प्रेमविवाहाला परवानगी न दिल्याने मुलीने केली वडिलांना बेदम मारहाण…
पंढरपूर : प्रेमविवाहाला परवानगी न दिल्याने पोटच्या मुलीनेच आपल्या वडिलांना बेदम मारहाण केल्याची घटना घडली आहे. याप्रकरणी माढा पोलिसांनी मुलीसह पाच जणांना अटक केली असून, पुढील तपास करत आहेत.
प्रियकराच्या मदतीनं मुलीने हा सगळा कट रचला. रात्रीच्या सुमारास आपल्या मुलीला घेऊन माढाच्या दिशेने येत असताना हा सगळा प्रकार घडला. मारहाणीमध्ये पिता गंभीररित्या जखमी झाले आहेत. मंगळवारी रात्री साडे दहाच्या सुमारास माढ्यातील प्रसिद्ध शेटफळ येथून आपल्या मुलीला घेऊन माढ्याकडे येत होते. वडाचीवाडी गावाच्या हद्दीत बाथरूमसाठी गाडी उभी केली असता अज्ञातांनी त्यांना जबर मारहाण केली. या मारहाणीत जबर जखमी झाले त्यांना उपचारासाठी सोलापूर येथे हलविण्यात आले आहे.
मुलीनेच माढा पोलिसात खबर दिली. मुलीला तिचे वडिलांनी व्यावसायिक कारणासाठी 7 ऑगस्ट रोजी सकाळी पुण्याला पाठवले होते. तेथील कामे उरकून ती पुणे सोलापूर शिवशाही बसने माढ्यास निघाली. प्रारंभी टेंभुर्णीपर्यंत तिकीट काढले होते मात्र वडिलांनी तीला शेटफळ पर्यंतचे तिकीट काढून तेथे उतर मी तेथून तुला घेऊन जायला गाडी घेऊन येतो असे सांगितले. त्यानुसार ती शेटफळ येथे आली आणि ती आणि तिचे वडील हे दोघे स्वतःच्या गाडीतून माढ्याकडे येत असताना वडाचीवाडी गावाच्या हद्दीत आल्यावर मुलीने बाथरूमसाठी गाडी थांबविण्यास सांगितले. त्यानुसार गाडी थांबली त्यातून मुलगी बाहेर आली त्याचवेळी वडील सुद्धा बाहेर आले. यावेळी अचानक अज्ञातांनी त्यांना मारहाण करून ते दोन मोटारसायकल वरून शेटफळच्या दिशेने निघून गेल्याचे मुलीने पोलिसांना दिलेल्या माहितीमध्ये म्हटले होते.
प्रत्यक्ष घटनास्थळाची पाहणी केल्या नंतर पोलिसांना विसंगती आढळून आली. त्यामुळे पोलिसी खाक्या दाखवताच अटक करण्यात आलेल्या संशयीतांपैकी एका बरोबर प्रेमसंबंध होते. परंतु, वडिलांचा विरोध होता त्यांना जायबंदी करून विवाह करण्याचा कट रचला आणि त्यानुसार हे कृत्य केले असे पोलिस तपासात निष्पन्न झाले आहे. पोलिस पुढील तपास करत आहेत.
धक्कादायक! प्रेम प्रकरणातून युवकाला जखमी अवस्थेतच फेकले विहिरीत अन्…
प्रेम! पुन्हा तुझ्या आयुष्यात येणार नाही म्हणून मारली नदीत उडी…
हनीमूनला जाताना बेपत्ता झालेली नवरी अखेर सापडली…
प्रियकराने सेल्फीच्या बहाण्याने तिघींना ठकलले नदीत अन्…
पोलिसकाकाच्या बातम्यांसाठी Join करा Whatsapp Group…
