पुणे! ससून हॉस्पिटलमधील 11व्या मजल्यावरून मारली उडी; रुग्णाचा मृत्यू…
पुणे: ससून रुग्णालयात आज (गुरुवार) सकाळी एका मनोरुग्णाने 11व्या मजल्यावरून उडी घेऊन आत्महत्या केल्याची धक्कादायक घटना समोर आली आहे. विजय असे आत्महत्या केलेल्या व्यक्तीचे नाव आहे. आत्महत्येची माहिती मिळताच पोलिसांनी अधिक तपास सुरू केला आहे.
मिळालेल्या माहितीनुसार, विजय नावाच्या या रुग्णाला 5 सप्टेंबर रोजी रेल्वे पोलिसांनी ससून रुग्णालयात उपचारासाठी दाखल केले होते. यापूर्वी विजयने रेल्वेसमोर उडी घेऊन आत्महत्या करण्याचा प्रयत्न केला होता. या प्रयत्नानंतर पोलिसांनी त्याला सुरक्षितपणे रुग्णालयात दाखल केले होते. पण, रुग्णाने पुन्हा आत्महत्येचं पाऊल उचलल्याने ससून रुग्णालयावर अनेक प्रश्नचिन्ह उपस्थित होत आहेत. विजयवर रुग्णालयाच्या मनोरुग्ण विभागात उपचार सुरू असताना आज सकाळी त्याने रुग्णालयाच्या 11 व्या मजल्यावरून उडी मारून आपले आयुष्य संपवले आहे.
दरम्यान, या घटनेनंतर ससून रुग्णालयात एकच खळबळ उडाली आहे. पोलीस या प्रकरणाचा अधिक तपास करत असून आत्महत्येमागील नेमकं कारण शोधण्याचा प्रयत्न करत आहेत. दुसरीकडे सरकारी ससून रुग्णालयातील संतापजनक प्रकार समोर आला आहे. हॉस्पिटलच्या निष्काळजीपणामुळे कातकरी आदिवासी तरुणाचा उपचाराअभावी तडफडून मृत्यू झाल्याची घटना काल समोर आली होती. तब्बल दोन तास रुग्णालयाच्या जमिनीवर वेदनेने विव्हळत या युवकाचा मृत्यू झाला. तब्बल दोन तास रुग्णालयाच्या जमिनीवर पडूनही त्याला वेळेत उपचार मिळाले नाहीत, असा गंभीर आरोप मृताच्या कुटुंबीयांनी केला आहे.
ससूनचा डॉ. अजय तावरे अन् अमर मकानदारमध्ये ७० कॉल…
ससूनचा कारभार! दिशा भोईटे प्रकरण अद्याप संपलेले नाही…
पुणे पोर्शे कार अपघात, रक्त बदल आणि ससूनमध्ये चमचमीत बिर्याणीची चर्चा…
शरद मोहोळ प्रकरणाशी संबंधित ससूनमधून पळून गेलेल्या आरोपीच्या आवळल्या मुसक्या…
ससून रुग्णालयातून आरोपी पसार, नऊ पोलिसांचे निलंबन; पाहा नावे…
