
आमदार संतोष बांगर यांच्या विरोधात गुन्हा दाखल…
हिंगोली : शिंदे गटाचे आमदार आमदार संतोष बांगर यांनी हातात नंगी तलवार घेऊन सार्वजनिक ठिकाणी फिरवल्याने त्यांच्या विरोधात गुन्हा दाखल करण्यात आला आहे. हिंगोलीत आयोजित करण्यात आलेल्या कावड यात्रेदरम्यान आमदार बांगर यांनी ही तलवार हातात घेऊन फिरवली होती. संबंधित व्हिडिओ सोशल मीडियावर व्हायरल झाला आहे.
आमदार संतोष बांगर हे नेहमी आपल्या वादग्रस्त वक्तव्य आणि प्रकरणामुळे चर्चेत असतात. त्यांच्यावर गुन्हा दाखल झाल्यामुळे यांच्या अडचणीत आणखी वाढ होण्याची शक्यता आहे. आमदार बांगर यांनी हातात नंगी तलवार घेऊन सार्वजनिक ठिकाणी फिरवल्याने पोलिसांनी हा गुन्हा दाखल केला आहे. हिंगोलीत आयोजित करण्यात आलेल्या कावड यात्रेदरम्यान आमदार बांगर यांनी ही तलवार हातात घेऊन फिरवल्याचे समोर आले होते.
माजी मुख्यमंत्री उद्धव ठाकरे यांची हिंगोली जिल्ह्यात सभा झाल्यानंतर शिंदे गटाचे आमदार संतोष बांगर यांच्या वतीने कावड यात्रा काढण्यात आली होती. या यात्रेतून आमदार बांगर यांनी जोरदार शक्तिप्रदर्शन केले. कळमनुरीच्या चिंचाळेश्वर महादेव मंदिराजवळ बांगर समर्थकांनी त्यांचा सत्कार केला. तसेच याचवेळी बांगर यांना तलवार भेट दिली. मात्र, म्यानातून भेट मिळालेली तलवार आमदार बांगर यांनी बाहेर काढून हातात घेऊन नाचवली. या सर्व घटनेचा व्हिडीओ समोर आल्यावर आमदार बांगर यांच्याविरोधात कळमनुरी पोलीस ठाण्यामध्ये आर्मस ॲक्टनुसार गुन्हा दाखल करण्यात आला आहे. सोबतच बेकायदेशीररित्या डीजे वाजवल्याप्रकरणी डीजेच्या मालकावर सुद्धा गुन्हा दाखल करण्यात आला आहे. पोलिस पुढील तपास करत आहेत.
आमदारपुत्राची दादागिरी; बंदुकीच्या धाकाने व्यावसायिकाचे अपहरण…
नंदू ननावरे आत्महत्या प्रकरणानंतर भावाने कापले बोट; खासदारही अडचणीत…
संभाजी भिडे यांच्या विरोधात गुन्हा दाखल…
पोलिसकाकाच्या बातम्यांसाठी Join करा Whatsapp Group…