मोटर अपघात दावा न्यायाधिकरण सदस्यास जिवे मारण्याची धमकी; पोलिसांकडून गुन्हा दाखल
मुंबई: मोटर अपघात दावा न्यायाधिकरण (एमएसीटी) सदस्याला जिवे मारण्याची धमकी दिल्याप्रकरणी, मुंबईत माटुंगा पोलिसांनी दोन अज्ञात व्यक्तींविरुद्ध पोलिसांनी गुन्हा दाखल केला आहे. तक्रारदार शशिकांत एकनाथराव बांगर (वय ५४) यांच्या म्हणण्यानुसार, आरोपींनी दादरमध्ये इराणी मॅन्शनजवळ त्यांची गाडी थांबवली आणि चित्रीकरण करण्यास सुरुवात केली.
पोलिसांनी सांगितले, की अज्ञात आरोपींनी दादरमध्ये एका अधिकाऱ्याची एसयूव्ही गाडी थांबवली आणि गाडीचे चित्रीकरण करण्यास सुरुवात केली; जेव्हा वाहनातील व्यक्तीने विरोध केला, तेव्हा त्यांनी ती व्यक्ती आणि त्याच्या पत्नीला शिविगाळ करण्यास सुरुवात केली.
ही घटना रात्री सुमारे १०.१५ वाजता घडली. बांगर आणि त्यांची पत्नी, विजया शशिकांत बांगर, आपल्या मुलीला सोडण्यासाठी दादरला गेले होते.
बांगर यांच्या म्हणण्यानुसार, त्या दोघांनी त्यांच्यावर हल्ला करण्याचाही प्रयत्न केला. बांगर यांनी त्यांना शांत होण्यास सांगितले आणि आपली ओळख व वाहनाचा तपशील पडताळण्यासाठी पोलिसांना बोलावण्याचा सल्ला दिला. त्यांनी १०० आणि ११२ या आपत्कालीन हेल्पलाइन क्रमांकांवरही संपर्क साधण्याचा प्रयत्न केला.
आपल्या मुलीला सोडून बांगर दादर टीटी जवळील इराणी मॅन्शनच्या दिशेने परत येत असताना, त्या दोघांनी त्यांचा रस्ता अडवला आणि त्यांच्या एसयूव्हीचे आणि डॅशबोर्डवरील ‘न्यायधीश’ असे लिहिलेल्या नामपट्टीचे फोटो आणि व्हिडिओ काढायला सुरुवात केली.
ही नंबर प्लेट का लावली आहे आणि ती वापरण्याची परवानगी कोणी दिली आहे, असे विचारले. बांगर यांनी त्यांना सांगितले, की ते एमएसीटीचे (एमएसीटी) सदस्य आहेत. वाहनासंबंधीचा तपशील मुंबई उच्च न्यायालयात सादर करण्यात आला आहे.
त्या व्यक्ती व्यावसायिक खंडणीखोर किंवा गुन्हेगारी हेतू असलेले लोक असू शकतात, असे सांगून ते म्हणाले, की पुरुषांपैकी एकाने गडद रंगाचा चौकडीचा शर्ट घातला होता आणि तो मोटारसायकल चालवत होता.
तक्रारीनंतर, माटुंगा पोलिसांनी मंगळवारी भारतीय न्याय संहितेच्या (बीएनएस) कलम १२६(२), १३०,३(५), ३५१(३) आणि ३५२ अंतर्गत दोन अज्ञात व्यक्तींविरुद्ध एफआयआर दाखल केला असून, तपास सुरू करण्यात आला आहे.
