देशाच्या इतिहासातील अभूतपूर्व घटना; तब्बल 9 पोलिसांना फाशीची शिक्षा…
चेन्नई (तामिळनाडू): सांथनकुलम येथे वडील आणि मुलाच्या पोलिस कोठडीतील मृत्यूच्या सहा वर्षांनंतर म्हणजे 6 एप्रिल रोजी मदुराई न्यायालयाने नऊ पोलिसांना दोषी ठरवून त्यांना फाशीची शिक्षा सुनावली आहे. या प्रकरणात हेड कॉन्स्टेबल रेवती (वय 43) यांची साक्ष या केसमधील सर्वात टर्निंग पाँईट ठरली.
पोलिस कोठडीत वडील आणि मुलाच्या झालेल्या मृत्यूने संपूर्ण देशाला धक्का बसला होता. हे प्रकरण दाबण्याचे प्रयत्न झाले, परंतु कॉन्स्टेबल रेवती यांच्या साक्षीने सत्य समोर आले. रेवती या दोन मुलींची आई आहेत. त्यांनी न्यायदंडाधिकाऱ्यांना सांगितले की संपूर्ण सत्य सांगण्यास तयार आहे, पण मुलांच्या सुरक्षेची आणि नोकरीची हमी हवी आहे. रेवती यांचे शौर्य आणि सत्याप्रती असलेली तिची निष्ठा या प्रकरणाला अंतिम निष्कर्षापर्यंत पोहोचवण्यात महत्त्वपूर्ण ठरली. न्यायालयात प्रत्येक क्षणाची घटना कथन करून पोलिस ठाण्यात काय घडले आणि त्यासाठी कोण जबाबदार होते हे सिद्ध केले.
Discount Price : 150 + Postage Charges
WhatsApp : 93712 69949
पोलिसांच्या उत्कृष्ट तपासाची कहाणी लवकरच पुस्तकातून वाचकांसमोर!
जून 2020 मध्ये ही घटना घडली होती. तुतीकुडी जिल्ह्यातील सांथंकुलम पोलिस ठाण्यात घडलेल्या एका घटनेने संपूर्ण देशाला धक्का बसला. कोरोना काळात पी. जयराज आणि त्यांचा मुलगा, जे. बेनिक्स, यांना त्यांचे मोबाईल दुकान निर्धारित वेळेपेक्षा जास्त वेळ उघडे ठेवल्यामुळे ताब्यात घेण्यात आले होते. कॉन्स्टेबल रेवती यांनी न्यायालयाला सांगितले, “मी रात्री 8:50 च्या सुमारास पोलिस स्टेशनला पोहोचले. त्याच क्षणी, मला आतून किंकाळ्या आणि रडण्याचे आवाज ऐकू आले, कोणीतरी ओरडत होते. कधीकधी सब-इन्स्पेक्टर बालकृष्णन यांचा आवाज ऐकू येत होता, ते म्हणत होते, “स्टेशनमध्ये गोंधळ घालण्याची तुमची हिम्मत कशी झाली? तुम्ही काही मोठे मर्द आहात का?” पोलिसांनी जयराज आणि बेनिक्स यांना रक्त येईपर्यंत मारहाण केली. त्यांनी बाप-लेकाच्या गुप्तांगांवर बुटांनी फटके मारले. या दरम्यान, पोलिस दारू पिण्यासाठी थांबायचे आणि नंतर पुन्हा मारहाण सुरू करायचे. जेव्हा दोघेही अर्धमेले झाले होते, तेव्हा रेवती यांनी सहानुभूतीपोटी जयराज (वडील) यांना कॉफी देण्याचा प्रयत्न केला, पण इतर पोलिसांनी ती हिसकावून घेतली आणि फेकून दिली.
रेवती यांच्या म्हणण्यानुसार, दोघांचे कपडे काढण्यात आले आणि त्यांचे हात बांधण्यात आले. अशी क्रूरता सहन न झाल्याने रेवती निघून गेल्या. त्यांना ताब्यात घेतल्यानंतर दोन दिवसांनी मुलगा बेनिक्स मरण पावला आणि दुसऱ्या दिवशी वडील जयराज मरण पावले. देशभरात संतापाची लाट उसळली, पण पोलिस खात्याने हे प्रकरण दाबण्याचा प्रयत्न केला. नऊ पोलिसांवर आरोप ठेवण्यात आले. जेव्हा न्यायदंडाधिकारी एम. एस. भारथिदासन चौकशीसाठी आले, तेव्हा रेवती त्यांना म्हणाली, “साहेब, मी तुम्हाला सर्व काही सांगेन, प्रत्येक लहान-मोठा तपशील, जे सत्य लपवले जात आहे ते. मी दोन मुलींची आई आहे.” तुम्ही माझ्या मुलांच्या सुरक्षेची आणि माझ्या नोकरीची हमी देऊ शकता का?
सहकारी अधिकाऱ्यांनी इशारा देऊनही, रेवती यांनी बोलण्याचा निर्णय घेतला. भीतीच्या छायेत आपल्या सहकारी अधिकाऱ्यांविरुद्ध साक्ष दिली. जबाब नोंदवताना, बाहेर जमलेले पोलिस अधिकारी न्यायालयाच्या कर्मचाऱ्यांना धमक्या देत होते आणि रेवती यांचा अपमान करत होते. दंडाधिकाऱ्यांना सुरक्षा रक्षक तैनात करावे लागले. सुरक्षेचे आश्वासन मिळाल्यानंतरच रेवती यांनी सही करण्यास संमती दिली. सीसीटीव्ही फुटेजमधील प्रत्येक आरोपीला ओळखले. तिच्या क्षणोक्षणीच्या साक्षीने हे सिद्ध झाले की त्या रात्री पोलिस ठाण्यात कोण उपस्थित होते आणि त्या दोघांच्या मृत्यूसाठी कोण जबाबदार होते. रेवती यांचे धैर्य न्यायाचा पाया बनले.
न्यायालयाने या नऊ अधिकाऱ्यांना हत्या आणि पुरावे नष्ट केल्याप्रकरणी दोषी ठरवले. दोषी ठरलेले कर्मचारी (मृत्युदंडाची शिक्षा सुनावलेले) पुढीलप्रमाणे…
एस. श्रीधर (तत्कालीन निरीक्षक/एसएचओ)
पी. रघु गणेश (उपनिरीक्षक)
के. बालकृष्णन (उपनिरीक्षक)
एस. मुरुगन (हेड कॉन्स्टेबल)
ए. सामीदुराई (हेड कॉन्स्टेबल)
एम. मुथुराज (कॉन्स्टेबल)
एस. चेल्लादुराई (कॉन्स्टेबल)
एक्स. थॉमस फ्रान्सिस (कॉन्स्टेबल)
एस. वेलुमुथु (कॉन्स्टेबल)
दहावा आरोपी, विशेष उपनिरीक्षक पॉलदुराईचा 2020 मध्ये खटला सुरू असतानाच कोविड-19 मुळे मृत्यू झाला आहे.
प्रियकराला विष घालून ठार मारणाऱ्या प्रेयसीला फाशीची शिक्षा…
पाप करणाऱ्यांना फाशी, भीती निर्माण करणे गरजेचे: नरेंद्र मोदी
स्टेडिअमध्ये 80 हजार जणांच्या समोर दिली मुलाच्या हातात दिली बंदूक अन् धाड-धाड…
आईवर बलात्कार करणा-या आरोपीला जन्मठेपेची शिक्षा…
ऑनर किलिंग! गर्भवती मुलीचा खून करणाऱ्या बापाला जन्मठेप…
