलिसांनी वाचवला आत्महत्या करणाऱ्या युवकाचा जीव…
पुणे शहरातील मोक्कामधील फरारी आरोपीस युनिट ५ने केले जेरबंद…
पुणे शहरात आरोपी नशा भागविण्यासाठी करायचा मोबाईल चोरी; 32 मोबाईल हस्तगत…
पोलिसकाकाच्या बातम्यांसाठी Join करा Whatsapp Group…